Top News

အော်လ်မို ပြောင်းရွှေ့ကြေးအလွတ်ဖြင့် ထွက်ခွာနိုင်

24htopnews | December 13, 2024 4:12 PM CST

ဘာစီလိုနာကွင်းလယ်တိုက်စစ်ကစားသမား အော်လ်မိုသည် လာမည့် ဇန်နဝါရီတွင် ပြောင်းရွှေ့ကြေးအလွတ်ဖြင့် အသင်းမှထွက်ခွာနိုင်ကြောင်း သိရှိရသည်။

ဘာစီလိုနာအသင်းသည် အော်လ်မို(၂၆ နှစ်)အား ပြီးခဲ့သည့်နွေကမှ ယူရိုသန်း (၆၀) ဝန်းကျင်ဖြင့် ခေါ်ယူခဲ့သည်။

သို့သော် ဘာစီလိုနာအသင်းသည် ဘဏ္ဍာရေးကျပ်တည်းမှုကြောင့် အော်လ်မိုကို ရာသီဝက်အတွက်သာ စာရင်းသွင်းထားကြောင်း သိရသည်။

ဘာစီလိုနာအသင်းအနေဖြင့် အော်လ်မိုအား ဒုတိယရာသီဝက်အတွက် စာရင်းသွင်းနိုင်ခြင်းမရှိပါက ကစားသမားအနေဖြင့် အသင်းနှင့်ချုပ်ဆိုထားသည့် စာချုပ်ကို ဖျက်သိမ်းကာ ပြောင်းရွှေ့ကြေးအလွတ်ဖြင့် ထွက်ခွာနိုင်ကြောင်း သိရသည်။

ဘာစီလိုနာအသင်းဥက္ကဋ္ဌ လာပေါ်တာကမူ ၎င်းတို့အနေဖြင့် အော်လ်မိုအား ဒုတိယရာသီဝက်အတွက် စာရင်းသွင်းနိုင်စွမ်းရှိကြောင်း ပြောကြားခဲ့သည်။

အော်လ်မိုသည် ယခုရာသီ လာလီဂါ (၉)ပွဲတွင် (၅) ဂိုးသွင်းယူထားသည်။