ရှမ်းပြည်နယ်မြောက်ပိုင်း လာရှိုး၊ ကွတ်ခိုင်၊ ကျောက်မဲ၊ သိန္နီ၊ မိုးကုတ်နှင့် မူဆယ်မြို့နယ်တို့တွင် တိုက်ပွဲများကြောင့် စစ်ဘေးရှောင်ဦးရေ တစ်သောင်းကျော်ရှိလာကြောင်း စစ်ဘေးရှောင်အရေးကူညီနေသူများထံမှ သိရသည်။
ရှမ်းပြည်နယ်မြောက်ပိုင်းတွင် အောက်တိုဘာ ၂၇ ရက်က စတင်ပြီး တပ်မတော်နှင့် မြောက်ပိုင်းမဟာမိတ်သုံးဖွဲ့အကြား တိုက်ပွဲများ ဖြစ်ပွားမှုကြောင့် နိုဝင်ဘာ ၁ ရက်အထိ ငါးရက်အတွင်း စစ်ဘေးရှောင်ဦးရေ တစ်သောင်းကျော် ရှိလာခြင်းလည်းဖြစ်သည်။
လားရှိုးမြို့ရှိ ဘုန်းကြီးကျောင်းနှင့် ဘုရားကျောင်း ၁၃ ကျောင်းတွင် စစ်ဘေးရှောင်ဦးရေ ၆၄၅၅ ဦး၊ ကွတ်ခိုင်မြို့နယ်တွင် စစ်ဘေးရှောင်ဦးရေ ၁၀၀၀ ကျော်၊ ကျောက်မဲမြို့နယ်တွင် စစ်ဘေးရှောင်ဦးရေ ၄၄၆ ဦး၊ သိန္နီမြို့နယ်တွင် စစ်ဘေးရှောင်ဦးရေ ၃၀၀၀ ကျော်၊ မိုးကုတ်မြို့နယ်တွင် စစ်ဘေးရှောင်ဦးရေ ၂၅၀ နှင့် မူဆယ်မြို့နယ်တွင် စစ်ဘေးရှောင်ဦးရေ ၂၂၀ ရှိပြီး စုစုပေါင်းစစ်ဘေးရှောင်ဦးရေ ၁၀၀၀၀ ကျော်ရှိကြောင်း စစ်ဘေးရှောင်အရေးကူညီနေသူများထံမှ သိရသည်။
ထို့ပြင် မန်တုံမြို့နယ် မိုင်းဘော်တွင် ဒေသခံ ၁၀၀ ကျော်နှင့် ကွတ်ခိုင်မြို့နယ် မုံးကိုးနှင့် မုံးစီးအကြားတွင် ဒေသခံ ၃၀၀ ကျော် ပိတ်မိနေကြောင်း ဒေသခံများထံမှ သိရသည်။
ထို့ပြင် အောက်တိုဘာ ၂၇ ရက်မှ နိုဝင်ဘာ ၁ ရက်အထိ ငါးရက်အတွင်း ရှမ်းပြည်နယ်မြောက်ပိုင်းတွင် တိုက်ပွဲများကြောင့် ကလေးငယ်ငါးဦး အပါအဝင် ၁၁ ဦး သေဆုံးပြီး ၃၄ ဦး ထိခိုက်ဒဏ်ရာရရှိခဲ့ကြောင်း ဒေသခံများထံမှ သိရသည်။
လက်တလောအခြေအနေတွင် စစ်ဘေးရှောင်များအတွက် အစားအသောက်၊ ဆေးဝါးများ၊ အိပ်ယာခင်း၊ စောင်၊ ခြင်ထောင်နှင့် အဝတ်အစားများအပြင် အမျိုးသမီးနှင့်ကလေးသူငယ်များ၏ အသုံးအဆောင်ပစ္စည်းများ လိုအပ်လျက်ရှိကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
