MFF သည် ၂၀၁၁ ခုနှစ်တွင် ပထမဆုံး အကယ်ဒမီအဖြစ် မြန်မာဘောလုံးအကယ် ဒမီ (မန္တလေး) ကို စတင်ဖွင့်လှစ်ခဲ့ပြီး ယင်း နောက်ပိုင်းတွင် မြန်မာဘောလုံးအကယ်ဒမီ (ပုသိမ်) နှင့် အမျိုးသားဘောလုံးအကယ်ဒမီ (ရန်ကုန်) တို့ကို ဆက်လက်ဖွင့်လှစ်ခဲ့သည်။ MFF သည် အကယ်ဒမီများအတွက် နိုင်ငံခြား သားနည်းပြများကို ခန့်အပ်ခဲ့သလို နောက်ပိုင်း တွင် ဂျပန်ဘောလုံးအဖွဲ့ချုပ် (JFA) ၏အကူအညီဖြင့် ဂျပန်နည်းပြများကို တာဝန်ပေးအပ် ခဲ့သည်။
မြန်မာနိုင်ငံဘောလုံးအဖွဲ့ချုပ် (MFF ) သည် ဂျာမနီထိပ်သီးကလပ် ဒေါ့မွန်အသင်း၊ နယ်သာလန်ထိပ်သီးကလပ် အေဂျက်စ် အသင်းတို့နှင့် မိတ်ဖက်ပြုလုပ်ရန် ညှိနှိုင်းလျက်ရှိပြီး ပူးပေါင်းဆောင်ရွက်ဖြစ်ပါက လူငယ်ဖွံ့ဖြိုးရေးစီမံကိန်းများကို ဦးစားပေးလုပ် ဆောင်မည်ဖြစ်ကြောင်း သိရသည်။
MFF သည် ဥရောပထိပ်သီးကလပ် အသင်းအချို့နှင့် မိတ်ဖက်ပြုလုပ်ရန် ဆောင် ရွက်နေပြီး မေ ၂၅ ရက်က ပြုလုပ်သည့် နည်း စနစ်ကော်မတီအစည်းအဝေးတွင် ယင်းကိစ္စအတွက် ထည့်သွင်းဆွေးနွေးခဲ့သည်။ "လူငယ် ဖွံ့ဖြိုးရေးစီမံကိန်းအတွက် ဥရောပထိပ်သီး ကလပ်အသင်းတချို့နဲ့ ညှိနှိုင်းထားပါတယ်။ သူတို့နဲ့ မိတ်ဖက်ဆောင်ရွက်နိုင်ရင် ရလာနိုင် တာတွေရော၊ ကုန်ကျစရိတ်တွေပါ နည်းစနစ် ကော်မတီအစည်းအဝေးမှာ တင်ပြခဲ့ပါတယ်။ ကုန်ကျစရိတ်ကတော့ များပါတယ်။ ဒါပေမဲ့ လူငယ်ဖွံ့ဖြိုးရေးစီမံကိန်းအတွက်တော့ အထောက်အကူ အများကြီးရှိပါတယ်။ ဘောလုံးအကယ်ဒမီ တွေကို သူတို့ရဲ့အစီအမံ ဆောင်ရွက်သွားမှာဖြစ်ပြီး ကျွန်တော်တို့ အ တွက်လည်း အကျိုးရှိနိုင်ပါတယ်။ ငွေကြေး ကုန်ကျမှုတွေရော၊ ရရှိနိုင်မယ့် အကျိုးကျေးဇူး အတွက်ပါ သေချာညှိနှိုင်းပြီး သူတို့နဲ့ ပူးပေါင်း ဆောင်ရွက်ခြင်း ရှိ၊ မရှိ ဆုံးဖြတ်သွားမှာပါ" ဟု MFF အထွေထွေအတွင်းရေးမှူး ဦးကိုကိုသိန်းက ပြောကြားခဲ့သည်။
MFF သည် ၂၀၁၁ ခုနှစ်တွင် ပထမဆုံး အကယ်ဒမီအဖြစ် မြန်မာဘောလုံးအကယ် ဒမီ (မန္တလေး) ကို စတင်ဖွင့်လှစ်ခဲ့ပြီး ယင်း နောက်ပိုင်းတွင် မြန်မာဘောလုံးအကယ်ဒမီ (ပုသိမ်) နှင့် အမျိုးသားဘောလုံးအကယ်ဒမီ (ရန်ကုန်) တို့ကို ဆက်လက်ဖွင့်လှစ်ခဲ့သည်။ MFF သည် အကယ်ဒမီများအတွက် နိုင်ငံခြား သားနည်းပြများကို ခန့်အပ်ခဲ့သလို နောက်ပိုင်း တွင် ဂျပန်ဘောလုံးအဖွဲ့ချုပ် (JFA) ၏အကူအညီဖြင့် ဂျပန်နည်းပြများကို တာဝန်ပေးအပ် ခဲ့သည်။ MFF သည် ပြီးခဲ့သည့်ရက်ပိုင်းက နည်းစနစ်ဒါရိုက်တာ အဲရစ်အာဗရန်နှင့် လမ်းခွဲခဲ့သောကြောင့် လူငယ်ဖွံ့ဖြိုးရေးအပါ အဝင် ဘောလုံးအကယ်ဒမီအတွက် ပြန်လည် ဆောင်ရွက်နေခြင်းဖြစ်သည်။
MFF လက်အောက်တွင် ဘောလုံး အကယ်ဒမီသုံးခု တည်ထောင်ထားပြီး ယခုနှစ်တွင် ဆောင်ရွက်မည့်အစီအစဉ်များကို ပြန်လည်အတည်ပြုမည်ဖြစ်သည်။ ကိုရိုနာ ဗိုင်းရပ်စ်အခြေအနေကြောင့် အကယ်ဒမီ ကျောင်းများကို ပိတ်ထားပြီး ရောဂါအခြေ အနေတည်ငြိမ်သွားမှသာ ပြန်လည်ဖွင့်လှစ်ရန် ဆောင်ရွက်မည်ဖြစ်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
