ဖီနာဘာချီနည်းပြ မော်ရင်ဟိုက စီရော်နယ်လ်ဒိုအား ခေါ်ယူမည်ဆိုသည့်သတင်းများကို ငြင်းဆန်ပယ်ချခဲ့ပြီး ဆော်ဒီတွင် လစာငွေများစွာ ရရှိနေသည့် စီရော်နယ်လ်ဒိုအနေဖြင့်လည်း ဖီနာဘာချီအသင်းသို့ပြောင်းရွှေ့လာစရာ အကြောင်းမရှိကြောင်း ပြောကြားခဲ့သည်။
အသက် (၃၉)နှစ်ကျော်ပြီဖြစ်သည့် နာမည်ကျော် ပေါ်တူဂီအသင်းခေါင်းဆောင် စီရော်နယ်လ်ဒိုသည် ယခုရာသီကုန်တွင် ဆော်ဒီကလပ် အယ်လ်နာဆာအသင်းနှင့် စာချုပ်သက်တမ်းကုန်ဆုံးမည်ဖြစ်သည်။
ထို့ကြောင့် စီရော်နယ်လ်ဒို၏အနာဂတ်နှင့်ပတ်သက်ပြီး သတင်းများစွာထွက်ပေါ်လျက်ရှိသည်။
စီရော်နယ်လ်ဒိုအနေဖြင့် ရီးယဲလ်မက်ဒရစ်အသင်းတွင် လက်တွဲခဲ့ဖူးသည့် နည်းပြ မော်ရင်ဟို ကိုင်တွယ်နေသော တူရကီကလပ် ဖီနာဘာချီအသင်းသို့ ပြောင်းရွှေ့ဖွယ်ရှိသည်ဟုလည်း သတင်းထွက်ပေါ်နေသည်။
ယခုအခါ ဖီနာဘာချီနည်းပြမော်ရင်ဟိုက အဆိုပါသတင်းများနှင့်ပတ်သက်ပြီး တုံ့ပြန်ခဲ့ခြင်းဖြစ်သည်။
မော်ရင်ဟိုက ''စီရော်နယ်လ်ဒို လာမှာ မဟုတ်ပါဘူး။ ပထမဆုံးအကြောင်းပြချက်က ကျွန်တော့်မှာ တိုက်စစ်မှူးကောင်း (၃)ဦးရှိပြီး တခြားတိုက်စစ်မှူးတစ်ဦးကို မလိုပါဘူး။ စီရော်နယ်လ်ဒိုက အမြဲစီရော်နယ်လ်ဒို ဖြစ်နေမှာပါ။ ဒါပေမဲ့ သူ့ကို ကျွန်တော် မလိုပါဘူး။ ဘာလို့လဲဆိုတော့ အခုရှိနေတဲ့ တိုက်စစ်မှူးတွေနဲ့ ကျွန်တော် ကျေနပ်နေတာကြောင့်ပါ။ စီရော်နယ်လ်ဒိုကဆော်ဒီမှာ ငွေတွေအများကြီးရနေပြီး သွင်းဂိုး (၁၀၀၀) ရည်မှန်းချက်က နီးစပ်နေပါပြီ။ အစ္စတန်ဘူလ်အလှကလွဲလို့ ဘာမှ မက်စရာမရှိတဲ့ တူရကီကို စီရော်နယ်လ်ဒိုက ဘယ်လိုစိတ်နဲ့လာမှာလဲ''ဟု ပြောကြားခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
