ဂျူဗင်တပ်စ်ဂန္ထဝင်တိုက်စစ်မှူး ဒယ်လ်ပီယာရိုက စီးရီးအေပြိုင်ပွဲတွင် ဂျူဗင်တပ်စ်အသင်းကို ဘယ်အသင်းမှ မကြောက်ကြတော့ကြောင်းနှင့် ယင်းမှာ အသင်းအတွက် ပြဿနာဖြစ်ကြောင်း သုံးသပ်ပြောကြားခဲ့သည်။
ဂျူဗင်တပ်စ်အသင်းသည် စနေနေ့က စီးရီးအေပွဲစဉ်အဖြစ် ဘိုလော့ဂ်နာအသင်းကို အိမ်ကွင်းတွင် လက်ခံကစားခဲ့ရသော်လည်း (၂-၂) ဂိုးဖြင့် သရေကျခဲ့သည်။
အဆိုပါပွဲစဉ်တွင် ဘိုလော့ဂ်နာအသင်းသည် အိမ်ရှင် ဂျူဗင်တပ်စ်အသင်းကို အသာစီးဖြင့် ကစားနိုင်ခဲ့ပြီး ပွဲချိန် (၆၂) မိနစ်အထိ (၂-၀) ဂိုးဖြင့် ဦးဆောင်နေခဲ့သည်။
ဂျူဗင်တပ်စ်အတွက် ပွဲချိန် (၆၂) မိနစ်တွင် ကော့စ်မိုင်နာ ပထမချေပဂိုး သွင်းယူခဲ့ပြီး ပွဲချိန် (၉၀+၂) မိနစ်တွင် လူစားဝင် လူငယ်တိုက်စစ်မှူး အမ်ဘန်ဂူလာ ချေပဂိုးသွင်းခဲ့ခြင်းကြောင့်သာ ပွဲအပြီးတွင် (၂-၂) ဂိုးဖြင့် သရေကျကာ တစ်မှတ်ရခြင်းဖြစ်သည်။
ယင်းပွဲစဉ်အပြီးတွင် ဂျူဗင်တပ်စ်ဂန္ထဝင်တိုက်စစ်မှူး ဒယ်လ်ပီယာရိုက စီးရီးအေတွင် ဘယ်အသင်းမှ ဂျူဗင်တပ်စ်အသင်းကို မကြောက်တော့ခြင်းက အသင်းအတွက် ပြဿနာဖြစ်ကြောင်း သုံးသပ်ပြောကြားခဲ့ခြင်းဖြစ်သည်။
ဒယ်လ်ပီယာရိုက ''ဒီနေ့မှာ ဂျူဗင်တပ်စ်အနေနဲ့ ကြီးကျယ်တဲ့ Comeback ကိုု လုပ်ပြနိုင်ခဲ့ပါတယ်။ အိမ်ကွင်းမှာ (၀-၂)နဲ့ ရှုံးပြီးမှ ပြန်လာနိုင်တာ ကောင်းပါတယ်။ ဒါပေမဲ့ စီးရီးအေမှာ ဘယ်အသင်းမှ မကြောက်ကြတော့ခြင်းက ဂျူဗင်တပ်စ်အတွက် ပြဿနာပါပဲ။ အသင်းတိုင်းက ဂျူဗင်တပ်စ်ကို သက်သောင့်သက်သာ ကစားနေကြပြီး ဂျူဗင်တပ်စ်ကို သူတို့နိုင်နိုင်တယ်ဆိုတဲ့ ယုံကြည်မှုလည်း ရှိနေပါတယ်''ဟု ပြောကြားခဲ့သည်။
ဂျူဗင်တပ်စ်အသင်းသည် ယခုရာသီတွင် ရုန်းကန်နေရပြီး စီးရီးအေပွဲစဉ် (၁၅) အပြီးတွင် ရမှတ်(၂၇)မှတ်ဖြင့် အဆင့်(၆)နေရာ ရပ်တည်နေသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
