အီကွေဒေါလက်ရွေးစင်နောက်ခံလူ ပတ်ဒရိုပယ်လာဇာသည် မိတ်ဆွေတစ်ဦးနှင့်အတူ ပြန်ပေးဆွဲခံရပြီးနောက် ပြန်လည်လွတ်မြောက်လာပြီဖြစ်ကြောင်း အီကွေဒေါအမျိုးသားရဲတပ်ဖွဲ့၏ ထုတ်ပြန်မှုအရ သိရသည်။
အသက် ၃၃ နှစ်ရှိပြီဖြစ်သူ ပယ်လာဇာ သည် အီကွေဒေါလက်ရွေးစင်ကစားသမား တစ်ဦးဖြစ်ပြီး ပြီးခဲ့သည့် ဒီဇင်ဘာ ၁ ရက်က နိုင်ငံအနောက်မြောက်ပိုင်း ကမ်းရိုးတန်းမြို့ရှိ Esmeraldas မြို့၌ ပါတီပွဲတစ်ခုသို့သွားရန် မိတ်ဆွေဖြစ်သူနှင့်အတူ နေအိမ်မှထွက်ခွာလာစဉ် ပြန်ပေးဆွဲခံခဲ့ရခြင်းဖြစ်သည်။
ပြန်ပေးဆွဲမှုဖြစ်ပွားပြီးနောက် သုံးရက်အကြာတွင် ၎င်းတို့နှစ်ဦးကို ပြန်လည်ကယ်တင်နိုင်ခဲ့ကြောင်း အီကွေဒေါအမျိုးသားရဲတပ်ဖွဲ့က ထုတ်ပြန်ခဲ့သည်။ "အီကွေဒေါအမျိုးသား ရဲတပ်ဖွဲ့ဟာ Esmeraldas မှာ ပြန်ပေးဆွဲခံရ တယ်လို့ သတင်းပို့တိုင်ကြားထားတဲ့ ပတ်ဒရို နဲ့ ဟွမ်တို့ လွတ်မြောက်အောင် လုပ်ဆောင် နိုင်ခဲ့ပါတယ်။ ပြန်ပေးဆွဲမှုတိုက်ဖျက်ရေးအဖွဲ့ (UNASE) ထံက သတင်းအချက်အလက် စုဆောင်းခြင်းနည်းပညာနဲ့ သတင်းတွေစုဆောင်းပြီးနောက်မှာ သူတို့ဖမ်းဆီးခံထားရတဲ့ ကျေးလက်ဒေသက အိမ်တစ်လုံးကို ရှာဖွေနိုင်ခဲ့ပါတယ်။ ပြန်ပေးဆွဲခံရတဲ့သူတွေရဲ့ ပိုင်ဆိုင်မှုတွေကို စစ်ဆေးပြီးနောက်မှာ သူတို့ကို ဘေးကင်းလုံခြုံစွာနဲ့ မိသားစုတွေဆီ ပြန်ပို့နိုင်ဖို့ ညွှန်ကြားထားပါတယ်" ဟု အဆိုပါ ထုတ်ပြန်ချက်တွင် ဖော်ပြထားသည်။
ပယ်လာဇာသည် အီကွေဒေါကလပ် ဒဲလ်ဖင်အသင်း၌ ကစားနေသူဖြစ်ပြီး အီကွေ ဒေါလက်ရွေးစင်အဖြစ် ကိုလံဘီယာ၊ ပီရူး အသင်းတို့နှင့်ကစားသည့် ၂၀၂၂ ကမ္ဘာ့ဖလား ခြေစစ်ပွဲတွင် ပါဝင်ကစားခဲ့ဖူးသည်။ အီကွေဒေါနိုင်ငံ၌ ၂၀၂၃ ခုနှစ်တွင် အကြမ်းဖက်မှု များကြောင့် သေဆုံးသူအရေအတွက် ၇၀၀၀ ကျော်အထိရှိခဲ့ကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
