ရှမ်းပြည်နယ်တောင်ပိုင်း၊ ညောင်ရွှေမြို့နယ် အင်းလေးကန် အရှေ့ဖက်ကမ်း မန်ကျည်းစဉ်ရွာတွင် တည်ရှိသော Inle Princess Resort တွင် နိုဝင်ဘာ ၁၅ ရက် ည(၇)နာရီ အချိန်တွင် မီးလောင်မှုဖြစ်ပွားကြောင်း သိရသည်။
ဖြစ်စဉ်မှာ နိုဝင်ဘာလ(၁၅)ရက် ည(၇)နာရီအချိန်ခန့်က ဟိုတယ်တွင် မီးစတင်လောင်ကျွမ်းတာဖြစ်ပြီး ဝိုင်းဝန်း ကူညီ၍ မီးငြိမ်းသတ်ကြရခြင်း ဖြစ်ကြောင်း သိရသည်။ မီးလောင်မှု ဖြစ်စဉ်ကို အကြောင်းအရင်းကို စုံစမ်းနေဆဲ ဖြစ်ကြောင်း သိရသည်။
မီးလောင်မှု ဖြစ်စဉ်ကို ဟိုတယ်အနီး ကျေးရွာသားများ၊ ဒေသခံများ၊ အနီးနားကျေးရွာများရှိ ဒေသခံများနှင့် နန်းပန်မီးသတ်အဖွဲ့တို့ ဝိုင်းဝန်းငြိမ်းသတ်သဖြင့် ည(၈)နာရီခွဲအချိန်ခန့်မှာ မီးငြိမ်းသွားခဲ့ကြောင်း ဒေသခံများ ပြောပြချက်အရ သိရသည်။
အဆိုပါ Inle Princess Resort ဟိုတယ်သည် သစ်သားတိုင်များကို ရေနံချေး သုတ်ထားသော ဟိုတယ် အဆောင်အခန်းလေးများ ဖြစ်ပြီး၊ ယခင် လွန်ခဲ့သော (၈) နှစ်ကလည်း တစ်ကြိမ် မီးလောင်မှု ကြုံဖူးကြောင်း သိရှိသူ တစ်ဦးက ပြောပြသည်။
ဟိုတယ် Dining room အဆောင်မကြီးပေါ် မီးပုံပျံပြုတ်ကျခြင်း ဖြစ်ကြောင်း နီးစပ်သူများက ပြောပြကြသော်လည်း ၊ မီးပုံးပျံကြောင့် မီးလောင်ခြင်း ဟုတ် မဟုတ် ဖြစ်စဉ်ကို အတည်ပြုနိုင်ရန် ခက်ခဲနေသေးကြောင်း ဒေသခံက ဆိုသည်။ ဖြစ်စဉ်ကို ဆက်လက်စုံစမ်းနေဆဲ ဖြစ်ကြောင်း သိရသည်။
■PHOTO - CJ
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
