ဘာစီလိုနာဝါရင့်တိုက်စစ်မှူး လီဝန်ဒေါစကီးက မိမိအနေဖြင့် ဆော်ဒီသို့ ပြောင်းရွှေ့ကစားရန် စဉ်းပင်မစဉ်းစားဖူးကြောင်း ပြောကြားခဲ့သည်။
ဆော်ဒီပရိုလိဂ်ကလပ်အသင်းများသည် ပြီးခဲ့သည့်နွေရာသီအပြောင်းအရွှေ့စျေးကွက်တွင် ဘန်ဇီမာ၊ ကွန်တေ၊ ဖေမီနို၊ ဟန်ဒါဆန်၊ နေမာ၊ မာနေ၊ မီလင်ကိုဗစ်၊ ကူလီဘလီ၊ မန်ဒီတို့အပါအဝင် နာမည်ကျော်ထိပ်တန်းကစားသမားများကို လစာမြောက်မြား စွာပေးချေကာ ခေါ်ယူခဲ့ကြသည်။
ဆော်ဒီ ကလပ်အသင်းများအနေဖြင့် လာမည့်အပြောင်းအရွှေ့ကာလများတွင် ဥရောပမှ ထိပ်တန်းကစားသမားများကို လစာအဆမတန်ပေးချေကာ ခေါ်ယူရန် စီစဉ်နေကြောင်းလည်း သိရှိရသည်။ သုုိ့သော် အသက် ၃၅ နှစ်ကျော်ပြီဖြစ်ပြီး ကစားသမားဘဝမှ အနားယူရန် နီးကပ်လာပြီဖြစ်သည့် ဘာစီလိုနာဝါရင့်တိုက်စစ်မှူး လီဝန်ဒေါစကီးကမူ ၎င်းအနေဖြင့် ဆော်ဒီပရိုလိဂ်သို့ ပြောင်းရွှေ့ရန် မစဉ်းစားကြောင်း ပြောကြားခဲ့ခြင်းဖြစ်သည်။
လီဝန်ဒေါစကီးက "ဆော်ဒီအာရေဗျကို ပြောင်းရွှေ့ဖို့အတွက် ကျွန်တော့်အနေနဲ့ အခုအချိန်မှာ စဉ်းတောင် မစဉ်းစားမိပါဘူး။ ဘာစီလိုနာအသင်းမှာ ကျွန်တော် အရမ်းပျော်ရွှင်နေပါတယ်။ ပြီးတော့ ဒီမှာ နေရတာကို ကျွန်တော့်မိသားစုကလည်း သဘောကျကြတယ်။ ဘာစီလိုနာကို မရောက်ခင်တုန်းကတော့ ကျွန်တော်ဟာ စက်ရုပ်တစ်ရုပ်လိုပါပဲ။ ဒါပေမဲ့ ဘာစီလိုနာမှာတော့ ကျွန်တော်ဟာ လူသားပိုဆန်လာပါတယ်။ စံချိန်တွေချိုးဖို့က ကျွန်တော့်ရဲ့ အဓိကရည်မှန်းချက် မဟုတ်တော့ပါဘူး။ အခုအချိန်မှာ အ သင်းကို နိုင်ပွဲရအောင်ကူညီဖို့နဲ့ ဘောလုံးပွဲတွေကို ပျော်ရွှင်စွာကစားနိုင်ဖို့က ကျွန်တော့်အတွက် ပိုပြီးအရေးကြီးပါတယ်။ ကျွန်တော့် အနေနဲ့ နှစ်နှစ်၊ သုံးနှစ်လောက်တော့ ဆက်ကစားနိုင်ဦးမှာပါ"ဟု ပြောကြားခဲ့သည်။
-
■ ရန်ကင်းမြို့နယ်ရှိ ရုပ်ရှင်သရုပ်ဆောင် အကယ်ဒမီ ရန်အောင်၏ နေအိမ်ကို PDF အဖွဲ့က သတိပေးဖောက်ခွဲ တိုက်ခိုက်ခဲ့ဟုဆို
-
ဟုမ္မလင်းမြို့နယ်တွင် ကျေးရွာပေါင်း ၁၈၀ ကျော် အသုံးပြုနေသည့် ဥရုတံတား၏ ကမ်းကပ်ခုံမှာ ဥရုမြစ်ရေတိုက်စားမှုကြောင့် ပျက်စီးနိုင်သည့်အတွက် ကမ်းထိန်းနံရံ အမြန်ဆုံး တည်ဆောက်ပေးရန် စစ်ကိုင်းတိုင်းလွှတ်တော်တွင် မေးမြန်း
-
လင်းခေးခရိုင်အတွင်းရှိ သုံးမြို့နယ်တွင် မိုးသည်းထန်စွာ ရွာသွန်းမှုကြောင့် နေအိမ်များ ရေနစ်မြုပ်
-
တာမွေမြို့နယ် NLD ပါတီက နိုင်ငံတော်သမ္မတနှင့် နိုင်ငံတော်၏အတိုင်ပင်ခံပုဂ္ဂိုလ် ဓာတ်ပုံ အသုံးပြုမဲဆွယ်ခြင်းသည် ပြည်သူ့ဝန်ထမ်း အကူအညီ ရယူရာရောက်သည်ဟုဆိုကာ ကန့်ကွက်ထားမှုအပေါ် ပုံရိပ်ကို အသုံးပြုခြင်းသည် စပ်ဆိုင်မှုမရှိကြောင်း ပြည်ခိုင်ဖြိုးကိုယ်စားလှယ်လောင
-
နိုဝင်ဘာ ၂၁ ရက်တွင် တက္ကသိုလ်၊ ဒီဂရီကောလိပ်ကျောင်းများ ဖွင့်လှစ်မည်ဖြစ်ပြီး ကျောင်းအပ်လက်ခံခြင်းကို နိုဝင်ဘာ ၁၄ ရက်မှစ၍ ပိတ်ရက်မရှိ လက်ခံပေးမည်
