အမေရိကန်သမ္မတ ရွေးကောက်ပွဲပြုလုပ်သည့်နေ့က ပရိသတ်ကြည့်ရှုမှုနှုန်းတွင် ပြိုင်ဖက်ရုပ်သံများထက် နည်းခဲ့ပြီးနောက် CNN က ဝန်ထမ်းအင်အားရာနှင့်ချီ လျှော့ချတော့မည်ဖြစ်သည်။
ဝန်ထမ်းထုတ်နုတ်လျှော့ချမှုများကို CNN ရုပ်သံဥက္ကဌ မက်ခ်ထွန်ဆင်က ရာထူးအဆင့်အလိုက် ပြုလုပ်သွားဖွယ်ရှိသည်။ နိုဝင်ဘာ ၅ ရက်နေ့က ရွေးကောက်ပွဲသတင်းများ ထုတ်လွှင့်တင်ဆက်ချိန်အတွင်း ပြိုင်ဖက်ရုပ်သံများဖြစ်သည့် MSNBC နှင့် Fox News တို့ထက် CNN ကတင်ဆက်မှု အားနည်းခဲ့ပြီးနောက် ယခုဆုံးဖြတ်ချက် ထွက်လာခြင်းဖြစ်သည်။
လျှော့ချသည့်အထဲ အများဆုံးသက်ရောက်နိုင်သည်က ရုပ်သံထုတ်လုပ်ရေးအဖွဲ့ဖြစ်ပြီး ဒစ်ဂျစ်တယ်ဦးစားပေး ကမ္ဘာသစ်တွင် ၎င်းရာထူးနေရာများက လိုအပ်ချင်မှ လိုအပ်တော့မည်ဟု မက်ခ်ထွန်ဆင်က ယူဆနေသည်။
ယခင်က The New York Times နှင့် the BBC တို့တွင် စီအီးအိုတာဝန်ယူခဲ့သည့် ထွန်ဆင်က လစာကောင်းသည့် အစီအစဉ်တင်ဆက်သူများကို လစာလျှော့ချမှုလည်း ပြုလုပ်ဖွယ်ရှိသည်။
ယင်းသို့ ဝင်ငွေကောင်းသည့် အစီအစဉ်တင်ဆက်သူများထဲ တစ်နှစ်လျှင် အမေရိကန်ဒေါ်လာ သန်း ၂၀ အထိရနေသည့် အန်ဒါဆင်ကူးပါး နှင့် တစ်နှစ်လျှင် ဒေါ်လာခြောက်သန်းခန့်ရနေသည့် အယ်ရင်ဘာနတ် တို့ပါနေသည်။
CNN ၏ နောက်ထပ်အပြောင်းအလဲတစ်ခုက ခရစ္စဝေါလေ့စ် အလုပ်မှထွက်တော့မည်ဟု ကြေညာလိုက်ခြင်းဖြစ်သည်။
မက်ခ်ထွန်ဆက်၏ ပြန်လည်ဖွဲ့စည်းမှုပုံစံအရ လက်ရှိပရိုဂျူဆာများနှင့် လက်ထောက်များ တာဝန်ယူထားသည့် အလုပ်များကို သတင်းထောက်များအား တာဝန်ပိုပေးသွားရန်ရှိသည်။
ယခုနှစ်အစောပိုင်းကလည်း CNN ဝန်ထမ်းအင်အား၏ သုံးရာခိုင်နှုန်းခန့် (အရေအတွက်အားဖြင့် ဝန်ထမ်း ၁၀၀ နီးပါး)ကို အလုပ်မှထုတ်ခဲ့သည်။
အစဉ်အလာအားဖြင့် ရွေးကောက်ပွဲနေ့တွင် CNN က ပရိသတ်အများဆုံး ကြည့်ရှုလေ့ရှိသည့် ရုပ်သံဖြစ်သော်လည်း ယခုနှစ်ရွေးကောက်ပွဲနေ့တွင် ကြည့်ရှုသူ ၅.၁ သန်းသာရှိခဲ့ကာ ပြိုင်ဖက်ဖြစ်သည့် Fox News ရုပ်သံက ပရိသတ် ၁၀.၃ သန်းကြည့်ရှုခဲ့ပြီး MSNBC ရုပ်သံက CNN ကိုပင် ပထမဆုံးအကြိမ် ကျော်တက်သွားကာ ကြည့်ရှုသူခြောက်သန်းရှိခဲ့သည်။
Ref: NewsBytes
-
■ ရန်ကင်းမြို့နယ်ရှိ ရုပ်ရှင်သရုပ်ဆောင် အကယ်ဒမီ ရန်အောင်၏ နေအိမ်ကို PDF အဖွဲ့က သတိပေးဖောက်ခွဲ တိုက်ခိုက်ခဲ့ဟုဆို
-
ဟုမ္မလင်းမြို့နယ်တွင် ကျေးရွာပေါင်း ၁၈၀ ကျော် အသုံးပြုနေသည့် ဥရုတံတား၏ ကမ်းကပ်ခုံမှာ ဥရုမြစ်ရေတိုက်စားမှုကြောင့် ပျက်စီးနိုင်သည့်အတွက် ကမ်းထိန်းနံရံ အမြန်ဆုံး တည်ဆောက်ပေးရန် စစ်ကိုင်းတိုင်းလွှတ်တော်တွင် မေးမြန်း
-
လင်းခေးခရိုင်အတွင်းရှိ သုံးမြို့နယ်တွင် မိုးသည်းထန်စွာ ရွာသွန်းမှုကြောင့် နေအိမ်များ ရေနစ်မြုပ်
-
တာမွေမြို့နယ် NLD ပါတီက နိုင်ငံတော်သမ္မတနှင့် နိုင်ငံတော်၏အတိုင်ပင်ခံပုဂ္ဂိုလ် ဓာတ်ပုံ အသုံးပြုမဲဆွယ်ခြင်းသည် ပြည်သူ့ဝန်ထမ်း အကူအညီ ရယူရာရောက်သည်ဟုဆိုကာ ကန့်ကွက်ထားမှုအပေါ် ပုံရိပ်ကို အသုံးပြုခြင်းသည် စပ်ဆိုင်မှုမရှိကြောင်း ပြည်ခိုင်ဖြိုးကိုယ်စားလှယ်လောင
-
နိုဝင်ဘာ ၂၁ ရက်တွင် တက္ကသိုလ်၊ ဒီဂရီကောလိပ်ကျောင်းများ ဖွင့်လှစ်မည်ဖြစ်ပြီး ကျောင်းအပ်လက်ခံခြင်းကို နိုဝင်ဘာ ၁၄ ရက်မှစ၍ ပိတ်ရက်မရှိ လက်ခံပေးမည်
