Top News

နိုင်ငံတကာရက်သတ္တပတ်၌ အနာဂတ်အတွက် ဂွါဒီယိုလာဆုံးဖြတ်ရန် မန်စီးတီးအသင်း မျှော်လင့်

24htopnews | November 14, 2024 3:12 AM CST

မန်စီးတီးအသင်းသည် နည်းပြ ဂွါဒီယိုလာအနေဖြင့် နိုဝင်ဘာလ နိုင်ငံတကာရက်သတ္တပတ်အတွင်း၌ ၎င်း၏ အနာဂတ်ကို ဆုံးဖြတ်ရန် မျှော်လင့်နေကြောင်း သိရသည်။

ဂွါဒီယိုလာသည် လာမည့်နွေရာသီတွင် မန်စီးတီးအသင်းနှင့် စာချုပ်သက်တမ်းကုန်ဆုံးမည်ဖြစ်ပြီး စာချုပ်သစ်ချုပ်ဆိုခြင်း ပြု၊ မပြုကို မဆုံးဖြတ်သေးပေ။

မန်စီးတီးအသင်းက ဂွါဒီယိုလာကို သက်တမ်းတိုးရန် အသင့်ရှိနေသော်လည်း ၎င်း၏ သဘောထားကသာ အဓိကကျနေသည့်အတွက် အကယ်၍ လမ်းခွဲမည်ဆိုပါက ကြိုတင်ပြင်ဆင်နိုင်ရန်အတွက် အမြန်ဆုံးအဆုံးအဖြတ်ပေးရန် လိုလားနေခြင်းဖြစ်ကြောင်း သိရသည်။

မန်စီးတီးအသင်းသည် ဂွါဒီယိုလာ၏နေရာတွင် အစားထိုးရန်အတွက် လေဗာကူဆင်နည်းပြ ရှာဘီအလွန်ဆိုကို ပစ်မှတ်ထားနေကြောင်းလည်း သိရသည်။