Top News

အာဆင်နယ်နောက်ခံကစားသမားဟောင်း ဂါးလက်စ်က အသင်းဟောင်းအား လာမည့်ဇန်နဝါရီအပြောင်းအရွှေ့ကာလတွင် ဂါလာတာစာရေးတိုက်စစ်မှူး အိုဆင်မန်ကိုခေါ်ယူရန် တိုက်တွန်းပြောကြားခဲ့သည်။  

အာဆင်နယ်အသင်းသည် ပရီး မီးယားလိဂ်ပွဲစဉ် (၁၁)အပြီး၌ ရမှတ် (၁၉)မှတ်ဖြင့် အဆင့်(၄)တွင် ရပ်တည်နေပြီး အမှတ်ပေးဇယားထိပ်ဆုံးမှ လီဗာပူးလ်အသင်း(၂၈ မှတ်)နှင့် (၉)မှတ် အထိ ကွာဟနေသည်။ အာဆင်နယ် အသင်း၏အဓိကပြဿနာမှာ တိုက် စစ်ပိုင်းဖြစ်ပြီး နောက်ဆုံး(၃) ပွဲတွင် (၁) ဂိုးသာသွင်းယူနိုင်ခဲ့သည်။ 

ယခုရာသီ ပရီးမီးယားလိဂ်တွင် အာဆင်နယ်အတွက် ဂိုးအများဆုံးသွင်းထားသူ ဟာဗက်ဇ် (၄ ဂိုး)ဖြစ်ပြီး ၎င်းနောက်တွင် ဆာကာနှင့် မာတင်နယ်လီတို့က (၃) ဂိုးစီဖြင့် ဒုတိယနေရာတွင် ပူးတွဲရပ်တည်နေကြသည်။ ယင်းအခြေအနေတွင် အာဆင်နယ်နောက်ခံလူဟောင်း ဂါးလက်စ်က ဂါလာတာစာရေးအသင်းတွင် အငှားသွားကစားနေသည့် နာပိုလီတိုက်စစ်မှူး အိုဆင်မန်အားခေါ်ယူရန် တိုက်တွန်းခဲ့ခြင်းဖြစ်သည်။ 

ဂါးလက်စ်က "အာဆင်နယ်လိုနေတာ ထိပ်တန်းတိုက်စစ်မှူးပါ။ အို ဆင်မန်က အာဆင်နယ်လိုအပ်နေတဲ့ ကစားသမားမျိုးဖြစ်ပါတယ်။ အိုဆင်မန်အနေနဲ့ တစ်ရာသီ(၂၀)မသွင်းနိုင်တာမျိုး ရှိနိုင်ပေမဲ့ သူဟာ နောက်ခံလူတွေကို ခြိမ်းခြောက်နိုင်သူပါ။ အိုဆင် မန်ကိုကြည့်ရင် ဒရော့ဘာကို သတိရပါတယ်"ဟု ဆိုခဲ့သည်။ 

အိုဆင်မန်သည် ဂါလာတာစာရေးအတွက် ပြိုင်ပွဲစုံ (၉)ပွဲ၌ (၈)ဂိုးသွင်းကာ ဂိုးဖန်တီး မှု (၃)ကြိမ် ပြုလုပ်ထားသည်။