ရိုးမားအသင်း နည်းပြသစ်အဖြစ် မန်ချီနီ၊ လမ်းပတ်၊ ပေါ်လိုဆိုဆာနှင့် တယ်ဇစ်တို့ ရေပန်းစားနေကြောင်း သိရသည်။
ယင်းနည်းပြလေးဦးထဲမှ မကြာသေးခင်က ဆော်ဒီနည်းပြရာထူးမှ ထုတ်ပယ်ခံထားရသည့် မန်ချီနီမှာ ရေပန်းအစားဆုံး ဖြစ်လျက်ရှိသည်။
ရိုးမားအသင်းသည် အီဗန်ဂျူရစ်ကို ဘိုလော့ဂ်နာအသင်းအား အိမ်ကွင်း၌ ရှုံးနိမ့်ပြီးနောက် ရာထူးမှ ထုတ်ပယ်ခဲ့ခြင်းဖြစ်သည်။
အသက် (၄၉)နှစ်ရှိပြီဖြစ်သူ ခရိုအေးရှားနိုင်ငံသားနည်းပြ ဂျူရစ်သည် ပြီးခဲ့သည့် စက်တင်ဘာတွင် ဒီရော့ဆီ၏နေရာအတွက် အစားထိုးခန့်အပ်ခံခဲ့ရပြီး နှစ်လအကြာမှာပင် ပြန်လည်ထုတ်ပယ်ခံရခြင်းဖြစ်သည်။
သို့ဖြစ်ရာ ဂျူရစ်သည် ရိုးမားအသင်းအား (၁၂)ပွဲသာ ကိုင်တွယ်ခွင့်ရခဲ့ပြီး လေးပွဲနိုင်၊ သုံးပွဲသရေ၊ ငါးပွဲရှုံးနိမ့်ခဲ့သည်။
ရိုးမားအသင်းသည် ၎င်းလက်ထက်တွင် စီးရီးအေပွဲစဉ် (၈)ပွဲ ယှဉ်ပြိုင်ကစားရာ သုံးပွဲနိုင်၊ တစ်ပွဲသရေ၊ လေးပွဲရှုံး၊ ယူရိုပါလိဂ်ပွဲစဉ် (၄)ပွဲ ယှဉ်ပြိုင်ကစားရာ တစ်ပွဲနိုင်၊ နှစ်ပွဲသရေ၊ တစ်ပွဲရှုံးနိမ့်ခဲ့သည်။
ရိုးမားအသင်းအနေဖြင့် စီးရီးအေ၌ (၁၂)ပွဲကစား၊ (၁၃)မှတ်ဖြင့် အဆင့် (၁၂)၊ ယူရိုပါလိဂ်၌ (၄)ပွဲကစား၊ ငါးမှတ်ဖြင့် အဆင့် (၂၀)နေရာ ရောက်ရှိနေသောကြောင့် ဂျူရစ်ကို ထုတ်ပယ်ရန် ဆုံးဖြတ်ခဲ့ခြင်းဖြစ်ကြောင်း သိရသည်။
-
မာရဝိဇယ ဗုဒ္ဓရုပ်ပွားတော်မြတ်ကြီး တန်ဆောင်တိုင်မီးထွန်းပွဲတော် မီးပုံးပျံလွှတ်တင်ပူဇော်ခြင်း ဖွင့်ပွဲအခမ်းအနားကျင်းပ
-
ရန်ကုန်မြို့ရှိ အမျိုးသားပြတိုက်တွင် အိန္ဒိယနိုင်ငံမှအနုပညာရှင်များ၏ လက်ရာများကို ပြသထားသည့် ''ရာမယဏပန်းချီအနုပညာပြပွဲ" ပြုလုပ်
-
ပြိုင်ပွဲစုံ (၄) ပွဲဆက်ရှုံးနိမ့်ခဲ့သော်လည်း ပရီးမီးယားလိဂ်ချန်ပီယံဆုကို လက်မလျှော့သေးကြောင်း မန်စီးတီးနောက်ခံလူ ဒီယက်စ် ပြောကြား
-
ဘာပေသည် တစ်ကမ္ဘာလုံး၏ စောင့်ကြည့်ခြင်းကို ခံနေရပြီး ဖြစ်ရပ်တိုင်းအတွက် အပြောခံရနေရသည်မှာ မလွယ်ကြောင်း ပြင်သစ်နောက်ခံကစားသမား ကိုနာတေး ပြောကြား
-
၂၀၂၄ ခုနှစ် တောင်ကြီးတန်ဆောင်တိုင် မီးပုံးပျံပွဲတော်ဖွင့်ပွဲ ကျင်းပ
