ဘာစီလိုနာအသင်း ကြယ်ပွင့်ကစားသမား ယမားလ်၏ ဖခင်ဖြစ်သူက သားဖြစ်သူမှာ Ballon d'Or ဆုကို အကြိမ်များစွာ ရယူနိုင်လိမ့်မည်ဟု သုံးသပ်ပြောကြားသည်။
အသက် ၁၇ နှစ်သာရှိသေးသူ ယမားလ်သည် ၂၀၂၄ Ballon d'Or အကောင်းဆုံးဆုအတွက် ဆန်ခါတင်စာရင်းတွင် ပါဝင်ခဲ့ပြီး အဆင့် ၈ နေရာ ရပ်တည်နိုင်ခဲ့သလို လူငယ်အကောင်းဆုံးဆု(Kepa Trophy) လည်း ဆွတ်ခူးရရှိခဲ့သည်။
ပရိသတ်များအနေဖြင့် ယမားလ်၏စွမ်းဆောင်ရည်ကို ရာခိုင်နှုန်း ၂၀ သာ မြင်တွေ့ရသေးပြီး ၎င်းမှာ ဇီဒန်းကဲ့သို့ နံပါတ် ၁၀ နေရာတွင်လည်း ကစားနိုင်ကြောင်း ဖခင်ဖြစ်သူက ပြင်သစ်ဘောလုံးမဂ္ဂဇင်းနှင့် အင်တာဗျူးတွင် ပြောကြားသည်။
''သူက ကြယ်တစ်ပွင့်ဆိုတာ ကျွန်တော် ခပ်မြန်မြန်ပဲ သဘောပေါက်ခဲ့တယ်။ သူက တခြားသူတွေလို လူသားတစ်ယောက်မဟုတ်ပါဘူး။ သူအရမ်းငယ်တဲ့အရွယ်ကတည်းက တွန်းလှည်းထဲမှာ ဘောလုံးတစ်လုံးရှိပါတယ်။ ကျွန်တော်က သူ့ကို အမြဲတမ်းယုံကြည်ခဲ့တယ်။ သူက ကမ္ဘာ့အကောင်းဆုံးကစားသမား ဖြစ်လာမယ်လို့ ကျွန်တော့်သူငယ်ချင်းတွေကို အမြဲပြောခဲ့တာပါ။ သူက သန့်စင်တဲ့ စိန်တုံးတစ်တုံးပါပဲ။ ကွင်းထဲမှာရော၊ ကွင်းပြင်မှာပါ ပျော်ပျော်ရွှင်ရွှင်နဲ့ ပုံစံတူဆက်ရှိနေဖို့ လိုပါတယ်။ Ballon d'Or ဆုအတွက် ဆန်ခါတင်စာရင်းမှာ သူပါတာကို ကျွန်တော်မအံ့သြပါဘူး။ သူလုပ်နိုင်တဲ့စွမ်းရည်ရဲ့ ၂၀ ရာခိုင်နှုန်းကိုပဲ ခင်ဗျားတွေ့ရသေးတာပါ။ ကျွန်တော့်အတွက်တော့ သူက တောင်ပံကစားသမား မဟုတ်ဘဲ နံပါတ် ၁၀ ကစားသမားပါ။ သူ့ဆီမှာ ဇီနဒင်းဇီဒန်းလိုမျိုး တိုက်စစ်မှူးရဲ့နောက် ကွင်းလယ်မှာကစားနိုင်တဲ့ အရည်အချင်းနဲ့ စိတ်ဓာတ်ရှိပါတယ်'' ဟု ၎င်းက ပြောကြားသည်။
-
၂၀၂၄ ခုနှစ် တောင်ကြီးတန်ဆောင်တိုင် မီးပုံးပျံပွဲတော်ဖွင့်ပွဲ ကျင်းပ
-
ဇလွန်မြိုရှိ မာရ်အောင်မြင်ပြည်တော်ပြန်ဘုရားကြီး၊ တန်ဆောင်တိုင်ပွဲတော်၌ မသိုးသင်္ကန်းရက်ချုပ်ပြိုင်ပွဲနှင့် ရောင်စုံမီးအလှဆင်ပုံဖော်မှုများ ပါဝင်မည်
-
ဇူလိုင် ၂၆ ရက်တွင် ကမ္ဘာ့ဒေါ်လာစျေးအညွှန်းကိန်း ၁၀၆ ပွိုင့်ဝန်းကျင်ရှိပြီး ပြင်ပစျေးကွက်တွင်မူ နိုင်ငံခြားငွေလဲနှုန်း တစ်ဒေါ်လာ ကျပ် ၂၄၉၀ ဝန်းကျင်ရှိနေ
-
၂၀၂၁-၂၀၂၂ ဘဏ္ဍာနှစ် တတိယသုံးလပတ်အတွင်း စတော့ရှယ်ယာတန်ဖိုးစုစုပေါင်း ကျပ်သန်း ၇၉၀ ကျော် အရောင်းအဝယ်ဖြစ်မြောက်ခဲ့ပြီး ဒုတိယသုုံးလပတ်ထက် ၁၅ ရာခိုင်နှုန်းကျဆင်း
-
ဇူလိုင် ၂၈ ရက်တွင် ရွှေလုပ်ငန်းရှင်များအသင်းက ပြည်တွင်းရွှေစျေးနှုန်း တစ်ကျပ်သားလျှင် ကျပ် ၂၀၆၀၀၀၀ ဖြင့် စျေးပိတ်ခဲ့သော်လည်း ပြင်ပစျေးကွက်တွင် ကျပ် ၂၂၈၀၀၀၀ ဝန်းကျင်ရှိနေ
