ဂရိ၊ အိုင်ယာလန်တို့နှင့် ယှဉ်ပြိုင်ကစားရမည့် Nations League ပွဲစဉ်များအတွက် ရွေးချယ်ထားသော အင်္ဂလန်လက်ရွေးစင်အသင်းလူစာရင်းမှ ကစားသမား(၈)ဦး ဒဏ်ရာပြဿနာများကြောင့် နုတ်ထွက်ခဲ့ကြကြောင်း သိရသည်။
အဆိုပါကစားသမားများမှာ အာဆင်နယ်မှ ဆာကာနှင့် ဒက်ကလန်ရိုက်စ်၊ ချယ်လ်ဆီးမှ ပါလ်မာနှင့် ကိုဝဲလ်၊ လီဗာပူးလ်မှ အာနိုးလ်၊ မန်စီးတီးမှ ဖိုဒန်နှင့် ဂရီးလစ်ရှ်၊ ဆောက်သမ်တန်မှ ရမ်းစ်ဒေးလ်တို့ဖြစ်ကြောင်း သိရသည်။
ဖိုဒန်၊ ပါလ်မာနှင့် ကိုဝဲလ်တို့သည် ပြီးခဲ့သည့် ပရီးမီးယားလိဂ်ပွဲစဉ်များတွင် သက်ဆိုင်ရာကလပ်အသင်းများအတွက် ပွဲချိန်ပြည့် ပါဝင်ကစားခဲ့ကြသော်လည်း ကြံ့ခိုင်မှုမပြည့်ဝဟူသည့် အကြောင်းပြချက်ဖြင့် နုတ်ထွက်ခဲ့ခြင်းဖြစ်ကြောင်း သိရသည်။
အင်္ဂလန်အသင်းသည် နိုဝင်ဘာ(၁၄)တွင် ဂရိ၊ နိုဝင်ဘာ(၁၇)တွင် အိုင်ယာလန် နှင့် ယှဉ်ပြိုင်ကစားရမည်ဖြစ်ပြီး ယင်းနှစ်ပွဲမှာ လက်ရှိအချိန်၌ ယာယီနည်းပြအဖြစ် တာဝန်ယူထားသော လီကာစလေ နောက်ဆုံးကိုင်တွယ်ရမည့် ပွဲစဉ်များ ဖြစ်သည်။
ထို့ကြောင့် ယခုကဲ့သို့ ကြယ်ပွင့်ကစားသမားများစွာ နုတ်ထွက်ခဲ့ခြင်းမှာ လီကာစလေအတွက် အခက်တွေ့စေနိုင်ကြောင်း သုံးသပ်မှုများလည်း ရှိခဲ့သည်။
လီကာစလေသည် အဆိုပါကစားသမား(၈)ဦး နုတ်ထွက်ခဲ့ခြင်းအတွက် အက်စတွန်ဗီလာမှ မော်ဂန်ရော်ဂျာစ်၊ ဝက်စ်ဟမ်းမှ ဘိုဝင်၊ အဲဗာတန်မှ ဘရန့်ဝိတ်၊ နယူးကာဆယ်မှ လစ်ဗရာမန်တို၊ ဘန်လေမှ ဂိုးသမား ဂျိမ်းစ်ထရက်ဖို့ဒ်တို့ကို ပြန်လည် အားဖြည့်ခေါ်ယူခဲ့သည်။
-
၂၀၂၄ ခုနှစ် တောင်ကြီးတန်ဆောင်တိုင် မီးပုံးပျံပွဲတော်ဖွင့်ပွဲ ကျင်းပ
-
ဇလွန်မြိုရှိ မာရ်အောင်မြင်ပြည်တော်ပြန်ဘုရားကြီး၊ တန်ဆောင်တိုင်ပွဲတော်၌ မသိုးသင်္ကန်းရက်ချုပ်ပြိုင်ပွဲနှင့် ရောင်စုံမီးအလှဆင်ပုံဖော်မှုများ ပါဝင်မည်
-
ဇူလိုင် ၂၆ ရက်တွင် ကမ္ဘာ့ဒေါ်လာစျေးအညွှန်းကိန်း ၁၀၆ ပွိုင့်ဝန်းကျင်ရှိပြီး ပြင်ပစျေးကွက်တွင်မူ နိုင်ငံခြားငွေလဲနှုန်း တစ်ဒေါ်လာ ကျပ် ၂၄၉၀ ဝန်းကျင်ရှိနေ
-
၂၀၂၁-၂၀၂၂ ဘဏ္ဍာနှစ် တတိယသုံးလပတ်အတွင်း စတော့ရှယ်ယာတန်ဖိုးစုစုပေါင်း ကျပ်သန်း ၇၉၀ ကျော် အရောင်းအဝယ်ဖြစ်မြောက်ခဲ့ပြီး ဒုတိယသုုံးလပတ်ထက် ၁၅ ရာခိုင်နှုန်းကျဆင်း
-
ဇူလိုင် ၂၈ ရက်တွင် ရွှေလုပ်ငန်းရှင်များအသင်းက ပြည်တွင်းရွှေစျေးနှုန်း တစ်ကျပ်သားလျှင် ကျပ် ၂၀၆၀၀၀၀ ဖြင့် စျေးပိတ်ခဲ့သော်လည်း ပြင်ပစျေးကွက်တွင် ကျပ် ၂၂၈၀၀၀၀ ဝန်းကျင်ရှိနေ
