လီဗာပူးလ်နည်းပြ ယာဂန်ကလော့ပ်က အသင်းကွင်းလယ်တိုက်စစ်ကစားသမား မီနာမီနိုအား ဆောက်သမ်တန်အသင်းထံသို့ အငှားချခဲ့ခြင်းကို ရှင်းလင်းပြောကြားခဲ့သည်။
လီဗာပူးလ်အသင်းသည် ဇန်နဝါရီအပြောင်းအရွှေ့နောက်ဆုံးနေ့တွင် မီနာမီနိုအား ဆောက်သမ်တန်အသင်းထံသို့ ယခုရာသီကုန်အထိ အငှားချခဲ့ခြင်းဖြစ်သည်။
မီနာမီနိုသည် ပြီးခဲ့သည့် ၂၀၂၀ ဇန်နဝါရီအပြောင်းအရွှေ့ကာလတွင် ဆာ့လ်ဇ်ဘာ့ဂ်အသင်းမှ လီဗာပူးလ်အသင်းထံသို့ ပေါင်(၇.၂၅)သန်းဖြင့် ရောက်ရှိလာသူဖြစ်ပြီး ယခုရာသီ ပရီးမီးယားလိဂ်တွင် (၉)ပွဲသာ ကစားခွင့်ရခဲ့သော်လည်း ပွဲထွက်အဖြစ် (၄)ပွဲသာ ကစားခွင့်ရခဲ့သည်။
ကလော့ပ်က မိမိအနေဖြင့် မီနာမီနိုကို ခြေစွမ်းပြနိုင်အောင် ပွဲကစားခွင့်မပေးနိုင်ခဲ့ကြောင်း ဝန်ခံပြောကြားခဲ့သည်။
"မီနာမီနိုကို အငှားချမယ့်ကိစ္စနဲ့ပတ်သက်လို့ ကျွန်တော်တို့ အများကြီးစဉ်းစားခဲ့ပါတယ်။ မီနာမီနိုက တကယ်ကောင်းတဲ့ ကစားသမားပါ။ ကျွန်တော်တို့အနေနဲ့ သူ့ကို အခွင့်အရေးတွေ အများကြီးမပေးနိုင်ခဲ့ပါဘူး။ ဒါက အမှန်တရားပါပဲ။ ကျွန်တော်တို့အနေနဲ့ အကြောင်းအမျိုးမျိုးကြောင့် မီနာမီနိုကို ကစားခွင့်အများကြီး မပေးနိုင်ခဲ့တာပါ။ မီနာမီနိုဟာ အသင်းရဲ့ အနာဂတ်စီမံကိန်းမှာ ပါဝင်သူပါ။ သူ့အနေနဲ့ ဆောက်သမ်တန်အသင်းမှာ အခွင့်အရေးတွေရပြီး ယုံကြည်မှုအသစ်နဲ့ အသင်းကို ပြန်လာပါလိမ့်မယ်။ ဒါက အားလုံးအတွက် ကောင်းတဲ့အခွင့်အရေးဖို့ ကျွန်တော် မျှော်လင့်ပါတယ်"ဟု ကလော့ပ်က ပြောကြားခဲ့သည်။
ထို့ပြင် မီနာမီနိုမှာ ပါရမီရှင်ကစားသမားတစ်ဦးဖြစ်ပြီး ဆောက်သမ်တန်အသင်းတွင် ခြေစွမ်းပြနိုင်မည်ဟု မျှော်လင့်ကြောင်းလည်း ပြောကြားခဲ့သည်။
-
■ ရန်ကင်းမြို့နယ်ရှိ ရုပ်ရှင်သရုပ်ဆောင် အကယ်ဒမီ ရန်အောင်၏ နေအိမ်ကို PDF အဖွဲ့က သတိပေးဖောက်ခွဲ တိုက်ခိုက်ခဲ့ဟုဆို
-
ဟုမ္မလင်းမြို့နယ်တွင် ကျေးရွာပေါင်း ၁၈၀ ကျော် အသုံးပြုနေသည့် ဥရုတံတား၏ ကမ်းကပ်ခုံမှာ ဥရုမြစ်ရေတိုက်စားမှုကြောင့် ပျက်စီးနိုင်သည့်အတွက် ကမ်းထိန်းနံရံ အမြန်ဆုံး တည်ဆောက်ပေးရန် စစ်ကိုင်းတိုင်းလွှတ်တော်တွင် မေးမြန်း
-
လင်းခေးခရိုင်အတွင်းရှိ သုံးမြို့နယ်တွင် မိုးသည်းထန်စွာ ရွာသွန်းမှုကြောင့် နေအိမ်များ ရေနစ်မြုပ်
-
တာမွေမြို့နယ် NLD ပါတီက နိုင်ငံတော်သမ္မတနှင့် နိုင်ငံတော်၏အတိုင်ပင်ခံပုဂ္ဂိုလ် ဓာတ်ပုံ အသုံးပြုမဲဆွယ်ခြင်းသည် ပြည်သူ့ဝန်ထမ်း အကူအညီ ရယူရာရောက်သည်ဟုဆိုကာ ကန့်ကွက်ထားမှုအပေါ် ပုံရိပ်ကို အသုံးပြုခြင်းသည် စပ်ဆိုင်မှုမရှိကြောင်း ပြည်ခိုင်ဖြိုးကိုယ်စားလှယ်လောင
-
နိုဝင်ဘာ ၂၁ ရက်တွင် တက္ကသိုလ်၊ ဒီဂရီကောလိပ်ကျောင်းများ ဖွင့်လှစ်မည်ဖြစ်ပြီး ကျောင်းအပ်လက်ခံခြင်းကို နိုဝင်ဘာ ၁၄ ရက်မှစ၍ ပိတ်ရက်မရှိ လက်ခံပေးမည်
