ရီးယဲလ်နည်းပြ ဇီဒန်းသည် ယခုရာသီကုန်ဆုံးချိန်တွင် အသင်းနှင့်လမ်းခွဲရန် ဆုံးဖြတ်ထားပြီးဖြစ်သည်ဟု စပိန်သတင်းစာ Marca က ဖော်ပြခဲ့သည်။
ဇီဒန်းသည် ရီးယဲလ်အသင်းအတွက် အောင်မြင်မှုများစွာ ရယူပေးထားနိုင်သူဖြစ်သော်လည်း ယခုရာသီတွင် ရလဒ်ဆိုးများနှင့် ရင်ဆိုင်နေရသည့်အတွက် ရာထူးမှ ထုတ်ပယ်ခံရတော့မည်ဟု ထင်ကြေးပေးမှုများ မကြာခဏ ထွက်ပေါ်လျက်ရှိသည်။
ရီးယဲလ်အသင်းအနေဖြင့် ယခုရာသီ စပိန်စူပါဖလားနှင့် စပိန်ဘုရင့်ဖလား ပြိုင်ပွဲများတွင် အရေးနိမ့်ခဲ့ရသလို၊ လာလီဂါပြိုင်ပွဲတွင်လည်း လက်ရှိချန်ပီယံဘွဲ့ကို ကာကွယ်နိုင်ရန် အလားအလာအလွန်နည်းပါးနေပြီဖြစ်သည်။
ထို့ကြောင့် ချန်ပီယံလိဂ်ဖလားကို ရယူနိုင်ခြင်းမရှိခဲ့ပါက ရာထူးမှ ထုတ်ပယ်ခံရရန် သေချာနေပြီဖြစ်ကြောင်း စပိန်သတင်းစာတစ်စောင်ပင်ဖြစ်သည့် AS က ဖော်ပြခဲ့သည်။
သို့သော် Marca ကမူ မည်သည့်အောင်မြင်မှုပင် ရရှိစေကာမူ ဇီဒန်းသည် ရာသီကုန်ဆုံးချိန်၌ ရီးယဲလ်အသင်းနှင့်လမ်းခွဲရန် ဆုံးဖြတ်ထားပြီးဖြစ်သည်ဟု ဖော်ပြခဲ့ခြင်းဖြစ်သည်။
-
သရုပ်ဆောင် မေမီကိုကိုရဲ့ ငယ်ဘဝအမှတ်တရ ဖြတ်သန်းရာ
-
မာဗယ်၏ ပထမဦးဆုံး ရုပ်ပြစာစောင်ကို လေလံတင်ရောင်းချရာ ဒေါ်လာ ၁.၃ သန်း ရရှိ
-
သရုပ်ဆောင် ခရစ္စတင်းဘဲလ်နှင့် အဆိုတော်၊ သရုပ်ဆောင် အဒီးနားမန်ဇယ်တို့ ဟောလိဝုဒ် Walk of Fame တွင် ကြယ်ပွင့်ဖြင့် ဂုဏ်ပြုခံရ
-
တစ်ရှိန်ထိုးအောင်မြင်လာသည့် ရက်ပ်အဆိုတော် လစ်ဇိုက (၆၂) ကြိမ်မြောက် ဂရမ်မီဆန်ခါတင်စာရင်းတွင် ဦးဆောင်
-
ပိုင်တံခွန် ပါဝင်ခွင့်ရရှိခဲ့သည့် ထိုင်းရုပ်သံအစီအစဉ် Farang Day ၏ Host ဖြစ်သူ Sunny Burns မြန်မာနိုင်ငံသို့ လာရောက်မည်
