ကရင်ပြည်နယ် ဒေါနတောင်တန်း ဒေါနတာင်ကျော် ကြက်ဥတောင်လမ်းအနီးတောင် ထန်းတောင်တန်းရှိ စကြာရတနာလိုဏ်ဂူတော်ကြီးတွင် ၀ါတွင်းကာလရက်ပေါင်း ၁၁၀ ကြာ တရားအားထုတ်ခဲ့သော သစ်တံခါးဆရာတော်၏ အဓိဋ္ဌာန်အောင်အလှူတော်ပွဲကို နိုဝင်ဘာ ၁၀ ရက်က ကျင်းပခဲ့ရာ ဆရာတော် ကြီးအား ပရိသတ်ထောင်နှင့်ချီတက်ရောက် ကြည်ညိုခဲ့ကြကြောင်း သိရသည်။
သစ်တံခါးဆရာတော်သည် ဂူအတွင်း၌ ရေမချိုး၊ မြေမနင်း၊ စကားမပြောဘဲရက်ပေါင်း ၁၁၀ ပြည့်သည်အထိ တရားကျင့်ကြံခဲ့ရာ အဓိဋ္ဌာန်အောင်ပွဲနေ့ နိုဝင်ဘာ ၁၀ ရက်၌ ဆရာတော်အား ဖူးမြော်ရန် မြဝတီ၊ ရန်ကုန်၊ မုံရွာနှင့် မြန်မာပြည်တွင်းမှ တပည့်၊ ဒကာဓမ္မမိတ်ဆွေ ၂၀၀၀ ခန့် လာရောက်ကြည်ညိုခဲ့ကြသည်။
ဆရာတော်သည် မြဝတီမြို့နယ်သစ်က တေကျေးရွာအနီး ဒေါနတောင်တန်းတွင် ၀ါ တွင်းကာလရက်ရှည်အဓိဋ္ဌာန် တရားကျင့်ကြံသည်မှာ သုံးနှစ်ရှိပြီဖြစ်ကာ သစ်တံခါးဆရာတော်၏ မြန်ပြည်အနှံ့ လိုဏ်ဂူတော်ထွက်ပွဲ အလှူတော်မှာ ၂၁ ကြိမ်မြောက်ရှိပြီဖြစ်သည်ဟု သိရသည်။
ဒေါနတောင်တန်းပေါ်၌ကျင်းပသော ဆရာတော်၏အလှူပွဲတွင် ပစ္စည်းလေးပါးပင်မ အလှူရှင်မှာ(ဘုရား ကျောင်း သိမ် ရဟန်း လမ်း တံတား) ဒါယကာ ဒါယိကာမများဖြစ်ကြသော စောတင်ဝင်း၊ ဇနီးနန်းမြင့်မြင့်ဝင်းတို့ မိသားစုနှင့် ခုနစ်ရက်သားသမီးအလှူရှင်များဖြစ်ကြောင်း သိရသည်။
သစ်တံခါးဆရာတော် တရားအားထုတ်နေသည့် တောင်တန်းပေါ်တွင် သာသနိကအဆောက်အအုံများအပြင် ဆံတော်ရှင်ရွှေတိဂုံ ပုံတူစေတီတော်၊ ဆံတော်ရှင်ကျိုက်ထီးရိုးပုံတူ စေတီတော်တို့ကိုလည်း တည်ထားကိုးကွယ် ထားရှိကြောင်း သိရသည်။
အဆိုပါ အလှူတော်သို့ မဲပလဲ့ကျေးနယ်အပါအဝင် ကျေးနယ်ခုနစ်ခုရှိ ကျေးရွာ ၂၇ ရွာမှ ကရင်တိုင်းရင်းသားများ၊ မြဝတီ၊ ကရင်ပြည်နည်နှင့် ရန်ကုန်တိုင်းတို့မှ အများဆုံးလာ ရောက်ကြည်ညိုခဲ့ကြကြောင်း သိရသည်။
-
၂၀၂၄ ခုနှစ် တောင်ကြီးတန်ဆောင်တိုင် မီးပုံးပျံပွဲတော်ဖွင့်ပွဲ ကျင်းပ
-
ဇလွန်မြိုရှိ မာရ်အောင်မြင်ပြည်တော်ပြန်ဘုရားကြီး၊ တန်ဆောင်တိုင်ပွဲတော်၌ မသိုးသင်္ကန်းရက်ချုပ်ပြိုင်ပွဲနှင့် ရောင်စုံမီးအလှဆင်ပုံဖော်မှုများ ပါဝင်မည်
-
ဇူလိုင် ၂၆ ရက်တွင် ကမ္ဘာ့ဒေါ်လာစျေးအညွှန်းကိန်း ၁၀၆ ပွိုင့်ဝန်းကျင်ရှိပြီး ပြင်ပစျေးကွက်တွင်မူ နိုင်ငံခြားငွေလဲနှုန်း တစ်ဒေါ်လာ ကျပ် ၂၄၉၀ ဝန်းကျင်ရှိနေ
-
၂၀၂၁-၂၀၂၂ ဘဏ္ဍာနှစ် တတိယသုံးလပတ်အတွင်း စတော့ရှယ်ယာတန်ဖိုးစုစုပေါင်း ကျပ်သန်း ၇၉၀ ကျော် အရောင်းအဝယ်ဖြစ်မြောက်ခဲ့ပြီး ဒုတိယသုုံးလပတ်ထက် ၁၅ ရာခိုင်နှုန်းကျဆင်း
-
ဇူလိုင် ၂၈ ရက်တွင် ရွှေလုပ်ငန်းရှင်များအသင်းက ပြည်တွင်းရွှေစျေးနှုန်း တစ်ကျပ်သားလျှင် ကျပ် ၂၀၆၀၀၀၀ ဖြင့် စျေးပိတ်ခဲ့သော်လည်း ပြင်ပစျေးကွက်တွင် ကျပ် ၂၂၈၀၀၀၀ ဝန်းကျင်ရှိနေ
