မန်ယူအသင်းခေါင်းဆောင် ဘရူနိုဖာနန်ဒက်စ်က ယာယီနည်းပြ နစ္စတယ်ရွိုင်းသည် မိမိတို့ကို ယုံကြည်မှုပြန်လည်ရရှိအောင် လုပ်ဆောင်ပေးခဲ့သည်ဟု ပြောကြားခဲ့သည်။
မန်ယူအသင်းသည် ယခင်နည်းပြ တန်ဟက်ဂ်လက်ထက်တွင် ရလဒ်ဆိုးများနှင့် ရင်ဆိိုင်ခဲ့ရပြီး နစ္စတယ်ရွိုင်းကိုင်တွယ်ချိန်၌ (၃)ပွဲနိုင်၊ (၁)ပွဲသရေရလဒ် ရရှိခဲ့သည်။
ထို့ကြောင့် ဘရူနိုဖာနန်ဒက်စ်က နစ္စတယ်ရွိုင်းအား ချီးကျူးပြောကြားခဲ့သည်။
''ကျွန်တော် ဂိုးမသွင်းနိုင်တာ အချိန်အတော်ကြာခဲ့ပြီး အခုတော့ ဂိုးတွေပြန်ရလာပါပြီ။ နောက်ထပ် Clean Sheet ရလဒ်ကလည်း ကျွန်တော်တို့ရဲ့ခံတပ်ကို ပြန်ယူဆောင်ဖို့အတွက် အရေးကြီးပါတယ်။ ကျွန်တော်တို့ ဒါကို ထိန်းသိမ်းပြီး တိုး တက်အောင် လုပ်ဆောင်သွားရမှာပါ။ ရုဒ်ဗန်နစ္စတယ်ရွိုင်းက ဒီကလပ်အပေါ် ခံစားချက်ရှိပြီး ဒီကလပ်ကို ချစ်ပါတယ်။ သူက ကစားသမားတွေဆီကို ပျော်ရွှင်မှုတွေ ယူဆောင်ပေးချင်ပါတယ်။ သူက ကျွန်တော်တို့အတွက် ကောင်းသောအရာ တွေ လုပ်ဆောင်ပေးခဲ့တာကြောင့် သူ့ကို တကယ့်မန်နေဂျာတစ်ယောက်အဖြစ် ကျွန်တော်တို့ နှုတ်ဆက်စကားပြောကြားချင်ပါတယ်''ဟု ဘရူနိုဖာနန်ဒက်စ်က ပြောကြားခဲ့သည်။
နစ္စတယ်ရွိုင်းသည် လက်စတာနှင့်ပွဲတွင် ယာယီနည်းပြအဖြစ် နောက်ဆုံးဆောင်ရွက်ခြင်းဖြစ်ပြီး ပွဲအပြီးတွင် ပရိသတ်များကို လက်ပြနှုတ်ဆက်ခဲ့ကြောင်းလည်း သိရသည်။
-
ဂွါဒီယိုလာကို နည်းပြသစ်အဖြစ် ခန့်အပ်ရန် ဆက်သွယ်ခြင်းမရှိဟု ဘရာဇီးလ်ဘောလုံးအဖွဲ့ချုပ်ဥက္ကဋ္ဌ ငြင်းဆန်
-
■ နည်းပြသစ် အာမိုရင်မ် မန်ယူအသင်းသို့ ရောက်ရှိလာခဲ့ပြီး နစ္စတယ်ရွိုင်းအပါအဝင် အခြားနည်းပြအဖွဲ့ဝင်များ မန်ယူအသင်းနှင့် လမ်းခွဲ
-
■ ရိုးမားအသင်း နည်းပြသစ်အဖြစ် မန်ချီနီ၊ လမ်းပတ်၊ ပေါ်လိုဆိုဆာနှင့် တယ်ဇစ်တို့ ရေပန်းစားနေ
-
ဘရာဇီးလ်နောက်ခံလူဟောင်း ဖိလစ်ပီလူးဝစ် နည်းပြဘဝ ပထမဆုံးဖလား ဆွတ်ခူး
-
ဗြိတိန်တွင် mpox ရောဂါ ကူးစက်မှုဖြစ်စဉ်အသစ် လေးခုတွေ့ရှိ
