ပြီးခဲ့သည့် တနင်္ဂနွေနေ့က ကစားခဲ့သော ပရီးမီးယားလိဂ်ပွဲစဉ် အက်စတွန်ဗီလာ (၃-၄)ဆောက်သမ်တန်ပွဲတွင် အသင်းအတွက် ဂိုး(၂)ဂိုးကို ဖရီးကစ်မှသွင်းယူခဲ့သော ဆောက်သမ်တန်ကွင်းလယ်လူ ဝက်ဒ်ပရောက်သည် အသင်း၏ဂန္ထဝင်ကစားသမား လီတက်ဆီယာ၏ စံချိန် ကိုလိုက်မီခဲ့ကြောင်း သိရှိရသည်။
ဆောက်သမ်တန်အသင်းတွင် ၁၉၈၆ ခုနှစ်မှ ၂၀၀၂ ခုနှစ်အထိ (၁၆) နှစ်ကြာကစားသွားခဲ့သော အင်္ဂလန်ကွင်းလယ်လူဟောင်း လီတက်ဆီယာသည် အသင်းအတွက် ပရီးမီးယားလိဂ် ဖရီးကစ်ဂိုး (၇)ဂိုးသွင်းယူခဲ့ပြီး ဝက်ဒ်ပရောက်သည် ယင်းစံချိန်အား လိုက်မီခဲ့ခြင်းဖြစ်သည်။
ဝက်ဒ်ပရောက်သည် ယင်းပွဲ၏ ပွဲချိန်(၃၃)မိနစ်နှင့် (၄၅)မိနစ်တို့တွင် တိုက်ရိုက်ဖရီးကစ်ဂိုးများ သွင်းယူခဲ့ပြီး၊ သူ၏ဂိုးကန်သွင်းချက်များကို ဗီလာဂိုးသမား မာတီနက်ဇ်မှာ မကာကွယ်နိုင်ဘဲ ဂိုးများပေးခဲ့ရသည်။
ထို့ပြင် ဝက်ဒ်ပရောက်သည် ပရီးမီးယားလိဂ်ပြိုင်ပွဲသမိုင်းတွင် ပွဲတစ်ပွဲအတွင်း တိုက်ရိုက်ဖရီးကစ်ဂိုး (၂)ဂိုးသွင်းယူနိုင်သည့် (၉)ဦးမြောက် ကစားသမားအဖြစ် မှတ်တမ်းဝင်ခဲ့ကြောင်းလည်း သိရှိရသည်။
ပရီးမီးယားလိဂ်ပြိုင်ပွဲတွင် ၂၀၁၅ အောက်တိုဘာလက စပါး - ဆွမ်ဆီးပွဲစဉ်တွင် ဖရီးကစ်မှတစ်ဆင့် (၂)ဂိုးသွင်းယူခဲ့သော ဒိန်းမတ်ကွင်းလယ်လူ အဲရစ်ဆင်၏ စွမ်းဆောင်မှုနောက်ပိုင်း ယင်းကဲ့သို့ (၂)ဂိုးသွင်းနိုင်သူမရှိဘဲ ယခုပွဲတွင် ဝက်ဒ်ပရောက်က သွင်းယူခဲ့ခြင်းဖြစ်သည်။
-
ရန်ကုန်ဗုဒ္ဓတက္ကသိုလ်တွင် Eleven Media Group မိသားစုက ခုနစ်ကြိမ်မြောက် ကထိန်အလှူတော် ပြုလုပ်
-
■ ဘွန်ဒစ်လီဂါကလပ် ဆန့်ပေါ်လီအသင်း လူမှုကွန်ရက် X မှ နုတ်ထွက်
-
■ မန်ယူတိုက်စစ်မှူးဟောင်း ဖော်လန် ဥရုဂွေးအိုးပင်း ပရိုတင်းနစ်ပြိုင်ပွဲ အဖွင့်ပွဲစဉ်တွင် ရှုံးပွဲကြုံတွေ့
-
■ ကူဒူစ်ကို အနည်းဆုံးပေါင်(၈၅)သန်းရမှ ဝက်စ်ဟမ်းအသင်း ရောင်းမည်
-
ကူးစက်မြန် ကိုရိုနာဗိုင်းရပ်စ်မျိုးကွဲသစ် B.1.1.7 အကြောင်းတစေ့တစောင်း
