မန်ယူအသင်း၏ ပြင်သစ်လက်ရွေးစင်ကွင်းလယ်လူ ပေါ့ဘာက အာဆင်နယ်အသင်းကို ရှုံးနိမ့်ခဲ့သည့်ပွဲတွင် သူ၏ ဖျက်ထုတ်မှုကြောင့် ပယ်နယ်တီပေးခဲ့ရခြင်းအတွက် သူ၏ အမှားဖြစ်ကြောင်း ဝန်ခံခဲ့ပြီး ခံစစ်ပိုင်းကစားပုံ ပိုမိုကောင်းမွန်အောင် ကြိုးစားသွားမည်ဟုလည်း ကတိပေးပြောကြားသွားခဲ့သည်။
ပေါ့ဘာက "လိုက်ပ်ဇစ်နဲ့ပွဲမှာ အရမ်းကောင်းတဲ့ စွမ်းဆောင်ရည်ကို ပြသခဲ့ပြီးတဲ့နောက် ဒီပွဲမှာတော့ ကျွန်တော်တို့ ထပ်မလုပ်နိုင်ခဲ့ပါဘူး။ ဘာကြောင့်ဒီလိုဖြစ်ရသလဲဆိုတာကို ရှာဖွေဖို့ လိုပါတယ်။ ကျွန်တော်ကိုယ်တိုင်ရောပါပဲ။ ကျွန်တော့် အနေနဲ့ ဒီလိုပြစ်ဒဏ်မျိုးကို မလုပ်ခဲ့သင့်ပါဘူး။ ဘောလုံးကို ထိခဲ့တယ်လို့ ကျွန်တော်ထင်ပေမယ့် တကယ်တော့ မထိခဲ့ပါဘူး။ ဒီဂိုးက ကျွန်တော်တို့ကို ရှုံးပွဲတွေ့စေခဲ့ပါတယ်။ ကျွန်တော်တို့ကစားတာ အခုထက်ပိုကောင်းသင့်ပြီး ဂိုးတွေလည်း ပိုရသင့်ပါတယ်။ ကျွန်တော်တို့ ဘောလုံးနဲ့အတူ ပိုကောင်းအောင်ကစားဖို့လိုနေပြီး၊ ပိုပြီးခြိမ်းခြောက်နိုင်စွမ်းလည်း ရှိသင့်ပါတယ်။ ကျွန်တော်အပါအဝင် တစ်သင်းလုံး ပိုပြီးကောင်းလာအောင် လုပ်ဖို့လိုပါတယ်။ နောက်ဆုံးပြောချင်တာကတော့ ကျွန်တော့်ရဲ့ ညံ့ဖျင်းလွန်းတဲ့ အမှားပါ။ ဒီလို ပယ်နယ်တီမျိုးကို မပေးသင့်ပါဘူး။ ဒီလိုလုဖို့ ကြိုးစားရမယ့်အစား ဘောလုံးကို ပေးလိုက်သင့်ပြီး၊ ဒီဘောလုံးကို တားဆီးနိုင်ဖို့ကိုသာ ကြိုးစားခဲ့သင့်ပါတယ်။ ကျွန်တော် ခံစစ်ဇုန်ထဲမှာ အကောင်းဆုံးမကစားနိုင်ပါဘူး။ ဒါကြောင့် ခံစစ်ကစားပုံ ပိုကောင်းလာဖို့အတွက် ကျွန်တော် ကြိုးစားသွားမှာပါ" ဟုဆိုခဲ့သည်။
မန်ယူအသင်းသည် ယင်းပွဲအပါအဝင် ယခုရာသီတွင်အိမ်ကွင်း (၄)ပွဲစလုံး နိုင်ပွဲမရရှိသေးချေ။
-
ရန်ကုန်ဗုဒ္ဓတက္ကသိုလ်တွင် Eleven Media Group မိသားစုက ခုနစ်ကြိမ်မြောက် ကထိန်အလှူတော် ပြုလုပ်
-
■ ဘွန်ဒစ်လီဂါကလပ် ဆန့်ပေါ်လီအသင်း လူမှုကွန်ရက် X မှ နုတ်ထွက်
-
■ မန်ယူတိုက်စစ်မှူးဟောင်း ဖော်လန် ဥရုဂွေးအိုးပင်း ပရိုတင်းနစ်ပြိုင်ပွဲ အဖွင့်ပွဲစဉ်တွင် ရှုံးပွဲကြုံတွေ့
-
■ ကူဒူစ်ကို အနည်းဆုံးပေါင်(၈၅)သန်းရမှ ဝက်စ်ဟမ်းအသင်း ရောင်းမည်
-
ကူးစက်မြန် ကိုရိုနာဗိုင်းရပ်စ်မျိုးကွဲသစ် B.1.1.7 အကြောင်းတစေ့တစောင်း
