အင်တာမီလန်ကွင်းလယ်လူ ဗီဒယ်လ်က မိမိအနေဖြင့် ရီးယဲလ်ကို အနိုင်ကစားပြီး ဘာစီလိုနာ၊ အင်တာမီလန်ပရိသတ်များနှင့်အတူ အောင်ပွဲခံလိုသည်ဟု ပြောကြားခဲ့သည်။
ချီလီဝါရင့်ကွင်းလယ်လူ ဗီဒယ်လ်သည် ဘာစီလိုနာအသင်းတွင် ၂၀၁၈ ခုနှစ်မှ ၂၀၂၀ ခုနှစ်အထိ ကစားခဲ့သူဖြစ်ပြီး ပြီးခဲ့သည့် နွေရာသီအပြောင်းအရွှေ့ကာလကမှ အင်တာမီလန်အသင်းသို့ ရောက်ရှိလာသူဖြစ်သည်။
အင်တာမီလန်နှင့် ရီးယဲလ်အသင်းတို့သည် ယခုရာသီ ချန်ပီယံလိဂ် အုပ်စု (B) တွင် အတူကျရောက်နေပြီး ပွဲစဉ် (၂)အပြီးတွင် အင်တာမီလန်က (၂)မှတ်၊ ရီးယဲလ်အသင်းက (၁)မှတ် ရရှိထားပြီး အုပ်စုပွဲစဉ် (၃)အဖြစ် ယနေ့တွင် ၎င်းတို့(၂)သင်းသည် ရီးယဲလ်အိမ်ကွင်း၌ ကစားရမည်ဖြစ်သည်။
ဗီဒယ်လ်က "ပွဲကောင်းတစ်ပွဲ ဖြစ်လာမှာပါ။ ဘာစီလိုနာမှာ ကျွန်တော် (၂)နှစ် ကစားခဲ့ပါတယ်။ ဒါကြောင့် ရီးယဲလ်ကို အနိုင်ကစားပြီး ဘာစီလိုနာ၊ အင်တာမီလန်ပရိသတ်တွေနဲ့အတူ အောင်ပွဲခံချင်ပါတယ်။ အဲဒီအတွက် အစွမ်းကုန် ကြိုးစားမှာပါ"ဟု ပြောကြားခဲ့သည်။
အသက် (၃၃)နှစ်အရွယ်ရှိ ဗီဒယ်လ်သည် ယခုရာသီတွင် အင်တာမီလန်အသင်းအတွက် ပြိုင်ပွဲစုံ (၇)ပွဲ ကစားပေးထားသည်။
-
၂၀၂၄ ခုနှစ် တောင်ကြီးတန်ဆောင်တိုင် မီးပုံးပျံပွဲတော်ဖွင့်ပွဲ ကျင်းပ
-
ဇလွန်မြိုရှိ မာရ်အောင်မြင်ပြည်တော်ပြန်ဘုရားကြီး၊ တန်ဆောင်တိုင်ပွဲတော်၌ မသိုးသင်္ကန်းရက်ချုပ်ပြိုင်ပွဲနှင့် ရောင်စုံမီးအလှဆင်ပုံဖော်မှုများ ပါဝင်မည်
-
ဇူလိုင် ၂၆ ရက်တွင် ကမ္ဘာ့ဒေါ်လာစျေးအညွှန်းကိန်း ၁၀၆ ပွိုင့်ဝန်းကျင်ရှိပြီး ပြင်ပစျေးကွက်တွင်မူ နိုင်ငံခြားငွေလဲနှုန်း တစ်ဒေါ်လာ ကျပ် ၂၄၉၀ ဝန်းကျင်ရှိနေ
-
၂၀၂၁-၂၀၂၂ ဘဏ္ဍာနှစ် တတိယသုံးလပတ်အတွင်း စတော့ရှယ်ယာတန်ဖိုးစုစုပေါင်း ကျပ်သန်း ၇၉၀ ကျော် အရောင်းအဝယ်ဖြစ်မြောက်ခဲ့ပြီး ဒုတိယသုုံးလပတ်ထက် ၁၅ ရာခိုင်နှုန်းကျဆင်း
-
ဇူလိုင် ၂၈ ရက်တွင် ရွှေလုပ်ငန်းရှင်များအသင်းက ပြည်တွင်းရွှေစျေးနှုန်း တစ်ကျပ်သားလျှင် ကျပ် ၂၀၆၀၀၀၀ ဖြင့် စျေးပိတ်ခဲ့သော်လည်း ပြင်ပစျေးကွက်တွင် ကျပ် ၂၂၈၀၀၀၀ ဝန်းကျင်ရှိနေ
