Top News

အဆုံးသတ်တစ်ခုအတွက် အစပြုခြင်းလား

24htopnews | November 11, 2024 4:12 PM CST

မန်စီးတီးအသင်း ပြိုင်ပွဲစုံ ၄ ပွဲဆက် ရှုံးနိမ့်ခဲ့ပြီဆိုတဲ့ သတင်းက ဘောလုံးကမ္ဘာမှာ အုတ်အော်သောင်းတင်း ဖြစ်သွားစေပါတယ်။ မျက်မြင်ကိုယ်တွေ့ မဟုတ်သူတွေက ဒီသတင်းမှန်ပါ့မလားလို့တောင် မယုံနိုင်အောင် ဖြစ်သွားခဲ့ပါတယ်။ ပရီးမီးယားလိဂ်ချန်ပီယံဆုကို ၄ ရာသီဆက်တိုက် သိမ်းပိုက်ထားတဲ့အသင်း၊ ဘောလုံးလောကမှာ အင်အားအကောင်းဆုံးအဖြစ် သတ်မှတ်ခံထားရတဲ့အသင်းဖြစ်တာကြောင့်လည်း ၄ ပွဲဆက် ရှုံးနိမ့်ခဲ့တယ်ဆိုတာကို မယုံနိုင်အောင် ဖြစ်သွားကြတာပါ။ မန်စီးတီးအသင်း ပြိုင်ပွဲစုံ ၄ ပွဲဆက် ရှုံးနိမ့်ခဲ့တယ်ဆိုတာ တကယ့်ဖြစ်ရပ်မှန်ပါ။ မန်စီးတီးက လိဂ်ဖလား၊ ပရီးမီးယားလိဂ်နဲ့ ချန်ပီယံလိဂ် ဆိုတဲ့ ပြိုင်ပွဲ ၃ ခုမှာ စပါး၊ ဘုန်းမောက်၊ စပို့တင်းလစ္စဘွန်းနဲ့ ဘရိုက်တန်တို့ကို ၄ ပွဲဆက်တိုက် ရှုံးနိမ့်ခဲ့တာပါ။