စပိန်သတင်းစာ AS က ရီး ယဲလ်အသင်းတွင် ဘန်ဇီမာ၊ ဘေးလ်၊ စီရော်နယ်လ်ဒိုတို့၏ နာမည်ကျော် BBC တိုက်စစ်အတွဲကို ပြန်လည်မြင်တွေ့ရဖွယ်ရှိသည်ဟု သုံးသပ်ဖော်ပြခဲ့သည်။
အဆိုပါ BBC တိုက်စစ်အတွဲ မှာ မက်ဆီ၊ ဆွာရက်ဇ်၊ နေမာတို့ ပေါင်းစပ်ထားသော ဘာစီလိုနာအသင်း၏ MSN တိုက်စစ်အတွဲနှင့်အပြိုင် နာမည်ကျော်ခဲ့ပြီး လက်ရှိအချိန်တွင်မူ ရီးယဲလ်အသင်းတွင် တိုက်စစ်မှူး ဘန်ဇီမာ တစ်ဦးတည်းသာ ကျန်ရှိခဲ့သည်။
စီရော်နယ်လ်ဒိုက ဂျူဗင်တပ်စ်အသင်းသို့ ပြောင်းရွှေ့သွားခဲ့သလို၊ ဂါရတ်ဘေးလ်က စပါးအသင်းထံ အငှားသွားရောက်ကစားနေခြင်းဖြစ်သည်။
သို့သော် ယခုအခါ စီရော်နယ်လ်ဒိုကို ရီးယဲလ်အသင်းက ပြန်လည်ခေါ်ယူရန် စီစဉ်နေကြောင်း သတင်းများ ထွက်ပေါ်နေသလို၊ ဘေးလ်ကလည်း ရီးယဲလ်အသင်းတွင် ပြန် ကစားရန် ရည်ရွယ်ထားကြောင်း ပြောကြားခဲ့သည့်အတွက် BBC တိုက်စစ်အတွဲကို ပြန်လည်မြင်တွေ့ ရနိုင်သည်ဟု AS က သုံးသပ်ခဲ့ခြင်း ဖြစ်သည်။
ရီးယဲလ်အသင်းနှင့် ၂၀၂၂ ခုနှစ်အထိ စာချုပ်ချုပ်ဆိုထားသည့် ဘေးလ်က ၎င်းင်း၏အနာဂတ်နှင့်ပတ်သက်၍ မေးမြန်းမှုကို "ကျွန်တော် စပါးအသင်းကို ရောက်လာရတဲ့ အဓိကအကြောင်းပြချက်က ဘောလုံး ကစားရဖို့ပါ။ ပြီးတော့ ယူရိုမှာ ကစားခွင့်ရချင်တာကြောင့်ပါ။ ကျွန်တော့်ရဲ့ မူလအစီအစဉ်က စပါးမှာ တစ်ရာသီကစားပြီး လက်ကျန်စာချုပ်သက်တမ်းကို ရီးယဲလ်မှာ ကုန်ဆုံးဖို့ပါပဲ"ဟု ပြောကြားခဲ့သည်။
-
ဗြိတိန်တွင် mpox ရောဂါ ကူးစက်မှုဖြစ်စဉ်အသစ် လေးခုတွေ့ရှိ
-
Ballon d'Or ဆုကို ယမားလ် အကြိမ်များစွာ ရယူနိုင်လိမ့်မည်ဟု ဖခင်ဖြစ်သူ ပြောကြား
-
ဆာကာနှင့် ဒက်ကလန်ရိုက်စ်တို့ ဒဏ်ရာထပ်မံရရှိခဲ့ပြီး နိုင်ငံတကာပွဲများအပြီးတွင် ကစားသမားအားလုံး ကြံ့ခိုင်မှုပြည့်ဝရန် ဆုတောင်းနေရဟု အာတီတာ ဝန်ခံ
-
အင်္ဂလန်လက်ရွေးစင်အသင်းလူစာရင်းမှ ကစားသမား(၈)ဦး နုတ်ထွက်
-
ဖိလစ်ပိုင်တွင် တစ်လအတွင်း စတုတ္ထမြောက် တိုင်ဖွန်းဝင်ရောက်မှုကြောင့် လူပေါင်းထောင်ချီ ဘေးလွတ်ရာရွှေ့ပြောင်း
