ဘာစီလိုနာအသင်းသည် လာမည့်နွေရာသီအပြောင်းအရွှေ့ကာလတွင် ဖရန့်ဖတ်တိုက်စစ်မှူး အန်ဒရေဆေးလ်ဗားအား ခေါ်ယူရန် ပစ်မှတ်ထားနေကြောင်း သိရှိရသည်။
ဘာစီလိုနာအသင်းဥက္ကဋ္ဌသစ် လာပေါ်တာသည် လာမည့်နွေရာသီတွင် အသင်းကို အင်အားဖြည့်တင်းမှုများ ပြုလုပ်ရန် စီစဉ်နေကြောင်း သိရှိရသည်။
လက်ရှိတွင် ဘာစီလိုနာအသင်းအနေဖြင့် ဘိုင်ယန်မြူးနစ်နောက်ခံလူ အလာဘာနှင့် မန်စီးတီးနောက်ခံလူ အဲရစ်ဂါစီယာတို့ကို ပြောင်းရွှေ့ကြေးအလွတ်ဖြင့် ခေါ်ယူရန် သဘောတူညီမှုရရှိထားပြီဟု သတင်းများထွက်နေပြီး ယခုအခါ အသင်းတိုက်စစ်ပိုင်းကိုပါ အားဖြည့်ရန် စီစဉ်နေခြင်းဖြစ်ကြောင်း သိရသည်။
ဂျာမန်သတင်းစာ Bild ၏ ဖော်ပြမှုအရ ဘာစီလိုနာအသင်းအနေဖြင့် ဘဏ္ဍာရေးအကျပ်အတည်းနှင့်ရင်ဆိုင်နေရသော်လည်း အန်ဒရေဆေးလ်ဗားကို ခေါ်ယူရန် အနီးကပ်စောင့်ကြည့်နေကြောင်း သိရှိရသည်။
အသက် (၂၅)နှစ်အရွယ်ရှိ ပေါ်တူဂီတိုက်စစ်မှူး အန်ဒရေဆေးလ်ဗားသည် ယခုရာသီတွင် ဖရန့်ဖတ်အသင်းအတွက် ပြိုင်ပွဲစုံ (၂၆)ပွဲတွင် (၂၂)ဂိုးအထိ သွင်းယူပေးထားသည်။
ဘာစီလိုနာအသင်းသည် အသင်းတိုက်စစ်ပိုင်းတွင် ပုံမှန်ခြေစွမ်းရရန်ရုန်းကန်နေရသည့် ပြင်သစ်တိုက်စစ်မှူး ဂရီးဇ်မန်းကို ရောင်းထုတ်ရန် စီစဉ်နေပြီး ၎င်းနေရာတွင် အစားထိုးရန်အတွက် အန်ဒရေဆေးလ်ဗားနှင့် လိုင်ယွန်တိုက်စစ်ကစားသမား ဒီပိုင်းတို့ကို ပစ်မှတ်ထားနေခြင်းဖြစ်သည်။
-
ဗြိတိန်တွင် mpox ရောဂါ ကူးစက်မှုဖြစ်စဉ်အသစ် လေးခုတွေ့ရှိ
-
Ballon d'Or ဆုကို ယမားလ် အကြိမ်များစွာ ရယူနိုင်လိမ့်မည်ဟု ဖခင်ဖြစ်သူ ပြောကြား
-
ဆာကာနှင့် ဒက်ကလန်ရိုက်စ်တို့ ဒဏ်ရာထပ်မံရရှိခဲ့ပြီး နိုင်ငံတကာပွဲများအပြီးတွင် ကစားသမားအားလုံး ကြံ့ခိုင်မှုပြည့်ဝရန် ဆုတောင်းနေရဟု အာတီတာ ဝန်ခံ
-
အင်္ဂလန်လက်ရွေးစင်အသင်းလူစာရင်းမှ ကစားသမား(၈)ဦး နုတ်ထွက်
-
ဖိလစ်ပိုင်တွင် တစ်လအတွင်း စတုတ္ထမြောက် တိုင်ဖွန်းဝင်ရောက်မှုကြောင့် လူပေါင်းထောင်ချီ ဘေးလွတ်ရာရွှေ့ပြောင်း
