ဟံသာ၀တီယူနိုက်တက် ယူ-၂၁ အသင်းခေါင်းဆောင် ချစ်ဘိုဘိုငြိမ်းသည် မတ် ၂၇ ရက်နံနက်ပိုင်းက ဆန္ဒထုတ်ဖော်မှုတွင် အသက်ဆုံးရှုံးခဲ့ကြောင်း သိရသည်။
ချစ်ဘိုဘိုငြိမ်းသည် ယနေ့နံနက်ပိုင်းက ရန်ကုန်မြို့ အင်းစိန်ရွာမတွင်ပြုလုပ်သည့် ဆန္ဒထုတ်ဖော်မှုတွင် ပါ၀င်ခဲ့ပြီး ပစ်ခတ်မှုများကြောင့် ၀မ်းဗိုက်အား ကျည်ဆံထိမှန်ကာ အသက်ဆုံးရှုံးခဲ့ခြင်းဖြစ်သည်။ အလားအလာရှိသည့် လူငယ်ဘောလုံးသမားတစ်ဦး အသက်ဆုံးရှုံးခဲ့ခြင်းအတွက် မြန်မာ့ဘောလုံးလောကမှ နည်းပြများ၊ ကစားသမားများက လူမှုကွန်ရက်တွင် ၀မ်းနည်းကြောင်း ရေးသားဖော်ပြခဲ့ကြသည်။
ချစ်ဘိုဘိုငြိမ်းသည် ၂၀၁၇ ခုနှစ်ကတည်းက ဟံသာ၀တီလူငယ်အသင်းသို့ ရောက်ရှိခဲ့ပြီး ဟံသာ၀တီ ယူ-၁၉ အသင်း၊ ဟံသာ၀တီ ယူ-၂၁ အသင်းတို့တွင် အသင်းခေါင်းဆောင်အဖြစ် ပါ၀င်ကစားခွင့်ရခဲ့သူဖြစ်သည်။ ချစ်ဘိုဘိုငြိမ်းသည် ပြီးခဲ့သည့်ရာသီတွင် ဟံသာ၀တီ ယူ-၂၁ အသင်းတွင် ပါ၀င်ကစားခဲ့ပြီး ကွင်းလယ်ကစားသမားတစ်ဦးဖြစ်ကြောင်း သိရသည်။
-
ဗြိတိန်တွင် mpox ရောဂါ ကူးစက်မှုဖြစ်စဉ်အသစ် လေးခုတွေ့ရှိ
-
Ballon d'Or ဆုကို ယမားလ် အကြိမ်များစွာ ရယူနိုင်လိမ့်မည်ဟု ဖခင်ဖြစ်သူ ပြောကြား
-
ဆာကာနှင့် ဒက်ကလန်ရိုက်စ်တို့ ဒဏ်ရာထပ်မံရရှိခဲ့ပြီး နိုင်ငံတကာပွဲများအပြီးတွင် ကစားသမားအားလုံး ကြံ့ခိုင်မှုပြည့်ဝရန် ဆုတောင်းနေရဟု အာတီတာ ဝန်ခံ
-
အင်္ဂလန်လက်ရွေးစင်အသင်းလူစာရင်းမှ ကစားသမား(၈)ဦး နုတ်ထွက်
-
ဖိလစ်ပိုင်တွင် တစ်လအတွင်း စတုတ္ထမြောက် တိုင်ဖွန်းဝင်ရောက်မှုကြောင့် လူပေါင်းထောင်ချီ ဘေးလွတ်ရာရွှေ့ပြောင်း
