အမေရိကန်ဆေးကုမ္ပဏီ Pfizer က အသက် ငါးနှစ်မှ ၁၁ နှစ်အရွယ် ကလေးများအတွက် ၎င်း၏ အသစ်ထုတ်လုပ်ထားသော COVID-19 ထပ်ထိုးကာကွယ်ဆေး အသုံးပြုထိုးနှံမှုကို တိုးချဲ့ရန် စက်တင်ဘာ ၂၆ရက် က အမေရိကန်အာဏာပိုင်များကို တောင်းဆိုခဲ့သည်။
မူလတန်းကျောင်းတက်ရောက်နေသည့်အရွယ် ကလေးများကို Pfizer ၏ မူလကာကွယ်ဆေး၏ ကလေးများကို အသုံးပြုထိုးနှံသည့်ပမာဏကို ထိုးနှံပေးခဲ့ပြီးဖြစ်ကာ အသက် ၁၂ နှစ်နှင့်အထက်အရွယ်များကို မူလကာကွယ်ဆေးနှစ်ကြိမ် ထိုးနှံပြီးသည့်အပြင် တတိယမြောက် ထပ်တိုးကာကွယ်ဆေးကို လည်း ထိုးနှံပေးခဲ့ပြီးဖြစ်သည်။
အစားအစာနှင့်ဆေးဝါးစီမံခန့်ခွဲရေးက အတည်ပြုပေးခဲ့မယ်ဆိုရင် အသက်ငါးနှစ်မှ ၁၁ နှစ်အရွယ်ကလေးများကို အိုမီခရွန်အတွက် ရည်ရွယ်ထုတ်လုပ်ထားသော ထပ်ထိုးကာကွယ်ဆေး၏ ကလေးများကို အသုံးပြုထိုးနှံသည့်ပမာဏကိုစတင်ထိုးနှံနိုင်လိမ့်မည်ဖြစ်သည်။
WHO ကာကွယ်ဆေးအကြီးအကဲ ဒေါက်တာ ပီတာမာ့ခ်က ၎င်းအနေဖြင့် မကြာမီ ယင်းအသက်အရွယ်အုပ်စုအတွက် ထပ်တိုးကာကွယ်ဆေးထိုးနှံပေးမည့် ဆုံးဖြတ်ချက်ကို ချမှတ်သွားရန် မျှော်လင့်ထားသည်ဟု လွန်ခဲ့သည့် သီတင်းပတ်က ပြောကြားခဲ့သည်။
Pfizer နှင့် ၎င်း၏မိတ်ဖက် BioNTech တို့သည် အသက်ခြောက်လမှ လေးနှစ်အရွယ် ကလေးများကဲ့သို့ အလွန်ငယ်ရွယ်သော ကလေးများအတွက်ပင် အိုမီခရွန်မျိုးကွဲအတွက် အထူးထုတ်လုပ်ထားသည့် ထပ်တိုးကာကွယ်ဆေးများအား ကွဲပြားခြားနားသည့် ဆေးပမာဏများကို စမ်းသပ်သည့် သုတေသစမ်းသပ်မှုအသစ်တစ်ရပ် လုပ်ဆောင်နေသည်ဟုလည်း ကြေညာခဲ့သည်။
Pfizer နှင့် ၎င်း၏ပြိုင်ဘက်ဆေးကုမ္ပဏီ Moderna တို့သည် ယခုလအစောပိုင်းက အသက် ၁၂ နှစ်နှင့်အထက် အရွယ်များအတွက် ထပ်တိုးကာကွယ်ဆေးများကို ဖြန့်ချိပေးခဲ့သည်။
မူရင်းကာကွယ်ဆေးထုတ်လုပ်နည်းတစ်ဝက်နှင့် လက်ရှိ COVID-19 ကူးစက်မှု ဖြစ်စဉ်အများစုကို ဖြစ်ပေါ်စေသည့် အိုမီခရွန်မျိုးကွဲ၏ ထပ်ဆင့်မျိုးကွဲများဖြစ်သော BA.4 နှင့် BA.5 တို့အား ကာကွယ်မှုတစ်ဝက်ပါရှိသော ပေါင်းစပ်သို့မဟုတ် နှစ်မျိုးစပ်ကာကွယ်ဆေးသည် လူသန်းပေါင်းများစွာကို ကယ်တင်နိုင်ခဲ့ပြီးဖြစ်သည်။
ပြုပြင်မွမ်းမံထားသည့် ထပ်တိုးကာကွယ်ဆေးများသည် ဆက်လက်ဖြစ်ပွားနေသည့် COVID-19 ကူးစက်မှုဖြစ်စဉ်များကို လျော့ကျစေရန် အကူအညီဖြစ်စေလိမ့်မည်ဖြစ်ပြီး နောက်ထပ်ဆောင်းရာသီ ဗိုင်းရပ်စ်ကူးစက်မှု မြင့်တက်လာမှုကို လျော့ပါးသက်သာစေလိမ့်မည်ဖြစ်ကြောင်း မျှော်လင့်ထားကြသည်။
လွန်ခဲ့သည့်သီတင်းပတ်အထိရောဂါ ထိန်းချုပ်ရေးနှင့် ကာကွယ်ရေးစင်တာ၏ ပြောကြားချက်အရ အမေရိကန်နိုင်ငံသား ၄.၄ သန်းသည် အသစ်ပြုပြင်မွမ်းမံထားသည့် ထပ်တိုးကာကွယ်ဆေးကို ထိုးနှံခဲ့ပြီးဖြစ်သည်ဟု ပြောကြားခဲ့သည်။
အမေရိကန်တစ်ဝန်းတွင် COVID-19 ကူးစက်ခံရသူပေါင်း ၉၅.၉ သန်းရှိပြီး ဗိုင်းရပ်စ်ကြောင့် သေဆုံးသူပေါင်း ၁.၀၅သန်းရှိသည်ဟု ထုတ်ပြန်ထားသည်။
-
ဟုမ္မလင်းမြို့နယ်တွင် ကျေးရွာပေါင်း ၁၈၀ ကျော် အသုံးပြုနေသည့် ဥရုတံတား၏ ကမ်းကပ်ခုံမှာ ဥရုမြစ်ရေတိုက်စားမှုကြောင့် ပျက်စီးနိုင်သည့်အတွက် ကမ်းထိန်းနံရံ အမြန်ဆုံး တည်ဆောက်ပေးရန် စစ်ကိုင်းတိုင်းလွှတ်တော်တွင် မေးမြန်း
-
လင်းခေးခရိုင်အတွင်းရှိ သုံးမြို့နယ်တွင် မိုးသည်းထန်စွာ ရွာသွန်းမှုကြောင့် နေအိမ်များ ရေနစ်မြုပ်
-
တာမွေမြို့နယ် NLD ပါတီက နိုင်ငံတော်သမ္မတနှင့် နိုင်ငံတော်၏အတိုင်ပင်ခံပုဂ္ဂိုလ် ဓာတ်ပုံ အသုံးပြုမဲဆွယ်ခြင်းသည် ပြည်သူ့ဝန်ထမ်း အကူအညီ ရယူရာရောက်သည်ဟုဆိုကာ ကန့်ကွက်ထားမှုအပေါ် ပုံရိပ်ကို အသုံးပြုခြင်းသည် စပ်ဆိုင်မှုမရှိကြောင်း ပြည်ခိုင်ဖြိုးကိုယ်စားလှယ်လောင
-
နိုဝင်ဘာ ၂၁ ရက်တွင် တက္ကသိုလ်၊ ဒီဂရီကောလိပ်ကျောင်းများ ဖွင့်လှစ်မည်ဖြစ်ပြီး ကျောင်းအပ်လက်ခံခြင်းကို နိုဝင်ဘာ ၁၄ ရက်မှစ၍ ပိတ်ရက်မရှိ လက်ခံပေးမည်
-
မြန်မာနိုင်ငံတွင် LNG Terminal တည်ဆောက်ပြီး ရရှိလာမည့် သဘာဝဓာတ်ငွေ့ကို မျှဝေသုံးစွဲနိုင်ရေး အပါအဝင် အခြားကိစ္စရပ်များ မြန်မာ-တရုတ် ဆွေးနွေး
