တစ်ကျပ်သား ငါးမူးသား နှင့် တစ်မတ်သား ရွှေဒင်္ဂါးပြားများအား ရန်ကုန်နှင့်မန္တလေးတိုင်းဒေသကြီးတွင် စက်တင်ဘာ ၂၃ ရက်မှ စတင်ရောင်းချမည်ဖြစ်ကြောင်း စက်တင်ဘာ ၂၂ ရက် ညပိုင်းက နိုင်ငံပိုင်သတင်းဌာန၏ ကြေငြာချက်အရသိရသည်။
သယံဇာတနှင့် သဘာဝပတ်ဝန်းကျင်ထိန်းသိမ်းရေး ဝန်ကြီးဌာနမှ စက်တင်ဘာ ၂၃ ရက်မှ စတင်ကာ ရန်ကုန်တိုင်းဒေသကြီးနှင့် မန္တလေးတိုင်းဒေသကြီးတို့တွင် စတင်ရောင်းချမည်ဖြစ်ကြောင်းသိရသည်။
စက်တင်ဘာ ၁၄ ရက်မှ စတင်ကာ ရွှေဒင်္ဂါးပြားများအား နေပြည်တော်ကျောက်မျက်ရတနာခန်းမတွင် တစ်ကျပ်သား ၂၈ သိန်းဖြင့် ရောင်းချပေးခဲ့သည်။
ကမ္ဘာ့ရွှေစျေးနှုန်းအပေါ် အခြေခံတွက်ချက်ကာ စျေးနှုန်းသတ်မှတ်၍ ရွှေဒင်္ဂါးပြားများကို ရောင်းချပေးနေခြင်းဖြစ်ကြောင်း The Daily Eleven သတင်းစာ၏ မေးမြန်းမှုအပေါ် ဦးကျော်သူထွန်းက ဖြေကြားထားသည်။
နေပြည်တော်ရှိ ကျောက်မျက်ရတနာပြတိုက်တွင် စက်တင်ဘာ ၁၆ ရက်အထိ ရွှေဒင်္ဂါးပြား အလေးချိန် လေးပိသာကျော် ရောင်းချထားရကြောင်း နိုင်ငံတော်စီမံအုပ်ချုပ်ရေးကောင်စီ သတင်းထုတ်ပြန်ရေးအဖွဲ့ခေါင်းဆောင်၊ ပြန်ကြာရေးဝန်ကြီးဌာန ဒုတိယဝန်ကြီး ဗိုလ်ချုပ်ဇော်မင်းထွန်းက ပြောကြားသည်။
-
သရုပ်ဆောင် မေမီကိုကိုရဲ့ ငယ်ဘဝအမှတ်တရ ဖြတ်သန်းရာ
-
မာဗယ်၏ ပထမဦးဆုံး ရုပ်ပြစာစောင်ကို လေလံတင်ရောင်းချရာ ဒေါ်လာ ၁.၃ သန်း ရရှိ
-
သရုပ်ဆောင် ခရစ္စတင်းဘဲလ်နှင့် အဆိုတော်၊ သရုပ်ဆောင် အဒီးနားမန်ဇယ်တို့ ဟောလိဝုဒ် Walk of Fame တွင် ကြယ်ပွင့်ဖြင့် ဂုဏ်ပြုခံရ
-
တစ်ရှိန်ထိုးအောင်မြင်လာသည့် ရက်ပ်အဆိုတော် လစ်ဇိုက (၆၂) ကြိမ်မြောက် ဂရမ်မီဆန်ခါတင်စာရင်းတွင် ဦးဆောင်
-
ပိုင်တံခွန် ပါဝင်ခွင့်ရရှိခဲ့သည့် ထိုင်းရုပ်သံအစီအစဉ် Farang Day ၏ Host ဖြစ်သူ Sunny Burns မြန်မာနိုင်ငံသို့ လာရောက်မည်
