မြန်မာအလှမယ် ဟန်လေး ထိုင်းနိုင်ငံ၊ ဘန်ကောက်မြို့ရှိ သုဝဏ္ဏဘူမိလေဆိပ်တွင် စက်တင်ဘာ ၂၁ ရက်က ဖမ်းဆီးထိန်းသိမ်းခံရသည်ဟု ထိုင်းသတင်းဌာနများတွင် ဖော်ပြထားချက်အရ သိရသည်။
အလှမယ်ဟန်လေးသည် စက်တင်ဘာ ၁၈ ရက်က ဗီဇာကိစ္စအတွက် ဗီယက်နမ်နိုင်ငံသို့ သွားရောက်ခဲ့ခြင်းဖြစ်ပြီး ထိုင်းနိုင်ငံသို့ ပြန်လာစဉ် စက်တင်ဘာ ၂၁ ရက်တွင် သုဝဏ္ဏဘူမိလေဆိပ်၌ ထိုင်းလူဝင်မှုကြီးကြပ်ရေး၏ ဖမ်းဆီးထိန်းသိမ်းခြင်းကို ခံခဲ့ရခြင်းဖြစ်သည်ဟု သိရသည်။
အလှမယ်ဟန်လေးသည် ၂၀၂၁ ခုနှစ် မတ် ၇ ရက်က ထိုင်းနိုင်ငံတွင် ပြုလုပ်ခဲ့သည့် Miss Grand 2020 ပြိုင်ပွဲတွင် မြန်မာကိုယ်စားပြုအလှမယ်တစ်ဦးအဖြစ် ပါဝင်ယှဉ်ပြိုင်ခဲ့သူဖြစ်သည်။ ပြိုင်ပွဲစင်မြင့်၌ မြန်မာနိုင်ငံတွင် ဖြစ်ပေါ်နေသည့် နိုင်ငံရေးအခြေအနေများအပေါ် သူ၏သဘောထားကို ထုတ်ဖော်ပြသမှုလည်း ပြုလုပ်ခဲ့သူဖြစ်သည်။ ယင်းပြိုင်ပွဲတွင် နိုင်ငံပေါင်း ၆၀ ကျော်မှ အလှမယ်များနှင့်အတူ ပါဝင်ယှဉ်ပြိုင်ခဲ့သည့် အလှမယ်ဟန်လေးသည် Top 20 Finalist အလှမယ်စာရင်းအထိ ပါဝင်ခဲ့သည်။
အဆိုပါပြိုင်ပွဲအပြီးတွင် ဟန်လေးသည် မြန်မာနိုင်ငံသို့ ပြန်လာခဲ့ခြင်းမရှိဘဲ ထိုင်းနိုင်ငံတွင် ဆက်လက်နေထိုင်ပြီး အနုပညာအလုပ်များကို လုပ်ကိုင်ခဲ့သည်ဟု သိရသည်။
အလှမယ်ဟန်လေးသည် Miss Universe Mandalay 2015 ဆု၊ Miss Universe Myanmar 2015 1st Runner Up ဆုများကိုလည်း ရရှိခဲ့သည့် အလှမယ်တစ်ဦးဖြစ်ကြောင်း သိရသည်။
-
သရုပ်ဆောင် မေမီကိုကိုရဲ့ ငယ်ဘဝအမှတ်တရ ဖြတ်သန်းရာ
-
မာဗယ်၏ ပထမဦးဆုံး ရုပ်ပြစာစောင်ကို လေလံတင်ရောင်းချရာ ဒေါ်လာ ၁.၃ သန်း ရရှိ
-
သရုပ်ဆောင် ခရစ္စတင်းဘဲလ်နှင့် အဆိုတော်၊ သရုပ်ဆောင် အဒီးနားမန်ဇယ်တို့ ဟောလိဝုဒ် Walk of Fame တွင် ကြယ်ပွင့်ဖြင့် ဂုဏ်ပြုခံရ
-
တစ်ရှိန်ထိုးအောင်မြင်လာသည့် ရက်ပ်အဆိုတော် လစ်ဇိုက (၆၂) ကြိမ်မြောက် ဂရမ်မီဆန်ခါတင်စာရင်းတွင် ဦးဆောင်
-
ပိုင်တံခွန် ပါဝင်ခွင့်ရရှိခဲ့သည့် ထိုင်းရုပ်သံအစီအစဉ် Farang Day ၏ Host ဖြစ်သူ Sunny Burns မြန်မာနိုင်ငံသို့ လာရောက်မည်
