မွန်ပြည်နယ် ရေးမြို့နယ် လမိုင်းမြို့မရဲစခန်းမှ နယ်ထိန်းဖြစ်သူ ဒုရဲအုပ်အောင်ကျော်မင်း မှာ စက်တင်ဘာ ၂၁ ရက် မွန်းလွဲပိုင်းက သေနတ်ဖြင့် ပစ်ခတ်ခံရပြီး သေဆုံးခဲ့ကြောင်း ဒေသခံများ၏ ပြောကြားချက်များအရ သိရသည်။
ဒုရဲအုပ်အောင်ကျော်မင်း မှာ ၎င်းစီးနင်းနေသည့် မော်တော်ယာဉ် ဘီးပေါက်သည်ကိုပြင်ဆင်ရန် လမိုင်းမြို့၊ လမိုင်း - ကော့ဒွတ်သွား ကားလမ်းဘေးရှိ တာယာပြင်ဆိုင်တွင် ကားပေါ်မှဆင်းနေစဉ် အမည်မသိသေနတ်သမားများမှ သေနတ်ဖြင့် ဝင်ရောက်ပစ်ခတ်ခဲ့ရာမှ သေဆုံးခဲ့ခြင်းဖြစ်ကြောင်း ဒေသခံတစ်ဦးကပြောကြားသည်။
“သူ (ဒုရဲအုပ်အောင်ကျော်မင်း) က လမိုင်းမြို့မရဲစခန်းက နယ်ထိန်းခေါင်းဆောင်လို့ သိရတယ်။ လမိုင်းကနေ ကော့ဒွတ်ရွာသွားတဲ့လမ်းမှာ သူ့ကားဘီးပေါက်ကတာကိုပြင်ဖို့ တာယာဆိုင်မှာ ကားပေါ်ကဆင်းတဲ့အချိန်မှာ သေနတ်သမားတွေရောက်လာပြီး (၁၂) ချက်လောက်ပစ်သွားတာ။ အခင်းဖြစ်တဲ့နေရာမှာပဲ ပွဲချင်းပြီး သေဆုံးသွားတယ်” ဟု အဆိုပါ ဒေသခံ ပြောကြားသည်။
အဆိုပါဖြစ်စဉ်ဖြစ်ပွားခဲ့ပြီးနောက် သက်ဆိုင်ရာမှ ဒုရြအုပ်အောင်ကျော်မင်း ၏ ရုပ်အလောင်းအား လမိုင်းမြို့ရှိ တိုက်နယ်ဆေးရုံသို့ပို့ဆောင်ခဲ့ကြောင်း နှင့် လမိုင်းမြို့အဝင်အထွက်နေရာများနှင့် လမိုင်း - ကော့ဒွတ်ရွာသွားကားလမ်းတစ်လျှောက် ပိတ်ဆို့စစ်ဆေးခြင်းများလုပ်ဆောင်ခဲ့ကြောင်း ဒေသခံများထံမှ သိရသည်။
မွန်ပြည်နယ်၊ ရေးမြို့နယ်၊ လမိုင်းမြို့တွင် ပြီးခဲ့သည့် ဇူလိုင်လ (၃၁) ရက် ည (၁၁) နာရီအချိန်ခန့်ကလည်း လမိုင်းပရဟိတလူငယ်များအဖွဲ့မှ မင်းလင်းအောင် အသက် (၂၁) နှစ် မှာ လမိုင်းလူငယ်ပရဟိတအဖွဲ့ရုံးမှ နေအိမ်သို့ပြန်လာစဉ် လမိုင်းမြို့၊ နောင်တော်ကြီးစေတီဘေးလမ်းတွင် သေနတ်ဖြင့် ပစ်ခတ်ခံရပြီး သေဆုံးခဲ့ခြင်းဖြစ်ကြောင်း နှင့် ၎င်း၏ ရုပ်အလောင်းကိုမူ လမိုင်းရဲစခန်းဘေးတစ်နေရာသို့ ရောက်ရှိနေသည်ကို တွေ့ခဲ့ရကြောင်း လမိုင်းမြို့ခံများ၏ပြောကြားချက်များအရ သိရသည်။
Photo - CJ
-
သရုပ်ဆောင် မေမီကိုကိုရဲ့ ငယ်ဘဝအမှတ်တရ ဖြတ်သန်းရာ
-
မာဗယ်၏ ပထမဦးဆုံး ရုပ်ပြစာစောင်ကို လေလံတင်ရောင်းချရာ ဒေါ်လာ ၁.၃ သန်း ရရှိ
-
သရုပ်ဆောင် ခရစ္စတင်းဘဲလ်နှင့် အဆိုတော်၊ သရုပ်ဆောင် အဒီးနားမန်ဇယ်တို့ ဟောလိဝုဒ် Walk of Fame တွင် ကြယ်ပွင့်ဖြင့် ဂုဏ်ပြုခံရ
-
တစ်ရှိန်ထိုးအောင်မြင်လာသည့် ရက်ပ်အဆိုတော် လစ်ဇိုက (၆၂) ကြိမ်မြောက် ဂရမ်မီဆန်ခါတင်စာရင်းတွင် ဦးဆောင်
-
ပိုင်တံခွန် ပါဝင်ခွင့်ရရှိခဲ့သည့် ထိုင်းရုပ်သံအစီအစဉ် Farang Day ၏ Host ဖြစ်သူ Sunny Burns မြန်မာနိုင်ငံသို့ လာရောက်မည်
