ရေပေးဝေမှုနှင့် မြစ်ချောင်းသယ်ယူပို့ဆောင်ရေးကို ထိခိုက်စေသည့် တောင်အမေရိကန်တွင် မိုးခေါင်မှုသည် အမေဇုန်မြစ်ဝှမ်းရှိ ကလေး ၄၂၀,၀၀၀ ကျော်အပေါ် ဆိုးဆိုးရွားရွား သက်ရောက်မှုရှိကြောင်း UNICEF က နိုဝင်ဘာ ၆ ရက်တွင် ပြောကြားခဲ့သည်။
စံချိန်တင်မိုးခေါင်မှုသည် လှေဖြင့်ပို့ဆောင်ဆက်သွယ်ရေးအပေါ် မှီခိုနေရသည့် ဘရာဇီး၊ ကိုလံဘီယာနှင့် ပီရူးရှိ ဌာနေနှင့်အခြား လူ့အဖွဲ့အစည်းများအပေါ် ကြီးကြီးမားမားသက်ရောက်မှုရှိသည်ဟုဆိုသည်။
“မိသားစုတွေ မှီခိုနေရတဲ့အရေးပါတဲ့ ဂေဟစနစ်တွေ ပျက်စီးနေတာမြင်တွေ့နေရပြီး ကလေးအများစုဟာ အစားအစာ၊ ရေ၊ ကျန်းမာရေး စောင့်ရှောက်မှုစနစ်တွေကို လုံလုံလောက်လောက် မရရှိတဲ့အပြင် ပညာသင်ကြားခွင့်တွေပါ ဆုံးရှုံးနေပါတယ်”ဟု UNICEF အကြီးအကဲ ကက်သရင်းရက်ဆဲလ်ကဆိုသည်။
အစားအစာဖူလုံမှုမရှိခြင်းကြောင့် ကလေးငယ်များ အာဟာရချို့တဲ့နိုင်ခြေမြင့်တက်နေပြီး သောက်သုံးရေ အနည်းငယ်သာရရှိခြင်းသည် ကူးစက်ရောဂါများကို ပိုမိုမြင့်တက်နိုင်သည်ဟု ဆိုသည်။ ဘရာဇီး၏အမေဇုန်ဒေသတစ်ခုတည်း၌ပင် စာသင်ကျောင်း ၁၇၀၀ ကျော်နှင့် ဆေးခန်း ၇၆၀ ကျော်ကို ပိတ်ခဲ့ရ ခြင်းသို့မဟုတ် အသုံးမပြုနိုင်တော့ခြင်းတို့ ကြုံတွေ့နေရသည်။ကိုလံဘီယာ၏အမေဇုန်တွင် သောက်သုံးရေမရှိခြင်းကြောင့်ကျောင်းပေါင်း ၁၃၀ ကို ယာယီပိတ်ထားခဲ့ပြီးပီရူးတွင် ဆေးခန်း ၅၀ ကျော်ပိတ်ခဲ့ရသည်။
Ref: AFP
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
-
ဖိလစ်ပိုင်မြောက်ပိုင်းတွင် တိုင်ဖွန်းအူဆာဂီ ဝင်ရောက်တိုက်ခတ်မှုကြောင့် လူပေါင်းထောင်နှင့်ချီ ဘေးလွတ်ရာရွှေ့ပြောင်း
-
ဆော်လမွန်ကျွန်းနိုင်ငံအနီးတွင် ကမ္ဘာ့အကြီးဆုံး သန္တာကျောက်တန်း တွေ့ရှိ
-
■ UEFA Nations League ပွဲကြိုသုံးသပ်ချက်
