Top News

■ ဒီယွန်းအား ပြောင်းရွှေ့ကြေးအလွတ်ဖြင့် ဆုံးရှုံးရမည်ကို ဘာစီလိုနာအသင်း စိုးရိမ်နေ

24htopnews | November 8, 2024 4:12 PM CST

ဘာစီလိုနာအသင်းသည် ၂၀၂၆ ခုနှစ်တွင် စာချုပ်သက်တမ်းကုန်ဆုံးမည့် နယ်သာလန်ကွင်းလယ်ကစားသမား ဒီယွန်းအား ပြောင်းရွှေ့ကြေးအလွတ်ဖြင့် ဆုံးရှုံးရမည်ကို စိုးရိမ်နေကြောင်း သိရသည်။

ဘာစီလိုနာအသင်းသည် ဒီယွန်း(၂၇ နှစ်)ကို ၂၀၁၉ ခုနှစ်တွင် အေဂျက်စ်အသင်းထံမှ ယူရို(၇၅)သန်းဖြင့် ခေါ်ယူခဲ့ခြင်းဖြစ်သည်။

လက်ရှိအချိန်၌ ဘာစီလိုနာအသင်းနည်းပြ ဟန်ဆီဖလစ်ခ်က ဖရန်ကီဒီယွန်းအား အသင်း၏ သော့ချက်ကစားသမားအဖြစ် သတ်မှတ်ထားကြောင်း သိရသည်။

သို့သော် ဖရန်ကီဒီယွန်းသည် ဘာစီလိုနာအသင်းနှင့် စာချုပ်သက်တမ်းတိုးရန် ဆန္ဒမရှိဘဲ ပြောင်းရွှေ့ ကြေးအလွတ်ဖြင့် ထွက်ခွာလိုနေကြောင်း စပိန်မီဒီယာများက ဖော်ပြနေကြသည်။

ဖရန်ကီဒီယွန်းအား ခေါ်ယူရန် မန်ယူအပါအဝင် ဥရောပထိပ်တန်းအသင်းများစွာက စိတ်ဝင်စားနေကြောင်း သိရှိရသည်။