အာဆင်နယ်နည်းပြ အာတီတာက အသင်းအားကစားဒါရိုက်တာ အီဒူးကို ဆုံးရှုံးလိုက်ရသော်လည်း ၎င်းတို့အသင်းအနေဖြင့် ဆုဖလားများကို ဆက်လက်စိန်ခေါ် နိုင်မည် ဖြစ်ကြောင်း ပြောကြားခဲ့သည်။
ဘရာဇီးလ်ကွင်းလယ်ကစားသမားဟောင်း အီဒူး(၄၆ နှစ်)သည် ၂၀၀၃-၀၄ ပရီးမီးယားလိဂ် ရှုံးပွဲမရှိ ချန်ပီယံ အာဆင်နယ်တွင် ပါဝင်ကစားခဲ့သူဖြစ်သည်။ ၎င်းသည် ကစား သမားဘဝမှအနားယူပြီးနောက် အာဆင်နယ်အသင်းတွင် ၂၀၁၉ မှစတင်ကာ နည်းစနစ်ဒါရိုက်တာ၊ ယင်းမှတစ်ဆင့် အားကစားဒါရိုက်တာဖြစ်လာခဲ့သူဖြစ်သည်။
၎င်းသည် အာတီတာကို အာဆင်နယ်နည်းပြအဖြစ် ခန့်အပ်ခဲ့သူဖြစ်ပြီး ၎င်းင်းတို့နှစ်ဦး ပူးပေါင်းကာ အသင်းကို ယခုလိုအဆင့်မျိုးရောက်အောင် စွမ်းဆောင်ပေးခဲ့သူဖြစ်သည်။ သို့သော် အီဒူးသည် ကလပ်အသင်း များစွာပိုင်ဆိုင်သည့် နော်တင်ဟမ် ဖောရက်စ်အသင်းပိုင်ရှင် မာရီနာကစ် အတွက် အလုပ်လုပ်ရန် နိုဝင်ဘာ(၄) ရက်တွင် အာဆင်နယ်အားကစားဒါရိုက်တာရာထူးမှနုတ်ထွက်ခဲ့သည်။
ယခုအခါ အာတီတာက အီဒူး ထွက်ခွာပြီးနောက် အသင်းနှင့်ပတ်သက်ပြီး ပြောကြားခဲ့ခြင်းဖြစ်သည်။ အာတီတာက "အရာအားလုံးက မြန် မြန်ဆန်ဆန်ဖြစ်သွားခဲ့တာပါ။ အီဒူးနဲ့ အလုပ်လုပ်တွဲရတာကို နှစ်သက်ပါတယ်။ အီဒူး မရှိတော့ပေမဲ့ ကလပ်အသင်းရဲ့ အစီအစဉ်နဲ့ အမြင်က ရှိပြီးသားပါ။ ကျွန်တော်တို့အနေနဲ့ အဲဒီအတိုင်း ဆက်သွားမှာဖြစ်ပြီး ဆုဖလားတွေကို စိန်ခေါ် နိုင်ဦးမှာပါ}}ဟု ပြောကြားခဲ့သည်။
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
