လီဗာပူးလ်နည်းပြ အာနယ်ဆလော့က အန်ဖီးလ်ကွင်းတွင် အသင်းပရိသတ်များက ၎င်း၏နာမည်ကို သီဆိုအားပေးခြင်းအတွက် အသင်းနည်းပြဟောင်း ယာဂန်ကလော့ပ်ကို ကျေးဇူးတင်ကြောင်း ပြောကြားခဲ့သည်။
လီဗာပူးလ်အသင်းသည် နိုဝင်ဘာ (၅)ရက်က ကစားခဲ့သည့် ချန်ပီယံလိဂ်ပွဲစဉ်၌ လီဗာပူးလ်ပရိသတ်အချစ်တော်ကစားသမားဟောင်း အလွန်ဆို၏ လေဗာကူဆင်ကို (၄-၀) ဂိုးဖြင့် ဂိုးပြတ်အနိုင်ရခဲ့သည်။
အဆိုပါပွဲစဉ်တွင် လီဗာပူးလ်ပရိသတ်များသည် လီဗာပူးလ်နည်းပြဘဝနောက်ဆုံးပွဲ၌ နည်းပြဟောင်း ကလော့ပ် သင်ပေးခဲ့သည့် လက်ရှိနည်းပြ ဆလော့သီချင်းကို သီဆိုအားပေးခဲ့ကြကြောင်း သိရှိရသည်။ ဆလော့သည် ယခုရာသီတွင် ကလော့ပ်၏လီဗာပူးလ်နည်းပြရာထူး ကို ဆက်ခံခဲ့ပြီး ပြိုင်ပွဲစုံ (၁၆)ပွဲတွင် (၁၄) ပွဲအထိ အနိုင်ရထားသည်။
ဆလော့က "အလှောင်ခံရတာနဲ့စာရင် ကိုယ့်နာမည်ကို သီချင်းလုပ်ဆိုပြီး အားပေးခံရတာ ကောင်းတာပေါ့ဗျာ။ ကစားသမားတွေပဲ သီချင်းနဲ့ အားပေးခံရတာကို ကြားဖူးပါတယ်။ အခုလို နည်းပြကို သီချင်းသီဆိုအားပေးတာမျိုး သိပ်မရှိပါဘူး။ အနည်းဆုံး ဟော်လန်မှာမရှိပါဘူး။ ဒီအတွက် ကလော့ပ်ကို ကျေးဇူးတင်ရမှာပါ။ ဒီသီချင်းကို သူ စဆိုခဲ့တာလေ။ ပြီးတော့ အလွန်ဆိုအတွက် သူတို့သီချင်းဆို အားပေးခဲ့တာကိုလည်း ကျွန်တော် သဘောကျပါတယ်"ဟု ဆိုခဲ့သည်။
-
နိုင်ငံတကာရက်သတ္တပတ်၌ အနာဂတ်အတွက် ဂွါဒီယိုလာဆုံးဖြတ်ရန် မန်စီးတီးအသင်း မျှော်လင့်
-
လာမည့်ဇန်နဝါရီအပြောင်းအရွှေ့ကာလတွင် အိုဆင်မန်အား ခေါ်ယူရန် အာဆင်နယ်အသင်းကို နောက်ခံလူဟောင်း ဂါးလက်စ် တိုက်တွန်း
-
လီဗာပူးလ်နှင့် ကလော့ပ်ကို ရိုင်းစိုင်းစွာပြောဆိုထားသည့် ပရီးမီးယားလိဂ်ဒိုင်လူကြီး ကူတီ၏ ဗီဒိယိုဖိုင်ကို စုံစမ်းစစ်ဆေးနေကြောင်း ပရော်ဖက်ရှင်နယ်ဒိုင်အဖွဲ့ချုပ် အကြီးအကဲ ဟောင်းဝပ်ဝက်ဘ် အတည်ပြု
-
မန်ယူအသင်းအနေဖြင့် စပို့တင်းတိုက်စစ်မှူးယိုကယ်ရက်စ်ထက် ဟာရီကိန်းကို ပေါင်သန်း (၁၂၀) ဖြင့် ခေါ်ယူသင့်ကြောင်း မန်ယူတိုက်စစ်မှူးဟောင်း ဆာဟာ သုံးသပ်
-
ပရီးမီးယားလိဂ်ပြိုင်ပွဲတွင် လီဗာပူးလ်အသင်း ချန်ပီယံဖြစ်နိုင်ခြေ (၅၉.၃)ရာခိုင်နှုန်းဖြင့် ရေပန်းအစားဆုံးဖြစ်လာကြောင်း Opta ၏ စူပါကွန်ပျူတာ ထုတ်ပြန်
