Top News

■ သောမတ်စ်တူဟယ်လ်အတွက် လျော်ကြေး ပေါင် (၁၃)သန်း ပေးရမည်

24htopnews | November 7, 2024 6:12 AM CST

ချယ်လ်ဆီးအသင်းသည် နည်းပြ သောမတ်စ်တူဟယ်လ်ကို ရာထူးမှ ထုတ်ပယ်လိုက်ခြင်းအတွက် လျော်ကြေးငွေ ပေါင် (၁၃)သန်း ပေးရမည်ဖြစ်ကြောင်း သိရသည်။

ချယ်လ်ဆီးအသင်းသည် သောမတ်စ်တူဟယ်လ်ကို ချန်ပီယံလိဂ်ဖလား ရယူပေးနိုင်ခဲ့ခြင်းကြောင့် ၂၀၂၄ ခုနှစ်အထိ သက်တမ်းတိုးခဲ့သလို ထပ်မံသက်တမ်းတိုးနိုင်ရန် ဆွေးနွေးနေဆဲမှာပင် အသင်းပိုင်ရှင် အပြောင်းအလဲဖြစ်ပေါ် ခဲ့ပြီးနောက် ယခုအခါ ရာထူးမှထုတ်ပယ်လိုက်ခြင်းဖြစ်သည်။

ယင်းအတွက် လျော်ကြေး ပေါင်(၁၃)သန်းပေးရမည်ဖြစ်ပြီး နည်းပြအဖွဲ့ကိုလည်း လျော်ကြေးပေါင် (၂)သန်းပေးရမည်ဟု သိရသည်။

ထို့ပြင် ချယ်လ်ဆီးအသင်းသည် အသင်းနည်းပြအဖြစ် ခန့်အပ်ခဲ့သည့် ဂရေဟမ်ပေါ်တာနှင့်အတူ ၎င်း၏နည်းပြအဖွဲ့ဝင်(၅)ဦးကိုလည်း ခေါ်ယူမည်ဖြစ်ပြီး ယင်းအတွက် ဘရိုက်တန်အသင်းအား စုစုပေါင်းလျော်ကြေးပေါင် သန်း(၂၀)ကျော်ပေးချေရမည်ဟု သိရသည်။