Top News

■ ဇာဟာကို စာချုပ်သက်တမ်းတိုးရန် ခရစ္စတယ်ပဲလေ့စ် စီစဉ်နေ

24htopnews | November 7, 2024 6:12 AM CST

ခရစ္စတယ်ပဲလေ့စ်အသင်းသည် တိုက်စစ်ကစားသမား ဇာဟာကို သက်တမ်းတိုးစာချုပ်ချုပ်ဆိုရန် စီစဉ်နေကြောင်း သိရသည်။

အသက် (၂၉) နှစ်အရွယ်ရှိ အိုင်ဗရီကို့စ်လက်ရွေးစင်တိုက်စစ်ကစားသမား ဇာဟာသည် လန်ဒန်ထိပ်သီးအသင်းများဖြစ်သည့် ချယ်လ်ဆီးနှင့် အာဆင်နယ်တို့ ခေါ်ယူရန် ပစ်မှတ်ထားခြင်း ခံနေရသူဖြစ်သည်။

ထို့ပြင် ခရစ္စတယ်ပဲလေ့စ်အသင်းနှင့် ချုပ်ဆိုထားသည့် ဇာဟာ၏ လက်ရှိစာချုပ်မှာ ယခုရာသီကုန်သက်တမ်းကုန်ဆုံးမည်ဖြစ်သည်။

၎င်းအား ခေါ်ယူလိုသည့်အသင်းများအနေဖြင့် လာမည့်ဇန်နဝါရီအပြောင်းအရွှေ့ကာလတွင် ဆွေးနွေးခွင့်ရတော့မည်ဖြစ်သည်။

ထို့ကြောင့် ခရစ္စတယ်ပဲလေ့စ်အသင်းက ဇာဟာကို သက်တမ်းတိုးစာချုပ်သစ်ချုပ်ဆိုရန် စီစဉ်ခြင်းဖြစ်ကြောင်း သိရသည်။