မန်ယူအသင်းသည် ယခုရာသီတွင် အသင်းအတွက် ခြေစွမ်းပြကစားနေသည့် လူငယ်ကြယ်ပွင့်တိုက်စစ်မှူး မားကပ်စ်ရပ်ရှ်ဖို့ဒ်အား စာချုပ် သစ်ချုပ်ဆိုရန် စီစဉ်လျက်ရှိကြောင်း သိရှိရသည်။
ရပ်ရှ်ဖို့ဒ်သည် လက်ရှိမန်ယူအ သင်း၏ လစာအများဆုံးရ ကစားသမားများထဲမှ တစ်ဦးဖြစ်ပြီး သူ၏လက်ရှိစာချုပ်မှာလည်း ယခုရာသီကုန်တွင် ကုန်ဆုံးတော့မည်ဖြစ်သည်။
ရပ်ရှ်ဖို့ဒ်သည် ပုံမှန်ခြေစွမ်းပျောက်ဆုံးနေခြင်းကြောင့် စာချုပ်သစ်ချုပ်ဆိုရန် မရေမရာဖြစ်နေရာမှာ နည်းပြသစ် တန် ဟက်ဂ်လက်အောက်တွင် အကောင်း ဆုံးပုံစံပြသကာ ခြေစွမ်းပြနေခြင်းကြောင့် မန်ယူအသင်းသည် စာချုပ်သစ်ချုပ်ဆိုရန် စီစဉ်လာခဲ့ခြင်းဖြစ်သည်။
မန်ယူအသင်းသည် အသက် (၂၄)နှစ်အရွယ်ရှိ ရပ်ရှ်ဖို့ဒ်အား နှစ် ရှည်စာချုပ်သစ် ချုပ်ဆိုလိုခြင်းဖြစ်ပြီး (၅)နှစ်သက်တမ်းအထိ ချုပ်ဆိုသွား ရန် အဆင်သင့်ရှိနေသည်ဟု သိရှိရ သည်။
မန်ယူအသင်းနည်းပြ အဲရစ်တန်ဟက်ဂ်ကလည်း "ရပ်ရှ်ဖို့ဒ်ကို သက်တမ်းတိုးဖို့ သေချာပေါက် စီစဉ်သွားမှာပါ။ မန်ချက်စတာယူနိုက်တက် အသင်းက ဒီအတွက် လုပ်နေပါတယ်"ဟု ပြောကြားခဲ့သည်။
-
သရုပ်ဆောင် မေမီကိုကိုရဲ့ ငယ်ဘဝအမှတ်တရ ဖြတ်သန်းရာ
-
မာဗယ်၏ ပထမဦးဆုံး ရုပ်ပြစာစောင်ကို လေလံတင်ရောင်းချရာ ဒေါ်လာ ၁.၃ သန်း ရရှိ
-
သရုပ်ဆောင် ခရစ္စတင်းဘဲလ်နှင့် အဆိုတော်၊ သရုပ်ဆောင် အဒီးနားမန်ဇယ်တို့ ဟောလိဝုဒ် Walk of Fame တွင် ကြယ်ပွင့်ဖြင့် ဂုဏ်ပြုခံရ
-
တစ်ရှိန်ထိုးအောင်မြင်လာသည့် ရက်ပ်အဆိုတော် လစ်ဇိုက (၆၂) ကြိမ်မြောက် ဂရမ်မီဆန်ခါတင်စာရင်းတွင် ဦးဆောင်
-
ပိုင်တံခွန် ပါဝင်ခွင့်ရရှိခဲ့သည့် ထိုင်းရုပ်သံအစီအစဉ် Farang Day ၏ Host ဖြစ်သူ Sunny Burns မြန်မာနိုင်ငံသို့ လာရောက်မည်
