ဗြိတိန်လောင်းကစားဒိုင်အချို့သည် ယူရိုပါလိဂ်ပြိုင်ပွဲအတွက် ဗိုလ်စွဲရန် ရေပန်းစားမှုတွင် လီဗာပူးလ်အသင်းကို ထည့်သွင်းလာခဲ့ကြောင်း သိရသည်။
လီဗာပူးလ်အသင်းသည် ယခုရာသီတွင် ရုန်းကန်နေရပြီး ပြီးခဲ့သည့်အင်္ဂါနေ့က ကစားခဲ့သည့် ချန်ပီယံလိဂ်အုပ်စုအဖွင့်ပွဲတွင် နာပိုလီအသင်းကို အဝေးကွင်း၌ (၁-၄) ဂိုးဖြင့် ဂိုးပြတ် ရှုံးနိမ့်ခဲ့ခြင်းဖြစ်သည်။
လီဗာပူးလ်အသင်းသည် ယခုရာသီ ချန်ပီယံလိဂ် အုပ်စု (A) တွင် နာပိုလီ၊ အေဂျက်စ်၊ ရိန်းဂျားစ်အသင်းတို့နှင့် တစ်အုပ်စုတည်း ကျရောက်လျက်ရှိရာ နာပိုလီကို ဂိုးပြတ် ရှုံးနိမ့်ပြီးနောက် ဗြိတိန်လောင်းကစားဒိုင်အချို့က ယခုကဲ့သို့ ထည့်သွင်းခဲ့ခြင်းဖြစ်သည်။
၎င်းတို့က လီဗာပူးလ်အသင်းအနေဖြင့် ချန်ပီယံလိဂ်အုပ်စုအဆင့်မှထွက်ခွာရပြီး ယူရိုပါလိဂ်ပြိုင်ပွဲသို့ ကူးပြောင်း ယှဉ်ပြိုင်ရတော့မည်ဟု သတ်မှတ်လိုက်ခြင်းဖြစ်သည်။
လောင်းကစားဒိုင်များက အာဆင်နယ်၊ မန်ယူနှင့် ရိုးမားတို့၏နောက်တွင် လီဗာပူးလ်အသင်းကို အလေးပေးခဲ့ခြင်းဖြစ်ကြောင်း သိရသည်။
-
သရုပ်ဆောင် မေမီကိုကိုရဲ့ ငယ်ဘဝအမှတ်တရ ဖြတ်သန်းရာ
-
မာဗယ်၏ ပထမဦးဆုံး ရုပ်ပြစာစောင်ကို လေလံတင်ရောင်းချရာ ဒေါ်လာ ၁.၃ သန်း ရရှိ
-
သရုပ်ဆောင် ခရစ္စတင်းဘဲလ်နှင့် အဆိုတော်၊ သရုပ်ဆောင် အဒီးနားမန်ဇယ်တို့ ဟောလိဝုဒ် Walk of Fame တွင် ကြယ်ပွင့်ဖြင့် ဂုဏ်ပြုခံရ
-
တစ်ရှိန်ထိုးအောင်မြင်လာသည့် ရက်ပ်အဆိုတော် လစ်ဇိုက (၆၂) ကြိမ်မြောက် ဂရမ်မီဆန်ခါတင်စာရင်းတွင် ဦးဆောင်
-
ပိုင်တံခွန် ပါဝင်ခွင့်ရရှိခဲ့သည့် ထိုင်းရုပ်သံအစီအစဉ် Farang Day ၏ Host ဖြစ်သူ Sunny Burns မြန်မာနိုင်ငံသို့ လာရောက်မည်
