အမေရိကန်သမ္မတလောင်းများဖြစ်သော ကာမလာဟဲရစ်နှင့် ဒေါ်နယ်ထရန့်တို့သည် အိမ်ဖြူတော်ကို ရောက်ရှိရန် အပြိုင်အဆိုင်ဖြစ်နေချိန် နိုဝင်ဘာ ၅ ရက်တွင် အမေရိကန်နိုင်ငံတစ်ဝန်း၌ မဲရုံများ တဖြည်းဖြည်းပိတ်နေပြီဖြစ်ကာ ရလဒ်များကို တစ်ညလုံးစောင့်ရမည်ဟု ခန့်မှန်းရသည်။
မဲများ ရေတွက်နေချိန်တွင် ထရန့်သည် ဆုကြီးများဟုဆိုရမည့် တက္ကဆက်နှင့်အိုဟိုင်ယိုတို့အပါအဝင် ပြည်နယ်၂၂ ခုတွင် လက်ရှိအချိန်ထိ အနိုင်ရနေသည်ဟု အမေရိကန်မီဒီယာက ခန့်မှန်းဖော်ပြလျက်ရှိသည်။
ထရန့်သည် ရီပတ်ဘလီကင်ယိမ်းသော အခြားပြည်နယ်များတွင်လည်း အနိုင်ရနေသည်ဟု ဆိုသည်။
ဟဲရစ်သည် လက်ရှိအချိန်ထိ ပြည်နယ် ၁၂ ခုတွင် အနိုင်ရထားသည်ဟု သိရသည်။ ကယ်လီဖိုးနီးယား၊ ကော်လိုရာဒို၊ ဒယ်လာဝဲလ်၊ အီလီနွိုက်၊ မေရီလန်း၊ မက်ဆာချူးဆက်၊ နယူးယောက်ပြည်နယ်တို့တွင် အနိုင်ရထားသည့်အပြင် အမေရိကန်မြို့တော် ဝါရှင်တန်တွင်လည်း အနိုင်ရရှိထားသည်။
လက်ရှိအချိန်ထိ ထရန့်ကကိုယ်စားလှယ်မဲ ၂၁၁ မဲ၊ ဟဲရစ်က ကိုယ်စားလှယ်မဲ ၁၇၂ မဲ ရရှိထားခြင်းဖြစ်သည်။ ကိုယ်စားလှယ်မဲ ၂၇၀ ရရှိပါက အနိုင်ရမည်ဖြစ်သည်။
ယင်းအနေအထားတွင် အရေးပါသောပြည်နယ်များ၌ ဟဲရစ် ရှုံးနေသည်ဟု အမေရိကန်မီဒီယာက ဖော်ပြနေသည်။
လက်ရှိအချိန်ထိ သမ္မတလောင်းနှစ်ဦးရရှိထားသော ကိုယ်စားလှယ်မဲများကို ခန့်မှန်းဖော်ပြသော အမေရိကန်မီဒီယာများမှာ CNN၊Fox News၊ MSNBC/NBC New၊ ABC၊ CBS တို့ဖြစ်သည်။
-
ဂျပန်၌ မောင်းသူမဲ့ဘတ်စ်ကားများကိုစမ်းသပ်ပြေးဆွဲမည်
-
ငွေရေးကြေးရေအရှုပ်အရှင်းများ မရှိသည့်အပြင် ဘဏ်ချေးငွေကိစ္စများနှင့်လည်း ဥပဒေအရ ရင်ဆိုင်ဖြေရှင်းရခြင်းမျိုး လုံးဝမရှိကြောင်း ကိုကြည်သာဟန် ပိုင်ဆိုင်သည့် Amazing Auto ကုမ္ပဏီထုတ်ပြန်
-
မော်တော်ယာဉ်များအားလုံး ဇန်နဝါရီ ၁ ရက်မှစ၍ ယာဉ်စစ်ဆေးပြီးမှသာ ယာဉ်သက်တမ်းတိုးခြင်းအပါအဝင် ယာဉ်မှတ်ပုံတင်လုပ်ငန်းများ ဆောင်ရွက်ပေးမည်
-
ကျိုက်ထိုမြို့နယ် သိမ်ဇရပ်မြို့အတွင်း လက်နက်ကြီးကျည်ကျရောက်ပေါက်ကွဲမှုကြောင့် အမျိုးသမီးတစ်ဦးသေဆုံးကာ၊ တစ်ဦးထိခိုက်ဒဏ်ရာများရရှိ
-
ဘန်ကောက်မှ ချင်းရိုင်သို့ မောင်းနှင်လာသည့် ဘတ်စ်ကားနဲ့ တွဲကား တိုက်မိပြီး ၄၅ဦးဒဏ်ရာရရှိ
