အေစီမီလန်အသင်း၏နည်းပြ ဖွန်ဆီကာက ချန်ပီယံလိဂ်ပြိုင်ပွဲတွင် ရီးယဲလ်မက်ဒရစ်အသင်းနှင့် ရင်ဆိုင်ရခြင်းမှာ မဟာအခွင့်အရေးတစ်ရပ်ဖြစ်သည်ဟု ပြောကြားခဲ့သည်။
အေစီမီလန်အသင်းသည် ယခုရာသီ ချန်ပီယံလိဂ်ပြိုင်ပွဲ၌ လီဗာပူးလ်၊ လေဗာကူဆင်၊ ရီးယဲလ်မက်ဒရစ်စသည့် ထိပ်သီးပြိုင်ဘက်များနှင့် ဆုံတွေ့နေပြီး အင်္ဂါနေ့(ယနေ့)တွင် ရီးယဲလ်အသင်းနှင့် အဝေးကွင်းပွဲစဉ် ယှဉ်ပြိုင်ကစားရမည်ဖြစ်သည်။
ယင်းအတွက် ပွဲကြိုသတင်းစာရှင်းလင်းပွဲတွင် ဖွန်ဆီကာက ''ဒီလိုပွဲမျိုးတွေက စိတ်ဓာတ်လှုံ့ဆော်မှုများစွာ ပေးနိုင်ပါတယ်။ ဒါဟာ မဟာအခွင့်အရေးတစ်ရပ်ပါပဲ။ ရီးယဲလ်မက်ဒရစ်က ချန်ပီယံလိဂ်ဖလားရရှိဖို့ ရေပန်းစားနေတဲ့အသင်းပါ။ ဒါဟာ ကျွန်တော်တို့အတွက် ကျွန်တော်တို့ရဲ့တန်ဖိုးကို သက်သေပြဖို့ အခွင့်အရေးတစ်ခုပါ။ အကောင်းဆုံးကစားသမားတွေကို အကြောက်အလန့်မရှိ ရင်ဆိုင်ရပါမယ်။ ဘာကြောင့်လဲဆိုတော့ ကျွန်တော်တို့ ပွဲကောင်းတစ်ပွဲဖြစ်အောင် ကစားနိုင်တယ်ဆိုတာ ယုံကြည်လို့ပါ''ဟု ပြောကြားခဲ့သည်။
အေစီမီလန်အသင်းသည် ချန်ပီယံလိဂ်(၃)ပွဲ ယှဉ်ပြိုင်ကစားခဲ့ရာ၌ လီဗာပူးလ်နှင့် လေဗာကူဆင်တို့ကို ရှုံးနိမ့်ခဲ့ပြီး ကလပ်ဘရုဂေးကိုသာ အနိုင်ရခဲ့သည်။
ထို့ကြောင့် အဆင့်(၂၅)နေရာသို့ ရောက်ရှိနေသော်လည်း နောက်ဆုံး(၄)ပွဲမှာ ပွဲချောင်နေသဖြင့် မျှော်လင့်ချက်ရှိနေဆဲဖြစ်ကြောင်း သိရသည်။
ဖွန်ဆီကာက ရီးယဲလ်နှင့် ရင်ဆိုင်ရမည့်အခြေအနေအပေါ် ဘာစီလိုနာအား ရီးယဲလ်အသင်း (၀-၄)ဂိုးဖြင့် ရှုံးနိမ့်ခဲ့သည့်ပွဲကို မိမိကြည့်ရှုခဲ့ကြောင်းနှင့် ယင်းပွဲကို ဥပမာယူ၍ ရီးယဲလ်ကို အနိုင်ယူရန် ပြင်ဆင်ထားကြောင်းလည်း ပြောကြားခဲ့သည်။
-
ရန်ကုန်ဗုဒ္ဓတက္ကသိုလ်တွင် Eleven Media Group မိသားစုက ခုနစ်ကြိမ်မြောက် ကထိန်အလှူတော် ပြုလုပ်
-
■ ဘွန်ဒစ်လီဂါကလပ် ဆန့်ပေါ်လီအသင်း လူမှုကွန်ရက် X မှ နုတ်ထွက်
-
■ မန်ယူတိုက်စစ်မှူးဟောင်း ဖော်လန် ဥရုဂွေးအိုးပင်း ပရိုတင်းနစ်ပြိုင်ပွဲ အဖွင့်ပွဲစဉ်တွင် ရှုံးပွဲကြုံတွေ့
-
■ ကူဒူစ်ကို အနည်းဆုံးပေါင်(၈၅)သန်းရမှ ဝက်စ်ဟမ်းအသင်း ရောင်းမည်
-
ကူးစက်မြန် ကိုရိုနာဗိုင်းရပ်စ်မျိုးကွဲသစ် B.1.1.7 အကြောင်းတစေ့တစောင်း
