ရွှေသံလွင်မြန်မာမီဒီယာ၏ Sky Net လက်အောက်ရှိ One News သတင်းချန်နယ် နှင့် ရုပ်သံလိုင်းအချို့ ရပ်နားလိုက်ကြောင်း အဆိုပါ ရုပ်သံလိုင်းများနှင့် နီးစပ်သူများထံမှ သိရသည်။
နိုဝင်ဘာလပိုင်းမှ စတင်ကာ အဆိုပါ ရုပ်သံလိုင်းများကို ရပ်နားလိုက်ခြင်းဖြစ်ပြီး One News သတင်းချန်နယ်၏ လူမှုကွန်ရက် စာမျက်နှာတွင်လည်း သတင်းများ ဆက်လက်ဖော်ပြခြင်းမရှိသည်ကို တွေ့ရသည်။
“One News သတင်းချန်နယ်နဲ့ တခြား ချန်နယ်တွေလည်း ပါတယ်ပြောတယ်။ Sky Net ကလွှင့်တဲ့ တချို့ချန်နယ်လိုင်းတွေကို ရပ်နားလိုက်တာ။ ဝန်ထမ်းတွေကိုတော့ တခြားကျန်ရှိသေးတဲ့ ချန်နယ်တွေမှာ လုပ် ကိုင်ခွင့်ပြုထားတယ်။ အလုပ်ထုတ်တာ တော့ မကြားမိသေးဘူး” ဟု အဆိုပါသတင်း ချန်နယ်များနှင့် နီးစပ်သူတစ်ဦးက ပြောကြား သည်။
One News သတင်း Channel သည် ပြည်တွင်းသတင်းများကို အဓိကထုတ်လွှင့် ခဲ့ပြီး အောက်တိုဘာ ၃၀ ရက်၌ “ဗဟိုအမျိုး သမီးဆေးရုံကနေ ခိုးယူခံရသည့် ကလေး ငယ် ပြန်တွေ့” ဆိုသည့် သတင်းနောက်ပိုင်း တွင် မည်သည့်သတင်းမျှ တင်ခြင်းမရှိတော့ သည်ကို တွေ့ရသည်။
“အရင်တုန်းကဆိုရင် Asia Movies ဆိုရင် ၂၀ လောက်မှာရှိတယ်။ အားကစား လိုင်းတွေက နံပါတ် ၆၀ ကျော်တွေမှာရှိ တယ်။ အခုဆို နံပါတ် ၂၀ ဝန်းကျင်မှာ အား ကစားချန်နယ်တွေ ရောက်သွားတယ်။ ဒီတစ် ပတ်လာမယ့် စနေ၊ တနင်္ဂနွေကို စောင့်ကြည့် ရမယ်။ ပရီးမီးယားလိဂ်ကို အရင်တုန်းက တစ်ချိန်တည်းကန်နေရင် လိုင်းလေးလိုင်း လောက်မှာ လေးပွဲကြည့်လို့ရတယ်။ အခုတော့ ဘယ်လိုဖြစ်မလဲ ကြည့်ရဦးမယ်” ဟု Sky Net ကြည့်ရှုသူတစ်ဦးက ပြောကြားသည်။
ရွှေသံလွင်မြန်မာမီဒီယာကို ဦးကျော်ဝင်းက ပိုင်ဆိုင်ပြီး ၂၀၁၀ ပြည့်နှစ်က စတင် တည်ထောင်ကာ အခပေးရုပ်သံလိုင်းအဖြစ် Sky Net ပေါင်း ၇၀ ကျော် ထုတ်လွှင့်ပြသ ခဲ့သည်။ လက်ရှိတွင် လျှော့ချလိုက်သည့် ရုပ်သံ Channel များအရ Channel ၅၀ ခန့်သာ ရှိတော့ကြောင်း သိရသည်။
-
၄၅ နှစ်ကြာပြီးနောက် ကမ္ဘောဒီးယားနှင့် ထိုင်း နှစ်နိုင်ငံကြား ရထားလမ်း ပြန်လည်ဖွင့်လှစ်
-
ခရစ်ယာန်ဘုရားကျောင်းများ တိုက်ခိုက်ခံရမှုသည် ဒေသခံအစ္စလာမ္မစ်အစွန်းရောက်အဖွဲ့၏လက်ချက်ဟု သီရိလင်္ကာအစိုးရက ပြောကြား
-
အလုပ်သမားအခွင့်အရေး တက်ကြွလှုပ်ရှားသူများကို လွှတ်ပေးရန် တရုတ်အလုပ်သမားများ တောင်းဆို
-
ယူကရိန်းသမ္မတရွေးကောက်ပွဲ ဒုတိယအကျော့တွင် ဇာတ်မြူးသရုပ်ဆောင် ဇယ်လင်စကီးက အပြတ်အသတ်အနိုင်ရ
-
တိုက်ခိုက်မှုများဖြစ်ပွားခဲ့ပြီးနောက် အီရန်နှင့်ပါကစ္စတန်က နယ်စပ်ပူးတွဲတုံ့ပြန်ရေးတပ်ဖွဲ့ ဖွဲ့စည်း
