ရုရှားနိုင်ငံ Kursk ဒေသတွင် မြောက်ကိုရီးယား စစ်သည် ၁၀,၀၀၀ ကို တပ်ဖြန့်ချထားကြောင်း အမေရိကန် နိုင်ငံခြားရေး ဝန်ကြီးဌာနက ပြောကြားခဲ့သည်။
“အခုဆိုရင် လူ ၁၀,၀၀၀ လောက်က Kursk ကိုရောက်နေကြပြီး လာမယ့်ရက်တွေမှာ တိုက်ပွဲဝင်လာကြလိမ့်မယ်လို့ ကျွန်တော်တို့ အကဲဖြတ်ထားပါတယ်” ဟု နိုင်ငံခြားရေးဌာန ပြောရေးဆိုခွင့်ရှိသူ မက်သယူးမီလာက သတင်းစာရှင်းလင်းပွဲတွင် ပြောကြားခဲ့သည်။
Kursk ဒေသတွင် မြောက်ကိုရီးယားစစ်သားများ တိုက်ပွဲဝင်နေပြီဆိုသော သတင်းများကို သိရှိသော်လည်း အတည်ပြုနိုင်ခြင်း မရှိသေးကြောင်း ပြောရေးဆိုခွင့်ရှိသူက ပြောသည်။
“ကျွန်တော်တို့ ပြောခဲ့သလိုပဲ ယူကရိန်းတပ်တွေကို တိုက်ခိုက်ဖို့ အလားအလာရှိတယ်လို့ ကျွန်တော်တို့ မျှော်လင့်ထားပါတယ်” ဟု သူက ပြောကြားခဲ့သည်။ “သူတို့လုပ်ရင် သူတို့ဟာ ကျွန်တော်တို့ရဲ့ တရားဝင်စစ်ရေးပစ်မှတ်တွေ ဖြစ်လာလိမ့်မယ်။
မော်စကိုနှင့် ပြုံယမ်း၏ ဗျူဟာမြောက် မဟာမိတ်ဖွဲ့မှုကို အနောက်နိုင်ငံများက ဖျက်ဆီးရန် ကြိုးပမ်းခဲ့သော်လည်း ထူးခြားမှု သို့မဟုတ် ထူးထူးခြားခြား တစ်စုံတစ်ရာ မရှိကြောင်း ရုရှားနိုင်ငံခြားရေး ဝန်ကြီးဌာနမှ ပြောရေးဆိုခွင့်ရှိသူ မာရီယာ ဇာခါရိုဗာက အောက်တိုဘာ ၃၀ ရက်က ပြောကြားခဲ့သည်။ “မော်စကိုနဲ့ ငြိမ်းချမ်းစွာ ပူးပေါင်းဆောင်ရွက်ဖို့ ကတိကဝတ်ပြုသူတွေဟာ စိုးရိမ်စရာ ဘာမှမရှိပါဘူး”ဟုလည်း သူမကဆိုသည်။
ယူကရိန်းတပ်ဖွဲ့များသည် ဩဂုတ်လ ၆ ရက်နေ့ကပင်လျှင် Kursk ဒေသကို အကြီးစား တိုက်ခိုက်မှုများ စတင်ခဲ့သည်။ ရုရှားအစိုးရက ထိုနေရာတွင် ပြည်ထောင်စုအဆင့် အရေးပေါ်အခြေအနေ ကြေညာခဲ့ပြီး နယ်စပ်အနီးနေထိုင်သော လူများကို ဘေးကင်းရာသို့ ရွှေ့ပြောင်းရန် စတင်ခဲ့သည်။ Kursk ဒေသတွင် တိုက်ပွဲများ စတင်ဖြစ်ပွားချိန်မှစ၍ ယူကရိန်း စစ်သည် ၂၉,၆၀၀ ကျော်နှင့် တင့်ကား ၁၈၄ စီး ဆုံးရှုံးခဲ့သည်ဟု ရုရှားကာကွယ်ရေး ဝန်ကြီးဌာန၏ အဆိုအရ သိရသည်။
-
သရုပ်ဆောင် မေမီကိုကိုရဲ့ ငယ်ဘဝအမှတ်တရ ဖြတ်သန်းရာ
-
မာဗယ်၏ ပထမဦးဆုံး ရုပ်ပြစာစောင်ကို လေလံတင်ရောင်းချရာ ဒေါ်လာ ၁.၃ သန်း ရရှိ
-
သရုပ်ဆောင် ခရစ္စတင်းဘဲလ်နှင့် အဆိုတော်၊ သရုပ်ဆောင် အဒီးနားမန်ဇယ်တို့ ဟောလိဝုဒ် Walk of Fame တွင် ကြယ်ပွင့်ဖြင့် ဂုဏ်ပြုခံရ
-
တစ်ရှိန်ထိုးအောင်မြင်လာသည့် ရက်ပ်အဆိုတော် လစ်ဇိုက (၆၂) ကြိမ်မြောက် ဂရမ်မီဆန်ခါတင်စာရင်းတွင် ဦးဆောင်
-
ပိုင်တံခွန် ပါဝင်ခွင့်ရရှိခဲ့သည့် ထိုင်းရုပ်သံအစီအစဉ် Farang Day ၏ Host ဖြစ်သူ Sunny Burns မြန်မာနိုင်ငံသို့ လာရောက်မည်
