ကရင်ပြည်နယ် ကော့ကရိတ်မြို့နယ် ကျုံဒိုးမြို့၊ ဒေါဖျာကျေးရွာနေ ပြည်ခိုင်ဖြိုးပါတီရပ်/ကျေး ဥက္ကဌဖြစ်သူ ဦးအောင်ထွန်းဆိုသူမှာ နိုဝင်ဘာလ (၃) ရက်နေ့ ညပိုင်းအချိန်က သေနတ်ဖြင့်ပစ်ခတ်ခံခဲ့ရပြီး၊ ဒဏ်ရာရရှိခဲ့ကြောင်း ဒေသခံများ၏ ပြောကြားချက်များအရ သိရသည်။
ဒေါဖျာကျေးရွာနေ ပြည်ခိုင်ဖြိုးပါတီရပ်/ကျေး ဥက္ကဌဖြစ်သူ အသက်(၄၆)နှစ်အရွယ် ဦးအောင်ထွန်း ဆိုသူမှာ နိုဝင်ဘာလ( ၃ )ရက်နေ့ ည ၈ နာရီအချိန်ခန့်က ဒေါဖျာကျေးရွာရှိ ဒေါဖျာချောင်း ကူးတို့ဆိပ်ကမ်းရှိ ၎င်း၏ကုန်စုံဆိုင်မှ နေအိမ်သို့ ဆိုင်ကယ်ဖြင့် ပြန်လာစဉ်နေအိမ်ရှေ့ ခြံပေါက်ဝတွင် အမည်မသိ သေနတ်သမားတစ်ဦးမှ သေနတ်ဖြင့်ပစ်သတ်သွားခြင်းဖြစ်ကြောင်း ဒေသခံတစ်ဦးက ပြောကြားသည်။
၎င်းကဆက်လက်ပြီး “ဦးအောင်ထွန်း သူ့အိမ်ရှေ့ကို ရောက်လို့ ဆိုင်ကယ်ရပ်လိုက်တဲ့အချိန်မှာဘဲ သေနတ်နဲ့ ပစ်ခတ်ခံခဲ့ရတာလို့ သိရတယ်။ သေနတ်သမားကတော့ ဆိုင်ကယ်နဲ့ထွက်ပြေးသွားတယ်” ဟု ပြောကြားသည်။
သေနတ်ဖြင့် ပစ်ခတ်ခံခဲ့ရသည့် ဦးအောင်ထွန်းတွင် ဝမ်းဗိုက်တွင်ကျည်ဖေါက်တင်ဒဏ်ရာ တစ်ချက်ရရှိခဲ့ကြောင်းနှင့် ၎င်းအား ကျုံဒိုးမြို့ရှိ ကျုံဒိုးတိုက်နယ်ဆေးရုံမှတဆင့် ဘားအံမြို့ရှိ ပြည်သူ့ဆေးရုံကြီးသို့ ပို့ဆောင်ကာ ဆေးကုသမှုပေးထားကြောင်း၎င်းဒေသခံက ဆိုသည်။
အဆိုပါ ဒေါဖျာကျေးရွာနေ ကြံ့ခိုင်ရေးပါတီမှ ရပ်ကျေး ဥက္ကဌဖြစ်သူ ဦးအောင်ထွန်း အား မည်သည့်လက်နက်ကိုင်အဖွဲ့အစည်းမှ မည်သည့်အကြောင်းကြောင့် သေနတ်ဖြင့် ပစ်ခတ်ခဲ့သည်ကို မသိရသေးပေ။
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
