မန္တလေးမြို့တော်ဝန် ဒေါက်တာရဲလွင် နေအိမ်သို့ ပြန်လည်ရောက်ရှိ လာပြီး နေအိမ်၌ လုံခြုံရေးအစောင့်ရှောက်ဖြင့် ထားရှိထားကြောင်း သိရသည်။
" နေ့ခင်းလောက်က အိမ်ပြန်ရောက်တယ်။ အေးအေးဆေးဆေး ပါပဲ။လုံခြုံရေး အစောင့်ရှောက်နဲ့ ထားရှိထားတယ်လို့ကြားသိရပါတယ်"ဟု ဒေါက်တာရဲလွင် နှင့်နီးစပ်သူတစ်ဦးက ပြောကြားသည်။
မြို့တော်ဝန် ဒေါက်တာရဲလွင်ကိုယ်တိုင်လည်း နေအိမ်သို့ ပြန်လည်ရောက်ရှိပြီဖြစ်ကြောင်း ၎င်းကိုယ်တိုင် အတည်ပြုချက်အရ သိရသည်။
မြို့တော်ဝန်ဒေါက်တာရဲလွင် နည်းတူ တပ်မတော်၏ခေါ်ဆောင်သွားခြင်း ခံခဲ့ရသည့် အခြားအစိုးရအဖွဲ့ဝင် ဝန်ကြီးများ၏ အခြေနေမှာမူ လတ်တလော အတိကျ မသိရသေးသော်လည်း ပြန်ရောက်လာခြင်း မရှိသေးကြောင်း သိရသည်။
နိုင်ငံတော် အရေးပေါ် အခြေအနေ ကြေညာပြီးနောက် မန္တလေးတိုင်း ဝန်ကြီးချုပ် ဒေါက်တာဇော်မြင့်မောင် အပါအဝင် အစိုးရအဖွဲ့ဝင် ဝန်ကြီးများနှင့် တာဝန်ရှိသူအချို့ကို နံနက်အစောပိုင်းက ခေါ်ယူကာ မန္တလေး နန်းတွင်း၌ ခေတ္တ ထိန်းသိမ်း ထားခဲ့ပြီး မန္တလေးတိုင်းဒေသကြီး အမျိုးသား ဒီမိုကရေစီ အဖွဲ့ချုပ် တိုင်းဥက္ကဋ္ဌ အပါအဝင် အတွင်းရေးမှူး ၊ ပါတီဝင်အချို့နှင့် မန္တလေးမြို့ရှိ နိုင်ငံရေး တက်ကြွ လှုပ်ရှားသည့် ဘဝအလင်း ဆရာတော် ဦးသောဘိတကိုလည်း ခေါ်ယူ ထိန်းသိမ်းထားသည်ဟု သိရသည်။
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
