ပါကစ္စတန်နိုင်ငံ၏ ဒုတိယအကြီးဆုံး မြို့ဖြစ်သည့် လာဟိုးတွင် နိုဝင်ဘာ ၂ ရက်က လေထုညစ်ညမ်းမှု မြင့်တက်နေပြီး မီးခိုးမြူ များ စံချိန်တင်ဖုံးလွှမ်းနေကြောင်း တာဝန်ရှိသူတစ်ဦးက ပြောကြားခဲ့သည်။
လူဦးရေ ၁၄ သန်းရှိသည့် လာဟိုးမြို့တွင် ရက်ပေါင်းများစွာကြာ မီးခိုးမြူများ ဖုံးလွှမ်းလျက်ရှိသည်။ ယင်းမီးခိုးများတွင် မြူနှင့်လေထုညစ်ညမ်းမှု ရောနှောပါဝင်နေသည်။
ရာသီအလိုက် သီးနှံ အကြွင်းအကျန်များကို မီးရှို့ဖျက်စီးခြင်းနှင့် ဆောင်းရာသီအတွက် မီးလှုံခြင်းတို့မှထွက် ရှိလာသော မီးခိုများနှင့် အရည်အသွေးနိမ့် ဒီဇယ်မီးခိုးမှုများကြောင့် လေထုညစ်ညမ်းရခြင်း ဖြစ်သည်။
လေထုအရည်အသွေးစံနှုန်းကို တိုင်းတာချက်အရ အန္တရာယ်ရှိသော လေထုအဆင့်ဟု သတ်မှတ်ထားသော အဆင့် ၃၀၀ ထက်ကျော်လွန်၍ အဆင့် ၁,၀၆၇ အ ထိရောက်ရှိနေသည်ဟု လေထုတိုင်းတာရေး IQAir တွင်ဖော်ပြထားသည်။
“ကျွန်တော်တို့တွေရဲ့လေထုက ၁၀၀၀ အဆင့်အထက်ကို ဘယ်တုန်းကမှ မရောက်ခဲ့ဖူးပါဘူး”ဟု အကြီး တန်း သဘာဝ ဘေးအန္တရာယ်ကာကွယ်ရေးအရာရှိ ဂျဟန်ဂီရာအန်ဝါက ဆိုသည်။
“လေထုအရည်အသွေးညွှန်းကိန်းဟာ လာမယ့်သုံးရက်ကနေ လေးရက်အထိ ဒီအတိုင်းပဲဆက်ရှိ နေဦးမှာပါ”ဟုအန်ဝါကဆိုသည်။
“မိခင်တစ်ဦးအနေနဲ့ ကျွန်မအရမ်းစိုးရိမ်မိပါတယ်”ဟု အသက် ၄၂ နှစ်အရွယ် လီလီမာဇာက ဆိုသည်။
“အရင်နှစ်တုန်းက အခုလောက် မဆိုးသေးဘူး။တစ်နေရာရာကများ လေထုညစ် ညမ်းမှု ဗုံးပေါက်ကွဲလာတာလား”ဟု မာဇာက မေးခွန်းထုတ်ခဲ့သည်။
Ref:AFP
-
■ ဘွန်ဒစ်လီဂါကလပ် ဆန့်ပေါ်လီအသင်း လူမှုကွန်ရက် X မှ နုတ်ထွက်
-
■ မန်ယူတိုက်စစ်မှူးဟောင်း ဖော်လန် ဥရုဂွေးအိုးပင်း ပရိုတင်းနစ်ပြိုင်ပွဲ အဖွင့်ပွဲစဉ်တွင် ရှုံးပွဲကြုံတွေ့
-
■ ကူဒူစ်ကို အနည်းဆုံးပေါင်(၈၅)သန်းရမှ ဝက်စ်ဟမ်းအသင်း ရောင်းမည်
-
ကူးစက်မြန် ကိုရိုနာဗိုင်းရပ်စ်မျိုးကွဲသစ် B.1.1.7 အကြောင်းတစေ့တစောင်း
-
ရန်သူများ၏ မည်သည့် တိုက်ခိုက်မှုမျိုးကိုမဆို လက်တုံ့ပြန်သွားမည်ဟု အီရန်တပ်ဖွဲ့ ထုတ်ပြန်
