Top News

အင်္ဂလန်ကလပ်တွေရဲ့ အမြင့်ပျံအိပ်မက်များနဲ့ ချန်ပီယံလိဂ်

24htopnews | November 4, 2024 6:12 PM CST

ဒီရာသီ ချန်ပီယံလိဂ်မှာ ဗိုလ်စွဲဖို့ ရေပန်းအစားဆုံးက မန်စီးတီးဖြစ်ပြီး အင်္ဂလန်ကလပ် ၄ သင်း စလုံးက ရေပန်းအစားဆုံး ၁၀ သင်းစာရင်းထဲ ရှိနေပါတယ်။ အာဆင်နယ်က တတိယနေရာ၊ လီဗာပူးလ်က ပဉ္စမနေရာ၊ အက်စတွန်ဗီလာက နဝမနေရာမှာ ရှိနေတာပါ။ ဒီလိုရေပန်းစားမှုနဲ့ ထိုက်တန်အောင်လည်း အင်္ဂလန်ကလပ်တွေက စွမ်းဆောင်ထားပါတယ်။ ၃ ပွဲစီ ကစားအပြီးမှာ ၄ သင်းစလုံး ရှုံးပွဲမရှိသေးပါဘူး။ အက်စတွန်ဗီလာနဲ့ လီဗာပူးလ်တို့က ရာနှုန်းပြည့်အနိုင်ရလဒ်တွေနဲ့အတူ ထိပ်ဆုံးမှာ ဦးဆောင်နေကြပြီး မန်စီးတီးကလည်း တတိယနေရာမှာ ရှိနေပါတယ်။ အာဆင်နယ်က အဆင့် ၉ နေရာမှာပါ။ အင်္ဂလန်ကလပ်တွေလိုမျိုး တခြားဘယ်နိုင်ငံကမှ စွမ်းဆောင်နိုင်ခြင်း မရှိပါဘူး။