ဘာစီလိုနာနောက်ခံလူ ဆာဂျီရောဘတ်တိုက မိမိတို့အနေဖြင့် ဘိုင်ယန်မြူးနစ်အသင်းအား အရှက်တကွဲ ရှုံးနိမ့်ခဲ့သည့်အကျိုးဆက်ကို ခံစားနေရဆဲဖြစ်ကြောင်း ပြောကြားခဲ့သည်။
ဘာစီလိုနာအသင်းသည် ပြီးခဲ့သည့်ဩဂုတ်လက ကစားခဲ့သည့် ချန်ပီယံလိဂ်ကွာတားဖိုင်နယ်ပွဲစဉ်တွင် ဘိုင်ယန်မြူးနစ်အသင်းကို (၂-၈)ဂိုးဖြင့် အရှက်တကွဲ ရှုံးနိမ့်ခဲ့ပြီး ပြိုင်ပွဲမှထွက်ခွာခဲ့ရသည်။
ယင်းရှုံးပွဲကြောင့် ဘာစီလိုနာအသင်းတွင် အပြောင်းအလဲများစွာဖြစ်ပေါ်ခဲ့ပြီး နည်းပြ ဆယ်တီယန်မှာ ရာထူးမှထုတ်ပယ်ခံခဲ့ရသလို၊ အသင်းခေါင်းဆောင် မက်ဆီမှာလည်း အသင်းမှထွက်ခွာခွင့်တောင်းသည့်အထိ ဖြစ်ခဲ့သည်။
ဘာစီလိုနာအသင်းသည် လက်ရှိတွင် နည်းပြ ရော်နယ်လ်ကိုးမန်း၏ ဦးဆောင်မှုဖြင့် ရာသီသစ်ကို စတင်ရန်ပြင်ဆင်နေသော်လည်း ဘိုင်ယန်မြူးနစ်အား ရှုံးနိမ့်ခဲ့ခြင်းကို မမေ့နိုင်သေးကြောင်း ဆာဂျီရောဘတ်တိုက ပြောကြားခဲ့ခြင်းဖြစ်သည်။
ဆာဂျီရောဘတ်တိုက "ဘိုင်ယန်မြူးနစ်ကို ရှုံးနိမ့်ခဲ့တဲ့ပွဲက မေ့ပစ်ဖို့ခက်ပြီး အဆိုးရွားဆုံးနွေရာသီကို ကျွန်တော်တို့ ဖြတ်သန်းခဲ့ရတယ်။ ဘိုင်ယန်နဲ့ပွဲအပြီးမှာ ကျွန်တော်တို့ ဘောလုံးကစားချင်စိတ်တောင် မရှိတော့ပါဘူး။ ကျွန်တော်တို့ အနေနဲ့ နည်းပြသစ်နဲ့အတူ ရာသီသစ် ကို အကောင်းဆုံးစတင်နိုင်ဖို့ ကြိုးစား နေပါတယ်"ဟု ပြောကြားခဲ့သည်။
-
တစ်လအတွင်း ထိုင်းနိုင်ငံမှ တန်ဖိုးဒေါ်လာ သုည ဒသမ ၂၈ သန်းကျော်ရှိသည့် ဆေးဝါးပစ္စည်းများ တန်ချိန် ၂၀ ကျော် တင်သွင်း
-
မဟာမဲခေါင်ဒေသခွဲထိပ်သီးအစည်းအဝေးသို့ နစကဥက္ကဋ္ဌတက်ရောက်ပြီး နိုင်ငံအချင်းချင်းနှင့် ဘက်စုံပူးပေါင်းဆောင်ရွက်ရေး သဘောတူစာချုပ်များအပါအဝင် အခြားနိုင်ငံတကာ ကတိကဝတ်များကို မြန်မာအနေဖြင့် ဆက်လက်ပူးပေါင်းဆောင်ရွက်မည်ဖြစ်ကြောင်း ပြောကြား
-
ပရော်ဖက်ရှင်နယ် ဘောလုံးသမားဘဝမှ အနားယူသွားပြီဖြစ်သည့် စပိန်ဂန္ထဝင် အင်နီယေစတာ ဒိန်းမတ်တတိယတန်းကလပ်၏ ပူးတွဲအသင်းပိုင်ရှင်ဖြစ်လာ
-
MNL ကလပ်များအတွက် ယခုရာသီတွင် ကျင်းပနေသည့် ပြိုင်ပွဲအားလုံး၌ ရှမ်းယူနိုက်တက်အသင်း ဗိုလ်စွဲရန် အခြေအနေကောင်းနေ
-
UEFA Nations League ပွဲစဉ်များပွဲကြိုသုံးသပ်ချက်
