ရှမ်းယူနိုက်တက်ဂိုးသမား သီဟစည်သူသည် ဇန်နဝါရီ (၁၉) ရက်က MNL အမှတ်ပေးပြိုင်ပွဲ ပွဲစဉ် (၂) အဖြစ် ယှဉ်ပြိုင်ကစားသည့် ရတနာပုံအသင်းနှင့် အဝေးကွင်းပွဲတွင် ဘယ်လက်သူကြွယ် အရိုးကျိုးဒဏ်ရာရခဲ့ကြောင်း သိရသည်။
သီဟစည်သူသည် ပထမပိုင်းပြီးခါနီးတွင် ရတနာပုံအသင်းမှ သက်နိုင်၏ ဂိုးသွင်းမှုကို ကာကွယ်ရာမှ ဘယ်ဘက်လက်သူကြွယ် အရိုးကျိုးဒဏ်ရာရခဲ့ခြင်းဖြစ်သည်။ လက်ချောင်းရိုးကျိုးခဲ့သည့် သီဟစည်သူကို ဗထူးကွင်းဘေးရှိ နန်းတော်ဆေးရုံသို့ ချက်ချင်း ပို့ဆောင်ခဲ့ပြီး ဆေးစစ်မှုများပြုလုပ်ခဲ့သည်။ ''သီဟစည်သူရဲ့ ဒဏ်ရာက ဘယ်ဘက်လက် သူကြွယ်အရိုးကျိုးသွားတာပါ။ ဆရာဝန်က စောင့်ကြည့်နေဆဲဖြစ်ပြီး ခွဲစိတ်ကုသမလားဆိုတာ မသေချာသေးပါဘူး။ ဒါကြောင့် အနားယူရမယ့် ကာလကို ပြောလို့ မရသေးပါဘူး'' ဟု ရှမ်းယူနိုက်တက်အသင်း တာဝန်ရှိသူ တစ်ဦးကပြောကြားသည်။ သီဟစည်သူသည် မြန်မာ့လက်ရွေးစင်အသင်းတွင် ရွေးချယ်ခံရခြင်းမရှိသော်လည်း ရှမ်းယူနိုက်တက် အသင်း၌လက်စွမ်းပြကာ ပုံမှန်ပွဲထွက်ခွင့်ရနေသူဖြစ်ပြီး ၎င်းဒဏ်ရာရနေသောကြောင့် လူငယ်ဂိုးသမား ဘုန်းသစ္စာမင်းကို ပြောင်းလဲအသုံးပြုခဲ့သည်။ သီဟစည်သူသည် ယခုလအတွင်းကစားမည့် ရှမ်းအသင်းပွဲများကို လွဲချော်ဖွယ်ရှိနေသည်။
-
နယူးဒေလီမြို့တော်တွင် မီးခိုးမြူများ ဖုံးလွှမ်းမှုကြောင့် မူလတန်းကျောင်းအားလုံး ပိတ်ထားခဲ့ရ
-
ဖိလစ်ပိုင်တွင် စူပါတိုင်ဖွန်းမန်-ယီ တိုက်ခတ်မှုကြောင့် သစ်ပင်များနှင့် ဓာတ်တိုင်များ လဲကျ
-
eSports လောကသို့ဝင်ရောက်ရန် ဆွေးနွေးမည်ဟု ဘိုင်ယန်မြူးနစ်အသင်း ဘုတ်အဖွဲ့ဥက္ကဋ္ဌ ရူမင်နစ်ဂီ ပြောကြား
-
အာဖဂန်နစ္စတန်မှ ဆုတ်ခွာခဲ့ပြီးနောက် အမေရိကန်သည် စူပါပါ၀ါနိုင်ငံ မဟုတ်တော့ဟု ဗြိတိန် ကာကွယ်ရေးဝန်ကြီးက ပြောကြား
-
မြန်မာနိုင်ငံသို့ သွားရောက်နိုင်ရေး အာဆီယံအထူးကိုယ်စားလှယ်အနေဖြင့် ကြိုးပမ်းနေဆဲဟု မလေးရှား နိုင်ငံခြားရေးဝန်ကြီး ပြောကြား
