မန်ယူအသင်းကွင်းလယ်လူ ပေါ့ဘာက ၄င်းအနေဖြင့် မြို့ခံပြိုင်ဘက်မန်စီးတီးအသင်းကွင်းလယ်လူ ဒီဘရိုင်းနား၊ ရီးယဲလ်မက်ဒရစ်ကွင်းလယ်လူများဖြစ်သည့် မိုဒရစ်နှင့် ကရို့စ်တို့ကို ကြည့်ကာ သင်ယူလေ့ရှိကြောင်း ဝန်ခံပြောကြားခဲ့သည်။
အသက် (၂၅) နှစ်အရွယ်ရှိ ပြင်သစ်ကွင်းလယ်လူ ပေါ့ဘာသည် ဘောလုံးပွဲများ ကြည့်ရှုရသည်ကို နှစ်သက်ကြောင်းနှင့် ငယ်စဉ်ကလည်း ပေါလ်စခိုးလ်၊ ကာရစ်၊ ဇာဗီ၊ အင်နီယေစတာတို့၏ ကစားပုံများကိုကြည့်ကာသင်ယူမှုများ ပြုလုပ်ခဲ့ကြောင်း ပြောကြားခဲ့သည်။
ပေါ့ဘာက '' ဘောလုံးကို ကျွန်တော်ချစ်တယ်။ ဘောလုံးပွဲတွေကြည့်ရတာကိုလည်း ကျွန်တော်ကြိုက်ပါတယ်။ ဒါကို ပရိသတ်တွေ အံ့သြကောင်း အံ့သြကြပါလိမ့်မယ်။ ကျွန်တော်ငယ်ငယ်တုန်းက တိုက်စစ်မှူးတွေကို အဓိကထားပြီး ကြည့်ခဲ့တယ်။ အခုတော့ ကျွန်တော်ဟာ ကွင်းလယ်လူတွေရဲ့ ကစားပုံတွေကို လေ့လာလေ့ရှိပါတယ်။ ယာယာတိုရေး၊ ဇာဗီ၊ အင်နီယေစတာ၊ ပေါလ်စခိုးလ်၊ ကာရစ်တို့ဆီကနေ ကျွန်တော် သင်ယူမှုတွေ အများကြီးပြုလုပ်ခဲ့ပါတယ်။ အခုအချိန်မှာတော့ ကျွန်တော်ဟာ ဒီဘရိုင်းနား၊ တိုနီကရို့စ်၊ မိုဒရစ်တို့ ကစားတာတွေကို ကြည့်လေ့ရှိပါတယ်။ သူတို့ကစားတာကို ကျွန်တော်နှစ်သက်ပါတယ်။ ဒါကြောင့် သူတို့ဆီကနေ ကျွန်တော် သင်ယူလေ့ရှိပါတယ်။ အဲဒါက ကျွန်တော့်ကို ပိုကောင်းတဲ့ကစားသမားတစ်ဦးဖြစ်လာစေပါတယ်'' ဟုပြောကြားခဲ့သည်။
ပေါ့ဘာသည် မော်ရင်ဟိုလက်ထက်တွင် မန်ယူအသင်း၌ ပုံမှန်နေရာရရန် ရုန်းကန်ခဲ့ရသော်လည်း ယာယီနည်းပြ ဆိုးလ်ရှားလက်ထက်တွင် ခြေစွမ်းပြကစားနေသူဖြစ်ပြီး ယခုရာသီ ပြိုင်ပွဲစုံ (၂၅) ပွဲတွင် (၉) ဂိုးသွင်းယူထားသည်။
-
ပြင်သစ်ထိပ်သီးကလပ် လိုင်ယွန်အသင်း ဘဏ္ဍာရေးပြဿနာကြောင့် ရာသီကုန်တွင် လီဂူး-၂ သို့ တန်းဆင်းရန် ပြစ်ဒဏ်ချမှတ်ခံရ
-
ပေါ့ဘာနှင့် ဂျူဗင်တပ်စ်အသင်း နိုဝင်ဘာလကုန်တွင် စာချုပ်ဖျက်သိမ်းရန် သဘောတူညီမှုရရှိ
-
မျှော်လင့်ခြင်းများစွာဖြင့်
-
Nations League နဲ့ မျှော်လင့်ခြင်းများဆီသို့
-
အလန်ရှီးယား ရွေးချယ်သည့် ပရီးမီးယားလိဂ်အကောင်းဆုံးအသင်းတွင် လီဗာပူးလ်ကစားသမား (၄)ဦးပါဝင်ပြီး မန်စီးတီးနှင့် အာဆင်နယ်မှ ပါဝင်ခြင်းမရှိ
