ကင်မရွန်းဘောလုံးအဖွဲ့ချုပ်သည် အသင်းနည်းပြ ဆီးဒေါ့ဖ်နှင့် လက်ထောက်နည်းပြ ကလွိုက်ဗတ်တို့အား ရာထူးမှထုတ်ပယ်လိုက်ပြီဖြစ်ကြောင်း ဇူလိုင်လ (၁၆) ရက်နေ့က အတည်ပြုထုတ်ပြန်ခဲ့သည်။
ကင်မရွန်းဘောလုံးအဖွဲ့ချုပ်သည် အသင်းနည်းပြ ဆီးဒေါ့ဖ်နှင့် လက်ထောက်နည်းပြ ကလွိုက်ဗတ်တို့အား ရာထူးမှထုတ်ပယ်လိုက်ပြီဖြစ်ကြောင်း ဇူလိုင်လ (၁၆) ရက်နေ့က အတည်ပြုထုတ်ပြန်ခဲ့သည်။
ကင်မရွန်းအသင်းသည် ၂၀၁၉ အာဖရိကနိုင်ငံများဖလားပြိုင်ပွဲတွင် လက်ရှိချန်ပီယံအဖြစ် ဝင်ရောက်ယှဉ်ပြိုင်ခဲ့သော်လည်း ရှုံးထွက် (၁၆) သင်းအဆင့်၌ နိုင်ဂျီးရီးယားအသင်းကို (၂-၃) ဂိုးဖြင့် ရှုံးနိမ့်ခဲ့ပြီး ထွက်ခွာခဲ့ရသည်။
ထို့ကြောင့် ကင်မရွန်းဘောလုံးအဖွဲ့ချုပ်သည် နည်းပြ ဆီးဒေါ့ဖ်နှင့် လက်ထောက်နည်းပြ ကလွိုက်ဗတ်တို့အား ရာထူးမှ ထုတ်ပယ်ခဲ့ခြင်းဖြစ်သည်။
ဆီးဒေါ့ဖ်သည် ၂၀၁၈ ခုနှစ်၊ သြဂုတ်လတွင် ကင်မရွန်းလက်ရွေးစင်အသင်းကို စတင်ကိုင်တွယ်ခဲ့ပြီး ပြိုင်ပွဲအသွင် (၉) ပွဲ ယှဉ်ပြိုင်ရာတွင် (၃) ပွဲသာ အနိုင်ရခဲ့ကြောင်း သိရသည်။
အသက် (၄၃) နှစ်အရွယ်ရှိ နယ်သာလန်ကစားသမားဟောင်း ဆီဒေါ့ဖ်သည် ကစားသမားဘဝတွင် အောင်မြင်မှုများရရှိခဲ့သော်လည်း နည်းပြဘဝတွင် စီးရီးအေကလပ် အေစီမီလန်၊ တရုတ်ကလပ် ချန်ကျန်အသင်းတို့ကို ကိုင်တွယ်ခဲ့ရာတွင် ကျရှုံးခဲ့သလို၊ စပိန်ကလပ် ဒီပို့တီဗိုအသင်းကို ကိုင်တွယ်ရာတွင်လည်း ဒီပို့တီဗိုအသင်းမှာ လာလီဂါပြိုင်ပွဲမှ တန်းဆင်းခဲ့ရသည်။
ကင်မရွန်းနိုင်ငံသည် ၂၀၂၁ အာဖရိကနိုင်ငံများဖလားပြိုင်ပွဲကို အိမ်ရှင်အဖြစ် လက်ခံကျင်းပမည့်ဖြစ်ပြီး လက်ရှိတွင် ကင်မရွန်းဘောလုံးအဖွဲ့ချုပ်သည် နည်းပြသစ်တစ်ဦးကို ရှာဖွေလျက်ရှိကြောင်း AFP သတင်းဌာနက ဖော်ပြခဲ့သည်။
-
ယခုရာသီ ပရီးမီးယားလိဂ် (၆)ပွဲတွင် (၁)ပွဲသာ အနိုင်ရထားသော်လည်း ချယ်လ်ဆီးအသင်း အောင်မြင်မှုများရယူနိုင်မည်ဟု နည်းပြ ပိုချက်တီနို ကတိပေး
-
ပွဲထွက်ခွင့်အတွက် သက်သေပြရန် စမစ်ရိုးကို အာတီတာ စိန်ခေါ်
-
စပိန်နောက်ခံလူ ရာမို့စ်၏နေအိမ် ဓားပြတိုက်ခံရ
-
ဒေးဗစ်ရာယာက အာဆင်နယ်အတွက် အရေးပါတဲ့ အစိတ်အပိုင်းတစ်ခု ဖြစ်လာမလား
-
ဆန်ချိုအား ခေါ်ယူရန် ရိုးမားအသင်း စောင့်ကြည့်နေ
