နာဂဒေသ နန်းယွန်းမြို့မှ မြစ်ကြီးနား သွားသည့် ယာဉ်စီးခများမြင့်တက်လျှက်ရှိပြီး၊ ဒေသတွင်းလမ်းပန်းဆက်သွယ်ရေးအခက်အခဲများကြောင့်ကုန်စည်စီးဆင်းမှုများ နှောင့်နှေးကြန့်ကြာနေကာ ကုန်ဈေးနှုန်းများလည်း မြင့်တက်လျက်ရှိကြောင်း ဒေသခံသတင်းရင်းမြစ်များထံက သိရသည်။
လက်ရှိ နန်းယွန်း-ရှင်ဗွေယန်-တနိုင်း-မြစ်ကြီးနားယာဉ်စီးခ ဈေးနှုန်းများအနေဖြင့် နန်းယွန်း-ရှင်ဗွေယန်ကို ၈၀,၀၀၀ကျပ်မှ ၁၂၀,၀ ၀၀ ကျပ် ၊ ရှင်ဗွေယန်- တနိုင်းကို ၆၀,၀၀၀ ကျပ်မှ ၉၀,၀၀၀ ကျပ် ၊ တနိုင်း-မြစ်ကြီးနားကို ၂၅၀,၀၀၀ ကျပ် မှ ၃၅၀,၀၀၀ ကျပ်အထိ အသီးသီးရှိကြကြောင်း သိရသည်။
ထို့အတူ နာဂဒေသ လေရှီးမြို့နှင့် နန်းယွန်းမြို့တို့တွင် ကုန်စည်ပို့ဆောင်ရေးဈေးနှုန်းနှင့် ခရီးသွားလာရေးစရိတ်များ အဆမတန်မြင့်မားလာခြင်းကြောင့် ဒေသတွင်း ကုန်ဈေးနှုန်းများလည်းမြင့်တက်လျှက်ရှိကြောင်း သိရသည်။
နန်းယွန်းမြို့နှင့် ထိစပ်နေသည့် ကချင်ပြည်နယ်အတွင်း နေရာအချို့၌ တိုက်ပွဲများ ဖြစ်ပွားနေခြင်းကြောင့် ခရီးသွားလာရေးနှင့် ကုန်စည်ပို့ဆောင်ရေး ခက်ခဲနေသလို ၊ လေရှီးမြို့နှင့် တဆက်တည်းဖြစ်သည့် ဟုမ္မလင်းမြို့တွင်လည်း တိုက်ပွဲများ မကြာခဏဖြစ်ပွားနေခြင်းကြောင့် လမ်းပန်းဆက်သွယ်ရေး ခက်ခဲမှုများရှိနေပြီး ဒေသတွင်းကုန်စည်ပြတ်လပ်သည်အထိ ကြုံတွေ့နေကြရကြောင်း သိရသည်။
လက်ရှိ နာဂဒေသ နန်းယွန်းမြို့အတွင်း အခြေခံစားသောက် ကုန်ဈေးနှုန်းများမှာ ဆန်ကြမ်း တစ်အိတ်လျှင် ကျပ် (၂၇၀, ၀၀၀)၊ ဆန်ချော တစ်အိတ်လျှင် (၃၂၀,၀၀၀)၊ စားဆီ တစ်ပိဿာ ကျပ် (၃၀,၀၀၀)၊ ဆားတစ်ထုပ် ကျပ်(၃၀၀၀)၊ ပဲနီ လေး တစ်ဗူး ကျပ် (၄,၀၀၀)၊ ပဲဝါလေး တစ်ဗူး ကျပ် (၃,၀၀ဝ)၊ ကြက်ဥ တစ်လုံး ကျပ် (၁,၀၀၀)၊ Instant Coffeemix တစ်ထုပ် ကျပ်(၁၀၀၀)အသီးသီးရှိကြောင်း သိရသည်။
နန်းယွန်းမြို့သည် လီဒိုလမ်းမကြီးပေါ်တွင်တည်ရှိသည့် မြို့တစ်ခုဖြစ်ပြီး၊ ဒေသအတွင်းအခြေခံစားကုန်နှင့် လူသုံးကုန်များကို ကချင်ပြည်နယ် မြစ်ကြီးနားမြို့မှတဆင့် သယ်ယူပို့ဆောင်နေရခြင်းဖြစ်သည်။
အလားတူ လေရှီးမြို့သည် မုံရွာ-ဟုမ္မလင်း ရေကြောင်းပို့ ဆောင်ရေးကို အဓိက အားထားရသည့် ဒေသတစ်ခုဖြစ်ပြီး ချင်းတွင်းမြစ်ကြောင်းဒေသတလျှောက် တိုက်ပွဲများဖြစ်ပွားနေခြင်းကြောင့် ကုန်စည်သယ်ယူပို့ဆောင်ရေးနှင့် လမ်းပန်း ဆက်သွယ်ရေး အခက်အခဲများကြုံတွေ့နေရကြောင်း သိရသည်။
ပုံစာ– နန်းယွန်း-ရှင်ဗွေယန်-တနိုင်းလမ်းပိုင်း တစ်နေရာ(ပုဲအဟောင်း)
-
ဟုမ္မလင်းမြို့နယ်တွင် ကျေးရွာပေါင်း ၁၈၀ ကျော် အသုံးပြုနေသည့် ဥရုတံတား၏ ကမ်းကပ်ခုံမှာ ဥရုမြစ်ရေတိုက်စားမှုကြောင့် ပျက်စီးနိုင်သည့်အတွက် ကမ်းထိန်းနံရံ အမြန်ဆုံး တည်ဆောက်ပေးရန် စစ်ကိုင်းတိုင်းလွှတ်တော်တွင် မေးမြန်း
-
လင်းခေးခရိုင်အတွင်းရှိ သုံးမြို့နယ်တွင် မိုးသည်းထန်စွာ ရွာသွန်းမှုကြောင့် နေအိမ်များ ရေနစ်မြုပ်
-
တာမွေမြို့နယ် NLD ပါတီက နိုင်ငံတော်သမ္မတနှင့် နိုင်ငံတော်၏အတိုင်ပင်ခံပုဂ္ဂိုလ် ဓာတ်ပုံ အသုံးပြုမဲဆွယ်ခြင်းသည် ပြည်သူ့ဝန်ထမ်း အကူအညီ ရယူရာရောက်သည်ဟုဆိုကာ ကန့်ကွက်ထားမှုအပေါ် ပုံရိပ်ကို အသုံးပြုခြင်းသည် စပ်ဆိုင်မှုမရှိကြောင်း ပြည်ခိုင်ဖြိုးကိုယ်စားလှယ်လောင
-
နိုဝင်ဘာ ၂၁ ရက်တွင် တက္ကသိုလ်၊ ဒီဂရီကောလိပ်ကျောင်းများ ဖွင့်လှစ်မည်ဖြစ်ပြီး ကျောင်းအပ်လက်ခံခြင်းကို နိုဝင်ဘာ ၁၄ ရက်မှစ၍ ပိတ်ရက်မရှိ လက်ခံပေးမည်
-
မြန်မာနိုင်ငံတွင် LNG Terminal တည်ဆောက်ပြီး ရရှိလာမည့် သဘာဝဓာတ်ငွေ့ကို မျှဝေသုံးစွဲနိုင်ရေး အပါအဝင် အခြားကိစ္စရပ်များ မြန်မာ-တရုတ် ဆွေးနွေး
